Бүген безнең бакчабызда Бөек Җиңүнең 73 еллыгына багышланган  “Күңелләрдә мәңге сакланыр...”бәйрәм иртәсе үтте. Балаларга “Җиңү алып килгән яз!” исеме астында презентация күрсәтелде, зурлар төркеме балалары өйрәнгән шигырьләрен, җырларын, биюләрен башкардылар. Бәйрәм флешмоб белән тәмамланды.Барлык төркемнәрдәге балаларның рәсемнәреннән күргәзмә оештырылды.

Икенче кечкенәләр төркеме балалары янына ябыштыру -белем эшчәнлегенә,ике матур чеби кунакка килделәр.  Алар үзләренә иптәш эзләүләрен әйттеләр. Балалар аларга бик теләп чебиләр ябыштырып бирделәр.

Икенче кечкенәләр төркеме балалары атна темасы уңаеннан "Биллгесез солдат" һәйкәленә экскуриягә бардылар. Балалар сугыш турында бик күп мәгълүмат алдылар.

Бүген 1 нче кечкенәләр төркеме балалары тәрбиячеләре Габбасова Л.Р. белән кояшка нурлар ясадылар. Балалар бик сөенделәр.

Балаларда игътибарлылык, әйләнә-тирә табигатькә, урман - суларыбызга  карата  сакчыллык, миһербанлылык сыйфатлары, экологик культура тәрбияләү максатыннан (Тәрбиячеләр Якупова Г.Г., Галимуллина А.Р.) бүген уртанчылар төркеме балалары белән Сабабызның су буена төштек.  Анда елга буе, аңа килеп кушылучы челтер чишмәләребез белән таныштык. Аларның әһәмияте турында әңгәмә уздырдык. 

Бүген  бакчабызда,  1 май бәйрәме уңаеннан,  балалар көче белән бик матур концерт куелды.  Концерт яз, дуслык турындагы җырлар һәм заманча биюләр белән үрелеп барды. Ахырда барлык балалар күмәкләшеп биеделәр. 

26 апрель-"Шигьрият көне"  уңаеннан  "Кыңгырау" балалар бакчасында бик күркәм чара булып үтте. Әлеге чара кысаларында тәрбиячеләр  Р.Р.Хамидуллина һәм С.С.Мухаметшина ата- аналарга балаларның бөтен  сәләтен ачарга тырышты. Балалар бик күңелле итеп  "Семеро  козлят"  әкиятен сәхнәләштерде, ә тәрбиячеләр дидактик уеннар кулланып занятие (шөгыль) әзерләде. Бәйрәм чарасыннан әти-әниләр дә, балалар үзләре дә бик кәнагать калды. Иҗади эшләүче тәрбиячеләргә алдагы эшләрендә уңышлар насыйп булсын.

 Татарстан – Тукай иле,                                                                                                                                                                                                                           Татарстан – безнең ил.                                                                                                                                                                                                                               Бүген бездә – Тукай көне,                                                                                                                                                                                                                                 Кил бәйрәмгә, дустым кил.                                                                                                                                                                                                                                                                                                                                                                                                                                                                                                        Тукай бүген дә әдәбиятыбызның алгы сафында баруын дәвам итә. Тәпи басып, тел ачылгач та без аның иҗаты белән таныша башлыйбыз. Әти- әниләр, әби-бабайлар авызыннан беренче тапкыр Шүрәле, Су анасы хакында ишетәбез.                                                                                                                                               Бүген мәктәпкә хәзерлек төркеме балалары Тукай көненә багышлап, " Шүрәле " әкиятен сәхнәләштереп күрсәттеләр.Тәрбияче Богавеева Г. Ш. кунакка килгән балалар белән уен - викторина үткәрде. Бәйрәмне тәмамлап, балалар Г. Тукайның " Туган тел " җырын җырладылар. Г. Тукай әкиятләрен карадылар. Бәйрәм  балаларның күңеленә хуш килде.