Һәр ел фасылы үзенчә матур, күңелле вакыйгаларга бай. Язның соңгы ае –май аеруча күңелләргә рәхәтлек алып килә. Тиздән , бик тиздән көтеп алган  җылы матур җәй җитә. “Кыңгырау”балалар бакчасының икенче кечкенәләр төркеме балалары да җәйне зарыгып көтәләр. Җәй көненең  матурлыгы,чәчәкле болыннары турында  әңгәмәләр вакытында хыялланып сөйлиләр, җәйне,чәчәкләрне рәсемнәрдә сүрәтлиләр. Бүгенге  рәсем белем бирү эшчәнлегендә алар тәрбияче апалары Гөләрия Таһировна белән  тузганак(одуванчик )чәчәген  ясарга өйрәнделәр.