Икенче кечкенәләр төркеме балалары,  яңача ФДББС таләпләренә туры китереп,  бик матур һәм күңелле итеп, 8 Март -Халыкара хатын- кызлар бәйрәме белән тәбрик иттеләр.

Бакчабызда 6 март көнне,  гүзәл һәм уңган кызларга багышлап,“Ягез әле, кызлар!” бәйгесе үткәрдек.Мөдиребез Рузалия Фариховна барлык хатын-кызларны якынлашып килүче бәйрәм белән котлады, лалә чәчәкләре бүләк итте.

      Кызлар ике командага бүленеп көч сынаштылар.Бәйрәмебез җыр һәм матур биюләр белән үрелеп барды.Бәйгегә жюри нәтиҗә ясап, медальләр, бүләкләр тапшырылгач, профсоюз рәисе Ләйсән Равилевна тагын бер кат бәйрәм белән котлап профсоюз бүләкләрен таратты.

     Якынлашып килүче бүйрәм белән, кадерле хатын-кызларыбыз!

Әнием, кадерлем!                          

Син энҗе бөртегем

Син хөрмә җимешем,

Син йөрәк тибешем!.....

Газиз әниләребез, кадерле әбиләребез, матур кызчыкларыбыз!

Яз сулышы гаиләгезгә муллык алып килсен, күңелләрегезгә сабырлык, барчагызга саулык китерсен. Ходай сезне үз шәфкатьлелеге, рәхимлелегеннән ташламасын, теләкләрегезне тормышка ашырырга ярдәм итсен, өстәлләрегез ямьле, аш-суларыгыз тәмле, бәйрәмегез мөбәрәк булсын!

 Уртанчылар төркеме балаларының бәйрәм котлавы яңгырады бүген бакчабызда.

Бәйрәм белән газиз аналар!           

 Юллар ерак булса, җырлар белән                                                                                                                                   

Якынаер бүген аралар.

 Бүген мәктәпкә әзерлек төркеме балалары  иң кадерле кунакларыбызны – әниләрне, әбиләрне, апаларны бәйрәм белән котладылар.                                         

Бәйрәмнең кайсы да тәнгә җиңеллек, рәхәтлек, җанга ял бирә. Шушы бәйрәм көне күңелебезгә шатлык, тәнебезгә сихәтлек, өебезгә иминлек алып килсен!

Бүген икенче кечкенәләр төркеме балалары (тәрбиячеләре Хазиева А.Х) рәсем шөгылендә “Кышкы урманны” сүрәтләделәр. Алар бүгенге шөгыльдә “Кәүсә”, “Ботак” сүзләрен активлаштырдылар, рәсем алымнарын ныгыттылар.

 Балалар  кунакка барырга бик яраталар. Бүген уртанчылар төркеме балалары тәрбиячеләре Г.Г. Якупова белән авылда яшәүче әбигә кунакка бардылар.  Әбинең  йомшаккай исемле песие, аның балалары белән таныштылар, нәни песиләргә исемнәр бирделәр.  Песиләр турында  белгәннәрен , үзләренең песиләре турында сөйләп, олы кешене сөендерделәр.  

Гаилә - ул җылы учак. Гаилә - тормыш нигезе. Әти-әни аның тоткасы булса, балалар гаиләнең көзгесе.

28 нче февраль көнне ясле төркемендә "Әти, әни - пар канатым" дигән исем астында гаилә бәйрәме үткәрелде. Төркемнең әти-әниләре ике командага бүленеп төрле яктан көч сынаштылар. Үзләренең һөнәрләрен күрсәттеләр. Бу бәйрәмнән әти-әниләр дә, тәрбиячеләр дә кәнагать калдылар. 

Йөзү. –иң массакүләм һәм популяр спорт төрләренең берсе .Ул -  мускулларны ныгыта һәм сулыш алуны яхшырта.  27 февраль көнне   балалар  бакчалары арасында бассейнда йөзү ярышлары булып үтте. Бу ярышта 7 команда катнашты . “Кыңгырау” балалар бакчасы  4 урынга лаек булды. Бу ярышта балалар үзләренен осталыкларын , җитезлекләрен , булганлыкларын тагын бер кат исбатладылар.

Бүген 1 нче кечкенәләр төркеменә Йомшаккай килде. Башта ул үзе белән таныштырды,аннан һәр баланың исемен сорады. Балалар белән "Кем безнең бик яхшы?" уенын уйнадылар. Балалар сөенделәр.