Яңа уку елына әзерлек башланды. Музыка җитәкчесе Галимуллина А.Р. һәм мәктәпкә әзерлек төркеме балалары  музыка шөгылендә кулланыр өчен үз куллары белән барабаннар ясадылар һәм  аларны матур итеп бизәделәр.

Бүген зурлар һәм мәктәпкә әзерлек төркеме балалары "Без ут сүндерүчеләрнең булышчлылары" дип  исемләнгән күңелле стартларда көч сынаштылар.

Бу атна безнең бакчада “Яшь пожарниклар” темасы астында үтә. Шул уңайдан бүген  уртанчылар төркемендә тәрбияче апалары Гөләрия Таһировна  балалар белән “Пожар куркынычсызлыгы” темасына әңгәмә үткәрде. Рәсемнәргә нигезләнеп балалар сорауларга җаваплар бирделәр,шырпының уенчык булмавына  төшенделәр, үзләренең фикерләре белән уртаклаштылар.

Бүген 2че кечкенәләр төркеме балалары ут сүндерүчеләргә ярдәмгә килеп рәсемдәге ялкынны янгырны яудырып сүндерделәр.

Бу атна темасы " Янгын сүндерүчеләргә "  багышланды. Мәктәпкә әзерлек төркеме янгын куркынычсызлыгы кагыйдәләре белән танышуны дәвам иттеләр. Янгын чыккан очракларда үзләрен дөрес тоту күнекмәләрен ныгыттылар, ут чыгу куркынычы булган әйберләр белән сак булу сыйфатларын үзләштерделәр. Алар үзләре өчен бик күп белем алдылар.  

                                   Пожар турында ишеткәч,

                                   Сигнал бирергә ашык.  

                                   Янгын гел көчәя бара,    

                                   Туктатып булмый ич һич.

                                   Су гына сүндермәс аны,          

                                   Кирәк шул ут сүндергеч.

Ясле төркеме балалары бакчабазның "табигать булмәсендә" экскурсиядә булды. Матур авазлар чыгарып сайраучы попугай,  бик акрын хәрәкәтләнүче ташбака, зур, "алтын" балыклар белән танышты алар.  Балаларның шатлыклары кызыксынулары көчле. Аларны "серле" бүлмәдән алып чыгу да кыен.

Бакчабызга 2017 елның  җәй айларында гына йөри башлаган сабыйлар  культура-гигеник кагыйдәләрне үзләштерә башлады. Алар ашау вакытларында өстәл янында үз-үзеңне тоту кагыйдәләрен өйрәнәләр. Кашыкны уң кулга тотып, чиста,  читкә түкми ашарга күнектерү безнең төп бурычыбыз. Нәниләрнең күбесе бакчага килгәндә әле кашык та тота белми иде, ә хәзер аларга карап сөенәбез.

Бүген мәктәпкә әзерлек төрлек мәдәният йортына экскурсиягэ бардылар. Сәнгать йортында эшләүчеләрнең иҗади тормышлары белән якыннан таныштылар. Мәдәният йортының эчке дөньясы турында кызыклы һәм күп мәгълүмат алдылар.

   Бүген  сәнгать атналыгы кысаларында  уртанчылар төркеме балалары арасында  “Минем яраткан җәнлегем” темасына тәрбияче Хайриева Г.Т. тарафыннан рәсем конкурсы үткәрелде. Балалар  бик кызыксып яраткан җәнлекләрен тасвирладылар, аларны ни өчен яратулары турында сөйләделәр, бик тырышып  аларны ак битләрдә  рәсемләделәр.