Бүген 1 нче кечкенәләр төркеме тәрбиячесе Габбасова Л.Р.балаларны кошларны рәсемнән танырга,исемнәрен ,гәүдә өлешләрен әйтә белергә өйрәтте.  Кошларга карата кайгыртучанлык тәрбияләде. Балалар "Песи һәм кошлар"уенын уйнадылар. Ә соңыннан төзү материалларыннан кошларга оя төзеделәр.

Рәсем белем бирү эшчәнлеген зурлар төркеме балалары бик көтеп алалар. Бүгенге рәсем белем бирү эшчәнлегендә тәрбияче (Хамидуллина Р.Р) белән балалар куна тактасына городец бизәге ясарга өйрәнделәр. Куна тактасының эчен сызык, нокта, түгәрәк ярдәмендә бизәделәр. Үзләре белгән рәсем алымнарын кулландылар, фантазияләрен эшкә җиктеләр. Матур бизәкләр ясаудан күңел күтәренкелеге алдылар.

Буген зурлар төркеме  балалары  янына кунакка Акбай килде. Ул балаларга узе белән геометрик фигуралар алып килгән.Балалар  тәрбияче апалары (Хамидуллина Р.Р.)    белэн түгәрәкләрне 4 тигез өлешкә бүләргә , түгәрәкнен өлешләрен әйтергә  һәм бөтен белэн өлешне чагыштырырга өйрәнделәр. Өчпочмак һәм дүртпочмак турында күзаллауларын киңәйттелэр.Бүгенге эшчәнлек барышы балаларга бик ошады.

Буген бакчабызда уртанчылыр төркеме балалары  белән ( тәрбияче Якупова Г.Г.) янгын куркынычсызлыгы буенча өйрәнүләр уздырдык. "Куркынычсызлык. Уттан саклан" атналыгы кысаларында  туплаган белемнәрне ныгыту булды бу чара. 

Шөгыльдән тыш вакытларын икенче кечкенәләр төркеме балалары бик кызыклы итеп үткәрәләр. Алар леголардан төрле манаралар, замоклар төзеп уйныйлар.

 Уртанчылар төркемендә "Тәрәзә төбендә бакча" конкурсына әзерлек эшләре башланып китте. Бүген савытларга туфрак һәм су салып суганннар утырттык. "Көн саен су сибеп, аларның ничек үсүен күзәтәчәкбез,"- диде  балалар.

Бүген 1 нче кечкенәләр төркеменә елап песи килде. Ул үзенең өе янганын,торырга урыны юклыгын әйтте. Ләйсән Равилевна башта "Песинең өе янган"әсәр белән таныштырды балаларны,аннан песигә өй төзергә тәкъдим итте. Балалар песигә  төзү материалларыннан өй төзеп бирделәр. Песи сөенде,рәхмәт әйтте.

      Бүген балалар иҗат үзәгендә , балалар бакчалары арасында  инглиз теле фестивале булып узды. Бу фестивальдә  безнең “Кыңгырау “ балалар бакчасы шигырь номинациясендә 2 урынга  лаек булды. Афәрин ,балалар.

Бүген икенче кечкенәләр төркеме балалары саф һавага чыккач, атна темасы уңаеннан юлдагы транспортны күзәттеләр.  Алар машиналарны йөк һәм җиңел төрләренә аердылар һәм төсләрен атадылар.