Мәктәпкә әзерлек төркеме (тәрбияче Шамсутдинова Л.М) балалары математика шөгылен игътибар белән тыңлап, бирелгән биремнәрне җиренә җиткереп эшләргә тырышалар.

Бүгенге шөгыль дә уен рәвешендә үтте. Беренче биремдә балалар крокодилга ничә төрле ризык ашаганын санарга булыштылар. Бу биремдә ике кечкенә саннан 10 санын китереп чыгару, тәртип буенча санау ныгытылды. Алдагы биремдә геометрик фигураларны, санау таякчыклары белән эшләүне искә төшерү максатыннан “Конструктор” дип аталган дидактик уен оештырылды. Тәрбияче укыган шигырьләрне тыңлап, балалар геометрик фигуралардан, санау таякчыларыннан төрле предметлар (өй, чыршы, машина, велосипед) ясадылар. Шөгыль ахырында “Кызыклы кагыйдә” дигән уен-күнегү үтте. Монда тәрбияче белән берлектә адымнар санап, төркемнең озынлыгы, киңлеге үлчәнелде.

Шөгыль барышының төрлелеге балаларга бик ошады.

"Кыңгырау" балалар бакчасының зурлар төркеме балалары режим моментларын файдалы һәм кызыклы үткәрәләр. Саф һавада кышкы уеннар уйныйлар, табигатьнең матурлыгына сокланалар һәм кар белән уйнауларына шатланалар. Аларның тизрәк кардан тау өеп, шуннан шуасылары килә. 

Ябалак кар, яу-яу!

Без ясыйбыз кардан тау.

Ак мамыктай тузгып яу!

Бик дәү булсын безнең тау!

Бакчабызда “Минем гаиләм, өем, йорт җиһазлары” атналыгы  узды. Атналык кысаларында  мәктәпкә әзерлек төркеме балалары тәрбиячеләре Шамсутдинова Лениза Мисбаховна һәм Якупова Галия Гаптелфартовна белән берлектә “Гаилә агачы” “үстерделәр”. 

Буген музыка шөгелендә музыка җитәкчесе Галимуллина А.Р. белән  1 кечкенәләр төркеме балалары көзне озатып кышны каршы алдылар. Алар яраткан җырларны җырлап, уеннар уйнадылар. Балалар шөгыльдә бик теләп катнаштылар.

Бүген икенче кечкенәләр төркеме балалары танып-белү-конструкцияләү белем бирү эшчәнлегендә курчакка мебель-өстәл төзергә өйрәнделәр. Тәрбияче апалары Хайриева Гөләрия Таһировна әлеге белем бирү эшчәнлегендә әйләнә-тирәлектәге предметларны белүне ныгыту, аларның төп вазифасын, өлешләрен билгеләргә өйрәтү максатын тормышка ашырды. Балалар бик тырышып кунакка килгән курчакларга өстәл төзеделәр, башкарган эшләреннән күңел күтәренкелеге алдылар.

08.11.2016 көнне уртанчылар төркеме балалары тәрбиячеләре С.С. Мухаметшина белән йортлар һәм сарайлар төзергә өйрәнделәр. Нәниләр "салган" зиннәтле сарайлар һәркемне үзенә чакырып тора.  Анда әти-әниләр,әби-бабайлар, туганнар, дуслар еш кунак булыр дип ышандыра нәниләр. Кунакларның барысына да урын җитәчәк дип ышандыра алар.

Бүген мәктәпкә әзерлек төркеме балалары "Нарат" боз сараена иртәнге 7.30 да үк кузгалдылар. Бозга аяк басканнарына ике ай гына булса да, инде барысы да  үзләрен иркен тоталар. Тренерлары Фанис Фаритович аларны күнегүләрне җиренә җиткереп, төгәл үтәргә өнди. Бозда бер сәгать шуып чыккан нәниләрнең бит алмалары аллана, сулыш юллары иркенәя. Атнаның беренче һәм бишенче көннәрен алар "боз көне" дип атыйлар. Барлык балалар да бу "сәяхәт" көнен яраталар.

Бүген безнең бакчада "Сөмбелә бәйрәме" үткәрелде. Бәйрәмгә көз кызы Сөмбелә килде. Ул балаларга күчтәнәчләр һәм төрле кызык конкурслар алып килде.  Балалар үз чиратында Сөмбеләгә шигырьләр сөйләделәр, җырлар җырлап, биюләр биеп күрсәттеләр. Бәйрәм бик күңелле үтте.