Укучылар,  әти-әниләр һәм укытучылар Болгарга сәяхәткә барып кайттык.

                                11 сыйныфны 6 укучы тәмамлады. Бүген чыгарылыш кичәсе.

                    Бүген лагерьның соңгы көне.Сабантуй, эрудит-шоу, лотерея уеннары, лагерьны ябу тантанасы  күңелле булды.

Лагерь вакытында тәмле ризыклар пешергән,  кызыклы чаралар үткәргән вожатый апаларның барысына да  рәхмәт әйтәбез. Каникулның калган вакытын да файдалы итеп үткәрергә язсын.

                    Лагерьның егерменче көне гадәттәгечә башланып китте. Иртәнге аштан соң  "Җыр, бию, такмаклар" (конкурс), "Тәмәке тартуның зыяны"(әңгәмә, видеоролик карадык) кебек чараларны вожатыйлар Габдракипова Д.А., Даминова З.Г. үткәрде. Балалар бакчасында тәрбияләнүче нәниләр өчен концерт куйдык. Алар белән бергәләп биедек.

        Балалар көтеп алган көн җитте.План буенча без боз сараена бардык. Урман музеенда булдык, урман буенда ял итеп алдык, рәхәтләнеп бозда шудык.

     "Кызыклы инглиз теле", "Кошлар - безнең дуслар" дигән чараларны  вожатыйлар Даминова З.Г., Габдракипова Д.А. мавыктыргыч итеп оештырды. "Хәтер" китабы буенча сәяхәтне тарих укытучысы Нуриахметова Д.Р. белән ясадык. Бүгенге көннең дә матур мизгелләре күңелдә сакланыр.

     Лагерьның  уналтынчы көнен матур гына башлап җибәрдек.  "Начар гадәтләргә иярмик"  дигән темага диспутны мәдәният йорты директоры Фаляхова М.С. үткәрде.Татар халык уеннарын бергәләп спортзалда уйнадык."Күренекле шәхесләр", "Чәчәкләр патшалыгында"  дигән чараларны  вожатыйлар Габдракипова Д.А., Даминова З.Г. оештырды. Төшке аштан соң  дөньядагы яңалыклар турында сөйләштек.  "Һәрвакыт булсын кояш" дигән темага рәсем ясадык. Украинадагы хәлләр белән барыбыз да таныш.Сугышлар беркайчан да булмасын иде.Балаларның барысы да әтиле-әниле үссеннәр! Җирдә матурлык яшәсен! Бары матурлык кына дөньяны афәттән саклый. Яшәсен җирдә тынычлык!

    Укучыларыбыз лагерьга  теләп килә, без бүген дә тулы составта. Балалар бакчасына концерт әзерләү максатыннан "Без талантлар эзлибез" дигән чара оештырдык.

"Кеше һәм табигать" (экологик рәсем конкурсы), "Җәй" дигән темага иҗади эшләр эшләнде. Ял минутында флеш-моб биедек. Хезмәт десантында барлык укучыларыбыз да  мәктәп бакчасында чүп утады.