Без зурлар төркеме "балаһөнәр" проекты белән танышу максатыннан спорт мәктәбендә булдык. Проектның һәр катнашучысы буларак үзебезгә уңай эмоцияләр алдык. Балалар биредә хезмәтнең бөтен үзенчәлекләре белән таныштылар һәм үзләредә әлеге һөнәрнең үзәгендә булдылар, нинди җаваплы хезмәт булуын аңладылар.

Бүген без балалар белән Россияның гербы,аләме,гимны, аның гүзәл табигате һәм Россия-башкаласы –Мәскәү белән таныштык. Россия- зур дәүләт дигән темага рәсемнәр карадык, дидактик уеннар белән белемнәребезне ныгыттык.

Дидактик уеннар - балаларны уйланырга, эзләнергә, фикер тупларга, берләштерергә, күнекмәләрне тормышта кулланырга өйрәтүче һәм тәрбия бирүче көчле чараларның берсе.
Иң кечкенәләрнең беренче кечкенәләр төркеме нәниләренең сөйләмен, игьтибарын, бармаклар, кул чукларының моторикасын үстерү максатыннан төрле вкладышлар, шнуровкалар белән уеннар оештырыла.

Икенче кечкенәләр төркеме балалары кыска әкиятләр сөйләп, әкият геройларына үзләрен кызыксындырган  сорауларын биреп, вакытларын файдалы һәм күңелле итеп үткәрәләр.

Әвәләү балаларның вак моторикасын үстерергә, кул чукларының хәрәкәтен камилләштерергә мөмкинлек бирә. Бу үз чиратында баланың уйлау һәм сөйләм үсешенә унай йогынты ясый. Әвәләү өчен искиткеч жиһаз ул - пластилин.

Без балалар бакчасында ком терапиясе белән шөгыльләнәбез. Ком терапиясе балаларның эмоциональ торышына файдалы йогынты ясый. Ә комлы уеннар балага тулы шәхес булырга ярдәм итә, балаларга зур ләззәт бирә һәм психикасына файдалы йогынты ясый, киеренкелекне җиңеләйтә, тискәре эмоцияләрне сүндерә һәм сабырлыкка өйрәтә. 

Бармак уеннары сабыйлар усешендә зур роль үти. Андый уеннар баланың баш миен эшләтә һәм тизрәк «телен ачарга» ярдәм итә.

      Сабый әле бик кечкенә булганда, аның бармакларын сыйпарга кирәк, уч төбенә узегезнең бармагыгызны куярга мөмкин-ул үзенә күрә массаж була.

   Бала үсә бара, бармак уеннарына күчә алабыз, моның өчен безгә татар халык иҗаты ярдәмгә килер:):

Бу бармак-бабай,

Бу бармак-әби,

Бу бармак-әти,

Бу бармак-әни,

Бу бармак-нәни бәби,

Аның исеме- чәнти!

Бүген безнең бабалар бакчасында “Татар мәдәнияте көне” бәйрәме уздырылды. Балалар татар халкының гореф-гадәтләре белән таныштылар, татар халык җыр-биюле уеннары уйнадылар. Безнең максатыбыз туган телебезне, тарихыбызны, рухи байлыкларыбызны, гореф-гадәтләребезне балаларга өйрәнетеп, буыннар арасында ныклы бәйләнеш булдыру, бөек милләт булып яшәвебезне дәвам итү.

Физик культура - ул җәмгыять мәдәниятенең бер өлеше, ул кешенең сәләтен физик һәм интеллектуаль үстерү, аның хәрәкәт активлыгын камилләштерү, сәламәт яшәү рәвешен формалаштыру, билгеле бер тәрбия һәм әзерлек юлы белән социаль адаптацияләү максатларында төзелә һәм файдаланыла торган кыйммәтләр һәм белемнәр җыелмасыннан тора.

Бүген кече төркем балалары белән музыкаль дәресләрдә музыка кораллары белән таныштык, музыка кораллары тембрын аерырга өйрәндек, уен күнекмәләрен формалаштырдык, ритм хисе, кулларның вак моторикасын үстердек.