Прогулкага чыгу балалар организмы өчен иң кулай чара. Төрле күнегүләр һәм уеннар белән берлектә бара торган саф һава аеруча да организмга файда. Саф һавага чыгуны дөрес оештыру һәм үткәрү - балаларга сәламәт яшәү рәвеше тәрбияләү өчен юнәлеш.

Буген бакчабызда иң кечкенәләр төркеме балалары өчен "Хуш киләсең, Яңа ел" дип исемләнгән бәйрәм иртәсе булып узды. Балалар бик шатланып Кар кызы, Куян, Төлке белән җырлар җырлап, куян, төлке булып биеп, күңел ачтылар. Бәйрәм бик күңелле үтте.

3 яшькә кадәрге балаларда сизү органнарының үсеше бик интенсив рәвештә бара. Кечкенә яшьтәге баланың барлык яклап камил үсешен сенсор үсеш тәшкил итә.
Балада акыл, эстетик тәрбиянең алга китеше иң беренче чиратта сенсорик тәрбиянең үсешенә бәйле: ул ни дәрәҗәдә күрә, ишетә һәм сизә.

Балаларда хис-кичерешләрне әти-әниләр белән уртак уеннарда, күнегүләрдә, әкиятләр, мәзәкләр, шигырьләр укуда, музыкаль әсәрләрне тыңлауда, рәсем һәм әвәләп ясауда үстерергә мөмкин. Без бүген балалар белән төп хис-кичерешләр белән таныштык. Мәсәлән: шатлык, сагыш, гаҗәпләнү, курку, кызыксыну, оят, җирәнү. Төрле билгеләр буенча эмоцияне танырга өйрәндек. Хисләрнең уңай һәм тискәре якка бүленүен белдек. Төрле хис-кичерешләрне, кәефне белдерә торган сүзләрне дә кабатладык.

Яңа ел алдыннан балалар өчен иң көтелгән һәм тылсымлы вакыйга – Кыш Бабайның  килүе. Ул балаларга бүләкләр һәм тәм-томнар салынган күчтәнәчләр өләшеп йөри. Буген безнең балалар бакчасына да Кыш бабай һәм Кар Кызы килеп балаларга бүләкләр өләштеләр.

Өлкәннәрнең музыка әсәренә карашы бала өчен музыканы кабул итү тәҗрибәсенә әверелә! Шуңа күрә баланы өйрәткәнче, тавышлы әсәргә үзеңнең реакцияне күрсәтергә өйрәнергә кирәк. Музыка дәресләрендә дә шул ук хәл, тәрбияче-балалар өчен якын кеше, үрнәк һәм ярдәмче.

 Яңа ел җиткәнен Чыршы...             

Кайлардан белгән?            

Энәле күлмәген киеп,                 

Безгә кунакка килгән!!           

Тагында  матурланды,     

Безгә  килгәчтә.            

Урын бирдек аңарга да,          

Бакчабызның түрендә!

Безнең балалар бакчасында юл йөрү кагыйдәләрен  өйрәнү буенча системалы рәвештә эш алып барыла. Балаларга кечкенәдән юл куркынычсызлыгы кагыйдәләрен өйрәтү, юлда йөрү күнекмәләрен формалаштыру максатында без мәктәпкә әзерлек һәм зурлар төркеме "Юл әлифбасы"темасы буенча атнаның йомгаклау чарасы итеп ЮХИДИ хезмәткәре белән очрашу үткәрдек. Аралашу безнең балалар өчен бик файдалы булды.

Без бүген рәсем эшчәнлегендә балалар белән  миләш агачы ясадык.  Миләшне  кызыл төстә һәм  түгәрәк формада ясау күнекмәсен ныгыттык. 

Бүген кечкенәләр төркемендә “Шалтыравык” дигән темага әвәләү шөгыле үтте. Сузу, чеметеп алу, йомшарту алымнарын кулланып матурлыкны танырга, шалтыравыклар ясарга өйрәнделәр.