"Сәламәтлек атнасы" темасы уңаеннан зурлар төркеме балалары тәрбияче апалары Ханова Г.Р. белән хәрәкәтле уеннарның сәламәтлеккә әһәмияте турында сөйләштеләр, яраткан хәрәкәтле уеннарын атап чыктылар. Балалар, үзләре теләгән төрле хәрәкәтле уеннар уйнап, күңел ачтылар.

Уртанчылар төркеме балалары   һәрдаим саф һавада физкультура белән бик теләп шөгыльләнәләр. 

Уртанчылар төркеме балалары яшелчәләр мәйданчыгында бик тырышып хезмәт куйдылар. Алар суган түтәлләрен чүптән арындырдылар. Эшләрен тәмамлагач, үзләренең хезмәтләрен күреп бик куандылар.

Бүген бакчабызда "Эшләпә бәйрәме" үтте. Балаларыбыз нинди генә эшләпә киеп килмәгән иде! Эшләпәләренә багышлап шигырьләр дә чыгарганнар, аларны матур итеп сөйләделәр. Эшләпәне кем һәм нәрсә өчен уйлап чыгарганнарын белделәр.Бәйрәм төрле конкурслар белән үрелеп барды: "Эшләпә астында нәрсә?", "Эшләпә эченә керт!", "Эшләпәне төшермә!", "Табышмакка җавап тап!" һ.б. Бәйрәм балаларга бик ошады!

                            Сабантуймы, Сабантуй –

                            Уеннар туе бит ул,

                            Тәм-томнар сые бит ул,

                            Җиңүләр уе бит ул.

     Сабантуй бәйрәме − татар халкының иң олы бәйрәмнәренең берсе. Ул − хезмәт һәм дуслык бәйрәме.Сабантуй – чын-мәгънәсендә милли рух җәүһәре, татар халкының үзенчәлекле мәдәниятының бетмәс-текәнмәс чишмәсе, аның рухи торышы, һәм талантларны ачу өчен бик яхшы мөмкинлек, җитезлектә, тапкырлылыкта көч сынашу.

     “Кыңгырау” балалар бакчасында  да Сабантуй бәйрәме зурлап  үткәрелде. Бәйрәмдә кашыкка йомырка салып йөгерү,  аркан тартышу, атта чабышу,  аякка зур галош киеп йөгерү, татарча көрәш, чүлмәк вату кебек уеннар бар иде. Бакчада чын бәйрәм рухы бөркелә иде.

Җәйнең иң матур, иң күңелле милли бәйрәме җитүен истә тотып зурлар төркеме балалары белән "Кашыкка салып йомырка ташу"  уенын уйнап карадык бүген. Бик мавыктыргыч килеп чыкты. Җитезлек, бердәмлек сыналды бу уенда.

6 июнь көнне, район мәдәният йортында, балалар өчен Түбән Кама татар дәүләт театры “Шомбай маҗаралары” дигән спектакль тәкъдим итте. Спектакльне карарга безнең балалар бакчасында тәрбияләнүче уртанчылар һәм зурлар төркеме балалары да керде. Балаларга театр бик ошады. 

Цветы нам дарят настроенье,
И пробуждают вдохновенье,
Как символ чистой красоты,
Ведь очень трудно без мечты!

Сегодня в нашем детском саду дети старшей группы,  воспитатель по обучению русскому языку Мавлявиева Л.А и музыкальный руководитель Галимуллина А.Р провели музыкальное  развлечение «В стране цветов». На праздник пришла фея цветов. Дети рассказывали стихи, пели песни о цветах, водили хороводы, отгадывали загадки. В конце, фея раздала детям сладкие подарки.

Кичке якта уртанчылар төркеме балалары,  таныш әдәби сюжетлар  буенча катлаулы булмаган тамаша уйнарга яраталар. Аларның сәхнәләштерелгән уеннарда образлы рәсемнәрдән файдалана белү күнекмәләре, сәхнә уеннары белән кызыксынулары арта.

     Балалар бакчасында 2июнь көнне үткән  чыгарылыш кичәсе  - балалар, тәрбиячеләр,  ата-аналар күңелендә матур мизгелләр калдырды. Сөенечле, моңсу мизгелләр күп булды бәйрәмдә. Балаларыбызның матур җырлары , биюләре  әти-әниләрнең, тәрбиячеләрнең,  күзләрен яшьләндерде. Бәйрәмгә көз кызы Сөмбелә, Кыш бабай, Фиксиклар килүе балаларыбызны тагын да сөендерде.Балаларга  бүләкләр тапшырылды.Алар балачак иле белән саубуллашты!

Ак юллар сезгә, балалар! Сезне тылсымлы белем дөньясы көтә!