Яңа ел якынлашканда  мәктәпкә әзерлек төркеме балалары тәрбиячеләре Г.Г.Якупова белән гади булмаган ысулны кулланып, чыршы кисеп ябыштырдылар. Гүзәл чыршыкай төбендә утыручы “алтын” чикләвекләр тоткан әкияти тиен эшебезне  тагын да матурлады.

Безнең  бакчада көн саен бию түгәре эшләп килә. Хореограф Давлетшина А.Ф. зурлар һәм мәктәпкә әзерлек төркем балаларына заманча һәм халык биюләрен өйрәтә. Балалар түгәрәккә бик теләп йөриләр.

 Буген  зурлар төркемендә тәрбияче Богавеева Г.Ш. җитәкчелегендә конструирование шөгыле “Мактанчык куян” исеме астында  үтте.  Балалар түгәрәкне бөкләп , аның ярты өлешеннән конус ясарга өйрәнделәр. Барлыкка килгән өлешләрдән куян ясадылар. Чыршы тирәсендә бик күп куяннар барлыкка килде. Балалар табышмаклар чиштеләр, уеннар уйнадылар. Ахырдан чыршы тирәли әйләнеп, җыр җырладылар.

Бүген без беренче кечкенәләр төркемендә матур әдәбият "Хайваннарны чакыру" эндәшен әйтү белем бирү эшчәнлеге үткәрдек. Балалар эндәшнең эчтәлеген аңларга, текстның эчтәлегеннән чыгып ымлыкларны дөрес әйтергә өйрәнделәр. Тәрбиячеләре Хамидуллина Р.Р.ның сорауларына дөрес җавап бирделәр. Балаларда хайваннарны ярату хисе тәрбияләнде. 

“Кыңгырау” балалар бакчасының чираттагы педкиңәшмәсе “Балалар бакчасында балаларны Татарстан Республикасы ике дәүләт теленә өйрәтү, милли тәрбия бирү” темасына үткәрелде. Педагогларыбыз “Балаларга  милли тәрбия бирү чыганагы буларак халык авыз иҗаты”, “Балаларда толерантлык тәрбияләү”, “Милли тәрбия бирүдә ата-аналар белән үзара эшчәнлек” темаларына чыгышлар ясадылар. 

Буген бакчабызда  “Исәнме, кыш!” исеме астында төркемнәр арасында үткән гади булмаган ысул белән картина ясау конкурсына нәтиҗә ясалды. Конкурста бөтен төркемнәр бик теләп катнаштылар. Бик матур рәсемнәр, картиналар ясадылар. Барлык катнашучыларга  рәхмәтебезне белдерәбез!

Икенче кечкенәләр төркемендә балалар тәрбияче апалары Хайриева Гөләрия Таһировна белән режим вакытларында җырлы-биюле “Утыр, утыр, Мәликә”,”Түбәтәй”,”Куянкай”,”Күрсәт әле,Габдулла!”  кебек уеннар уйнарга яраталар. Туган көннәре булган балаларга “Ак калач” уенын  уйнауны аеруча да көтеп алалар, яратып башкаралар..Җырлы-биюле уеннар балаларда  җыр һәм музыканың  характерына туры китереп хәрәкәт итү күнекмәләре формалаштыра,халык авыз иҗаты белән  кызыксыну һәм аларга карата мәхәббәт тәрбияли, күңел күтәренкелеге алып килә,матурлык тойгысы уята.

Бер үк объектны төрле зурлыкта һәм төрле рәвештә кора белергә өйрәнүче уртанчылар төркеме балалары тәрбиячеләре С.С. Мухаметшина белән “автопарк” төзеделәр. Детальләрне нык корылма барлыкка килерлек итеп урнаштыру күнекмәләрен ныгыттылар. 

“Кар бабай!” Бүген   уртанчылар төркеме балалары тәрбияче апалары Якупова Г.Г. белән саф һавада рәхәтләнеп кар белән уйнадылар. Кышка кереп килгәндә яуган, йомшак, җепшек кардан ясалган шарлардан “Кар бабай” сыны әвәләү балаларга бик ошады.

”“Кыңгырау” балалар бакчасының зурлар төркемендә тәрбияче Богавеева Г.Ш. “Ак ефэктән кыш килде!” темасына ана теле эшчәнлеге үткәрде.Шөгыльнең максаты – кышкы табигатьнең матурлыгына соклана белү сыйфаты, балаларның иҗади күзаллауларын, бәйләнешле сөйләмне үстерү, кыш турында белемнәрен тирәнәйтү иде. Эшчәнлектә тел шомарткычлар, табышмаклар, Г.Зәйнашеваның “Кыш килде” шигыре, хәрәкәтле һәм иҗади уеннар кулланылды.