Беренче кечкенәләр төркеменә  14 октябрь көнне әвәләү шөгыленә Назлыкай-куян килде.  Ул үзенә һәм иптәшләренә кишер әвәләп бирүләрен сорады. Балалар бик теләп һәм куанып, тәрбияче Хазиева А.Х  ярдәмендә,  уч төбендә туры хәрәкәтләр белән кишер әвәләделәр, очын чеметеп озынайтырга өйрәнделәр.

Бүгенге рәсем шөгылендә зурлар төркеме балалары көзге табигатьнең үзенчәлекле якларын кәгазьгә төшерделәр. Рәсем аркылы балалар көзге табигатьнең матурлыгына ничек соклана белүләрен, күзәтүчәнлекләрен һәм кызыксынучанлык сыйфатларын чагылдырдылар.

Рәсем аркылы алар сүзлек запасларын үстерделәр. Табышмаклар, шигырьләр өйрәнделәр. Бергәләп җырлы-уен "Көз һәм яңгыр" уенын уйнадылар.

 Икенче кечкенәләр төркемендә констукцияләү-төзү белем бирү эшчәнлеге программасы балаларның төзү материалларын дөрес итеп атауларын,форма һәм төсләре буенча  аеруларын максат итеп куя. Бүгенге  констукцияләү-төзү белем бирү эшчәнлегендә  балалар тәрбияче апалары Гөләрия Таһировна белән капка төзиләр.Кирпечләрне вертикаль рәвештә куярга ,эшне төгәл башкару максатыннан билгеле бер эзлеклелектә эшләргә өйрәнәләр,биек,кыска сүзләрен активлаштыралар. Кунакка килүче йомшак уенчыкларга капка төзү балаларда  күңел күтәренкелеге, эшләгән эшләре белән горурлану хисе тудыра.

Зурлар төркемендә математика белем бирү эшчәнлеге бүген 5,6 саннарын өйрәнүгә, аларны дөрес итеп санауга багышланды. Тәрбияче апалары Хамидуллина Р.Р. белән балалар ике группа предметларын чагыштыру ярдәмендә 6 санының барлыкка килүен  аңладылар, математика иленә сәяхәт кылдылар, үзләренә бик күп мәгълүмат тупладылар.

Буген безнең бакчаның мәктәпкә әзерлек төркеме балалары тәрбиячеләре белән район А.Кәримуллин исемендәге китапханәгә бардылар. Китапханәче Алия Гарипова балаларны "Мойдодыр", "Федорино горе" китаплары белән таныштырды. Чисталык, гигиена турында балалар белән әңгәмә корды. Уен бүлмәсе белән таныштырды. Татарча  мультфильм да балалар күңеленә хуш килде.

Тәрәзәгә күз салсаң, бөтен табигатьне пумала белән сарылы-кызыллы төскә буяп киткәннәр төсле. Бүген мәктәпкә әзерлек төркеме балалары тәрбияче апалары Шамсутдинова Л.М. белән рәсем шөгылендә нәкъ табигатьтәгечә итеп, миләш ботагы ясадылар. Башта миләш ботагының җимешләренең сүрәтләү тәртибен, аннары төсен карадылар. соңыннан рәсемгә төшерү алдыннан альбом битенең кайсы өлешендә урнашачагын билгеләп, чып-чын миләш ботагын рәсемләделәр. Пумала белән ясауның төрле алымнары кулланылды. Шөгыль балаларга бик ошады.

Использование информационно-коммуникационных технологий в детском саду – актуальная проблема современного дошкольного воспитания.Этот современный способ развивает интерес к обучению, воспитывает самостоятельность, развивает интеллектуальную деятельность, позволяет развиваться в духе современности, дает возможность качественно обновить воспитательно-образовательный процесс в ДОУ и повысить его эффективность.

В нашем ДОУ в ходе непосредственной образовательной деятельности воспитатели активно используют ИКТ-технологии. Так, например, день у нас начинается с утренней гимнастики, которую дети делают с помощью интерактивной доски.

Буген зурлар төркеме балалары кабаттан юл йөрү кагыйдәләрен искә төшерделәр. Тәрбияче Хамидуллина Р.Р. аларны уен аша  юл инспекторы хезмәте белән таныштырды, юл аша светофорның төрләренә, машиналарның юнәлешенә игътибар итәргә кирәк икәненә исләренә төшерде.

Бу атна  "Туган Татарстаным. Яшеллекә күмелгән  туган илем" темасы астында үтте. Йомгаклау чарасы итеп мәктәпкә әзерлек төркеме балалары тәрбиячеләре Шамсутдинова Л.М. һәм музыка җитәкчесе Галимуллина А.Р. белән берлектә "Туган җирем -Татарстан" исемле бәйрәм үткәрелде. Балалар Татарстан, Казан, Татарстан флагы һәм гербы  турында шигырьләр сөйләделәр, матур җырлар җырладылар һәм күңелле уеннар уйнап күрсәттеләр. 

Уртанчылар торкеме физкультура шөгылендә “Без физкультурниклар» дигән исем астында үткәрелгән ярышта катнашу өчен тәрбияче Гараева Ә.М. белән берлектә спорт комплекска юл тоттылар. Алар каршылыклар аша сикерү (кыршаудан-кыршауга), предметлар арасыннан туп тәгәрәтү кебек ярышларда бик теләп катнаштылар. Балалар өлгерлектә, җитезлектә, чыдамлыкта сынатмадылар.