Бүген икенче кечкенәләр төркеме балалары математика шөгылендә (тәрбиячеләре Хазиева А.Х б/н) озын, кыска, бер тигез төшенчәләрен өйрәнделәр. Алар үзләренең шарфларын чагыштырып, кайсы озын, кайсы кыска икәнен белделәр. Ахырдан шарфлардан түгәрәк-кош оялары ясап “Кошлар ояда” дигән хәрәкәтле уен уйнадылар.

Урамнарда – Яңа ел алдыннан гына була торган матурлык. Игътибарны аеруча кар сыннары җәлеп итә – кем куллары белән тудырылган матурлык икән бу? Һәм шунда ук үзеңә җавап та бирәсең: кемнеке белән булсын инде, һәрвакыттагыча, безнең бакча хезмәткәрләренеке! 

Бу уку елында безнең бакчабыздан 2 тәрбиячебез педагогик аттестация үтте. 2 кечкенәләр төркеме тәрбиячесе Хазиева Алсу Габдельхамитовна беренче квалификацион категориясен раслады, рус  теле тәрбиячесе Мавлявиева Ләйсән Альфакаровна беренче квалификацион категориягә тәүге тапкыр ия булды. Аларны чын күңелебездән котлыйбыз һәм эшләрендә иҗади уңышлар телибез!

Икенче кечкенәләр төркеме балалары бүген әвәләү шөгылендә, (Тәрбиячеләре Хазиева А.Х б/н) Әминә- курчакка  зур һәм кечкенә коймаклар әвәләделәр.  Алар зур пластилин кисәгеннән,  зур һәм кечкенә кисәкләр чеметеп алырга өйрәнделәр, түгәрәк хәрәкәтләр белән кисәкләрне әвәләп  шарны уч төпләрендә изеп коймаклар ясадылар. Балалар  үзләренә куелган максатка ирештеләр. 

Төрле бәйрәмнәр алдыннан балалар бакчаларында үткәрелә торган кул эшләнмәләре күргәзмәсе анда тәрбияләнүчеләргә үзләренең сәләтләрен күрсәтү өчен зур мөмкинлекләр бирә. Мондый чараларның Яңа ел бәйрәменә багышланганнары да була. Яңа ел алдыннан әти-әниләр белән балалар кабул итү бүлмәсен бизәү өчен иң яхшы кул эшләнмәләре конкурсында бик актив катнашалар. Алар үзләренең фантазияләрен, иҗади сәләтләрен күрсәтәләр. Мәктәпкә әзерлек төркеме  әти - әниләре һәм балалары да  бу чарага теләп катнашалар.

Бүген Саба №4нче «Кыңгырау” балалар бакчасында “ ФДББС таләпләренә нигезләнеп балаларның сөйләм телен үстерү” темасына район семинары үтте.  Мөдир Файзрахманова Р.Ф. кунакларны кыскача бакча тормышы белән таныштырып үтте. Өлкән тәрбияче Валимухаметова Л.Р. "Балаларның сөйләм телен үстерүдә заманча технологияләрне куллану"темасына чыгыш ясады. Педагогларыбыз сөйләм үстерү буенча төрле технологияләр кулланып эшчәнлекләр күрсәттеләр.  1 кечкенәләр төркеме балалары белән "Әбидә кунакта"(Габбасова Л.Р.), мәктәпкә әзерлек төркеме балалары белән рус телендә "Зимушка-зима" (Мавлявиева Л.А.), инглиз телендә "Винни-пухта кунакта" (Гараева А.М.), зурлар төркеме балалары белән "Цветик-семицветик" (Халимова М.Р.). Хазиева А.Г., Галимуллина А.Р., Якупова Г.Г.лар семинарда катнашучы тәрбиячеләр белән берлектә мастер-класслар күрсәттеләр. Семинар "Развеселый теремок" мюзиклы белән тәмамланды. Мәгариф бүлеге баш белгече  Гумерова Л.М. семинарга уңай бәя бирде, тәрбиячеләргә үзенең тәкъдимнәрен җиткерде. Килгән кунаклар, семинарга багышлап, «Синквейн» технологиясен кулланып шигырь чыгардылар.

Безнең балалар бакчасында тәрбияләнүче икенче иң кечкенәләр төркеме балалары бу атнада шофер һөнәре белән таныштылар. Соңрак машиналар “йөртеп” карадылар, ә шофер һөнәре малайларга гына түгел , кызларга да бик ошады.

Саба йөзү бассейнына бик яратып йөри балалар. “Кынгырау” балалар бакчасыннан бассейнга йөрүче зурлар төркеме балалары да  үзләренең чиратларын зарыгып көтеп алалар.  Әле кайчан гына суга керергә куркып торучы малай-кызлар, су астыннан рәхәтләнеп йөзәләр.   Төрле күнегүләрне тиешенчә үтәргә өйрәнеп өлгергән инде алар.  Күзләре очкынланып, йөзләренә елмаю куна аларның судан чыкканда. Бик яратып йөрүләрен әти-әниләре дә гел искәртеп тора: “Бассейнга барасы көнне хич өйдә калырга теләмиләр”,-  ди алар.

Летом дети подготовительной группы участвовали во всероссийском конкурсе на тему " Я лето маме подарю! " И вот  подвели итоги конкурса. Победителям вручили дипломы. Дети были очень рады.

Икенче кечкенәләр төркеме балалары саф һавага чыккач уйнап кына калмыйлар, ә хезмәттә куялар. Алар агач көрәкләр б/н кар көриләр. Бу төр эш аларга бик ошый, алар аңа бик җаваплы карыйлар. Күмәк эшләр башкарганда,  балалар тирә-юньдәгеләр өчен кирәкле кеше булуларын тоялар.