Икенче кечкенәләр төркеме  балалары   белем бирү эшчәнлекләрендә бик теләп катнашалар.  Бүген алар тәрбияче апалары белән (Хайриева Гөләрия Таһировна) сөйләм үстерү белем бирү эшчәнлегендә кунак каршыларга өйрәнделәр    һәм  алар барында үз-үзеңне ничек  тотарга кирәклеге турында  белемнәрен киңәйттеләр. Балалар янына кунакка килгән Айсылу курчакны  ягымлы итеп каршы алдылар,өстәл әзерләп сыйладылар, тагын кунакка чакырып озатып калдылар. Бик тырышып үзләренең өйләренә  килгән кунаклар  һәм аларны нәрсәләр белән сыйлаулары турында сөйләделәр. Тормышта иң кирәкле  сыйфат-  әдәп-әхлак тәрбиясе алдылар.

Бүген уртанчылар төркеме балалары (тәрбияче Мухаметшина С.С.) төзү материалы белән юл ясадылар. Ясаган вакытта алар 5-кә хәтле санауны, предметларның үлчәмнәре арта һәм кими бару тәртибендә урнаштыруны ныгыттылар, логик мисаллар чиштеләр. Ясаган юлдан ял итәргә барырга сөйләштеләр.

Бүген беренче кечкенәләр  төркеме балалары тәрбиячеләре Хазиева А.Г. белән рәсем шөгылендә кулларын төсле карандаш тотып вертикаль сызык ясауда күнектерделәр. Матур шарлар ясап, аларга бау "тактылар".  Соңыннан үзләре ясаган шарлар белән балалар рәхәтләнеп уйнадылар. 

Бүген зурлар төркеме балалары тәрбиячеләре Богавеева Г.Ш. белән Саба районының музеена экскурсиягә бардылар. Анда аларны  элек тормышта кулланган җиһазлар белән таныштырдылар. Экскурсия бик күңелле һәм эчтәлекле булды.

Сәламәт тәндә-сәламәт акыл дип юкка гына әйтмиләр. Мәктәпкә әзерлек төркеме балалары атнаның  дүрт көнен спортка багышлыйлар. Боз сараена бару, конькида шуу балаларның сәламәтлеге өчен бигрәк тә файдалы. Тренерыбыз Фәнис Фәритович балаларны тимер аякта өйрәтү белән генә чикләнми, төрле эстафеталар үткәрә, шөгыльләрен кызыклы итеп үткәрә. Балаларыбызга шундый мөмкинчелек тудырган өчен югарыдагы  җитәкчеләребезгә  рәхмәтебезне белдерәбез. 

Сегодня, воспитатель по обучению русскому языку Мавлявиева Лэйсан Альфакаровна приняла участие во втором туре районного конкурса "Воспитатель года 2017", который прошел в Шеморданском детском саду "Экият". Она показала занятие "В мире доброты".  Детей встретила фея Доброты, с ней они говорили о доброте,  совершали хорошие поступки, танцевали, разукрашивали волшебный цветок с помощью разноцветного песка. В конце занятия Фея подарила детям на память волшебные цветы, сделанные ее руками. Желаем Лэйсан Альфакаровне дальнейших успехов!

Атна темасын йомгаклап мәктәпкә әзерлек төркеме балалары белән Шамсутдинова Лениза Мисбаховна "Әбием сандыгы" исемле әдәби кичә үткәрде. Балалар сандык эченнән алып милли киемнәр, сөлгеләр алып, һәрберсе турында шигырьләр сөйләп, татар халык уеннарын уйнадылар, кызлар "Шәл бәйләдем" җырлы бию башкардылар. Бәйрәм бик күңелле һәм эчтәлекле булды.

Мәктәпкә әзерлек төркеме балалары (тәрбияче Шамсутдинова Л.М) рәсем һәм кисеп ябыштыру(интегральләштерелгән шөгыль) шөгылендә төньякка Ак диңгезгә сәяхәт иттеләр. Презентация  аша андагы табигатьнең ап-ак булуына, төньяк балкышының  матурлыгына сокландылар, төньякта яшәүче хайваннар, аларның ничек яшәгәннәре турында белделәр. Соңыннан бер зур ак кәгазь битенә бергәләп төньяк балкышын ясап, анда яшәүче Умка дигән аю баласына “иптәшләр” кисеп ябыштырдылар.Бик матур гына коллектив эш килеп чыкты. Шөгыль балаларга бик ошады, икенче шөгыльдә көньякка – җылыга барырбыз дип шөгылебезне  тәмамладылар.