"Без спортны яратабыз" атналыгы кысаларында тәрбяче Якупова Г.Г. зурлар төркеме балалары белән төрле спорт уеннары уйнатып физкультурачылар көнен билгеләп үтте. Спорт инвентарьлары белән таныштырды.

Бу атна дәвамында балаларның юл йөрү кагыйдәләре турында белемнәрен киңәйтү, юл йөрү билгеләрен һәм яңа терминнарны өйрәтүне дәвам итү максатыннан бакчабызда төрле чаралар үтә. Бүген мәктәпкә хәзерлек һәм зурлар төркеме балаларына кунакка Клоун килеп, алар белән күңелле ярыш үткәрде. Балалар табышмаклар чиштеләр, "Юл билгеләрен таны!" исемле уен уйнадылар, асфальтка юл билгеләре ясадылар.Бәйрәм балаларга бик ошады.

30 июль көнне бакчабызда мәктәпкә хәзерлек төркеме балаларының чыгарылыш бәйрәме үтте. Бакчабызның иң акыллы, иң тәртипле 25 баласын белем иленә озаттык. Бу балаларыбыз безнең төп ярдәмчеләребез иделәр, алар эш дигәндә -мин-мин дип, ял иткәндә җырлыйм,биим дип торучы балалар иделәр. Барлык бакчада үткәрелгән чараларда, төрле конкурсларда актив катнашучыларыбыз иделәр. Без аларга мәктәптә дә тәртипле, акыллы, инсафлы булуларын теләдек. Бәйрәмгә кунаклар да күп килгән иде, "Антишколин"  яшергән дипломнарны "Сыщик", зурлар төркеме балалары, Снежная королева һәм "Ковбой" эзләргә ярдәм иттеләр. Бәйрәм матур җырлар һәм шигырьләр белән үрелеп барды. Бу бик дулкынландыргыч, моңсу һәм дә шатлыклы бәйрәм булды.

Балалар китабы атнасы кысаларында уртанчылар төркеме балалары раскраска китапларын буядылар. Балаларның төсләрен туры китереп, кырыйга чыгармыйча үзләре теләгән китапчыкларын буйый алуларына ирешүнетәрбияче Якупова Галия Гаптефартовна максат итеп куйган иде.

17 июль көнне район күләмендә "Чиста яр" акциясе үткәрелде. Безнең бакча коллктивы да өмәдә актив катнашты. Су буйлары, агач араларыннан чүп җыелды. Табигать чистарып калды. Чисталык - сәламәтлек нигезе, ди халык. Ә сәламәтлек һәркемгә кадерле.

Безнең №4 номерлы "Кынгырау" балалар бакчасында бу атнада "Китап атналыгы" булды. Китап турында сөйләү, уку, гомумән, китап турындагы мәгьлүматлар балаларда зур кызыксыну уятты. Ә инде үзләре ясап алып килгән китапларның эчтәлекләре белән һәрберсе бик теләп таныштырды.

   Бүген ,13 июль көнне, озак еллар тәрбияче булып эшләүче Мәдинә апабызның юбилее.

                            Хөрмәтле Мәдинә Равилевна!

Сине олы бәйрәмең — 55 яшьлек юбилеең белән чын күңелдән котлыйбыз. Сиңа нык сәламәтлек, күңел тынычлыгы, гаилә шатлыгы, кайгы-хәсрәтсез көннәр, ак бәхетләр, балаларыңның һәм оныкларыңның күңел җылысын тоеп, игелекләрен күреп, бәхетле озын гомер кичерүеңне телибез. Киләчәгең җыр кебек матур, кояш кебек якты булсын.

Туачак таңнарың һәрвакыт нурлы, күк йөзең һәрвакыт аяз булсын. Гел шулай елмаеп, кешеләрне сөендереп яшә!

Һәр яңа көн бәхет алып килсен,

Алсу таңнар күмсен шатлыкка.

Яшәү  дәрте янсын йөрәгеңдә,

Картаерга һич тә ашыкма!

2 төркемдә тәрбияләнүче балалар  «Минем гаиләм» темасына асфальтка рәсем ясау бәйгесендә катнаштылар. Һәр бала бик тырышып төсле акбурлар кулланып өйләрен, гаилә әгъзаларын,  матур рәсемнәр дэ тасвирладылар.

Зурлар төркемендәге  балалар «Аю һәм бал кортлары» уенын яратып уйнадылар.Уенның максаты бердәмлек, дуслык хисләре тәрбияләү. Гаиләләр дә бал кортлары сыман эшчән, дус һәм бердәм булсыннар .

Комнан кызыксынып нәрсәдер эзләүче бу балалар ясле төркеменнэн. Аларга әле хәрнәрсә яңа, хәрнәрсә кызык. Әле дөнъяны ачасы бар….