Бөтенроссия күләмендә үткәрелгән "Мин рәсем ясарга яратам" конкурсында катнашып зурлар төркеменнән Канафиева Камилә, тәрбиячесе Шарипова Фәридә Миннисламовна зур җиңү яулап лауреат исеменә лаек булдылар һәм диплом белән бүләкләнделәр.

Март аенда туган көннәре булган хезмәттәшләребез  Миннуллина Резеда Рафаэловна, Назмутдинов Руслан Шамилевич, Широва Гөлнур Габделфартовна, Галиева Әлфия Тагировна, Гарифуллина Фәрхана Фальвановна, Хабибуллина Голчира Нотфулловна!!! Сезне туган көннәрегез белән котлыйбыз. Сезгә сәламәтлек, уңышлар телибез. Бәхетле һәм сөекле булыгыз! Балалар куанычы күреп яшәргә язсын. Тыныч тормыш, игелек, муллык телибез. 

Кояш сезгә назлап нурын сипсен,

Таң җилләре назлап сөйсеннәр.

Бәхет, шатлык сезгә юлдаш булсын,

Кайгы-хәсрәт ерак йөрсеннәр

Батырлык. Бу купшы сүз түгел,

Хәтерләрдән тиз җуела торган.

Мәгънә - асылында мәңгелеккә

Күңелләргә - җанга уела торган.

15 февральдә Россиядә ерак һәм якын чит ил территорияләрендә хәрби конфликтларны җайга салуда катнашкан сугышчы-интернационалистларны искә алу көне билгеләп үтелә. Шуларның иң фаҗигалесе, Әфган сугышы тәмамланганга  26 ел вакыт узды.  Бу сугышта солдат бурычын намус белән үтәгән райондаш егетләребез дә бар. Аларны искә алу, туган илгә мәхәббәт, патриотик хисләр тәрбияләү максатыннан зурлар төркеме балалары белән интернациональ бурычларын үтәгәндә, гомерләренең иң матур вакытында һәлак булган райондашларыбыз истәлегенә салынган монумент һәйкәл янына экскурсия оештырылды.

Әкрен генә җилләр исә,

Ел артыннан еллар үтә,

Ә халыкта тик бер теләк,

Гүя бердәм сулыш:

Мәрмәр һәйкәлләр каршында,

Яшьле күзләр карашында

 Катгый таләп:  Җирдә кабат                                                                                                                                                             Кабынмасын сугыш!

Сегодня с педагогами детского сада был проведён семинар-практикум по изучению отдельных вопросов ФГОС ДО. Были рассмотрены и обсуждены основные понятия, принципы, цели, задачи Стандарта,  направления развития и образования детей в соответствии со Стандартом. Было отмечено, что Стандарт направлен на развитие дошкольного образования в Российской Федерации, в то же время, он работает на развитие маленького ребёнка. Основной задачей детских садов является создание условий, при которых дети развиваются, им интересно, а в итоге ребёнок полноценно проживает дошкольный возраст, развит и мотивированным переходит на следующий уровень образования.                                                                                                                     Также были рассмотрены профессиональные компетенции педагога (воспитателя), которые отражают специфику работы на дошкольном уровне образования. 

14 февраля - самый романтический праздник, воспевающий красоту любви, - День Святого Валентина. Этот день и сегодня является самым почитаемым торжеством для всех. Поздравление с Днём Валентина дарят всем, кто дорог нашему сердцу, любит и любим. В этот  день принято дарить не только любовные признания, но и подарки, которые также стали довольно традиционны: цветы, мягкие игрушки и, конечно же, сделанные своими руками валентинки.

Сегодня в нашем детском саду мы  отметили праздник - День Святого Валентина. Дети с удовольствием пели песни, танцевали, активно участвовали в играх. А в конце развлечения состоялось вручение подарков - валентинок. 

М.Җәлил исемен илебез халкы горурлык белән искә ала. Һәр буын аны йөрәгендә саклый. Аның көрәше һәм эшчәнлеге - күпләр өчен кыюлык һәм батырлык үрнәге. Тәрбияче Абубакирова Р.Г. һәм музыка җитәкчесе Валиева Л.И. татар халкының бөек улы, герой шагыйрь М.Җәлил турында балалар белән атналык эшчәнлеккә  йомгак ясау максатыннан "Муса Җәлил - герой шагыйрь" дигән әдәби-музыкаль кичә оештырдылар.  Кичә барышында М.Җәлилнең шигырьләре, аның сүзләренә язылган җырлар яңгырады: "Бакчачы", "Гөлләрем", "Карак песи", "Бишек җыры", "Маэмай" һ.б. Ахырда балаларга М.Җәлил шигырьләренә карата рәсем ясарга тәкъдим ителде.

Шушы араларда яуган кар әйләнә-тирәбездә кыш хакимлек иткәнен тагын да ныграк белдерә кебек. Бу – чаңгы-чана шуарга яратучыларга менә дигән мөмкинлек. Чаңгы шуу осталыгын Сабалылар бу якшәмбедә /8 февраль/ район үзәгендә үзган “Россия чаңгы юллары – 2015”, “Татарстан чаңгы юллары – 2015” массакүләм ярышларда күрсәтте. Быел әлеге ярышлар истәлекле көндә узды. Сочидагы Олимпия уеннарының берьеллыгын билгеләп үткән вакытка туры килде алар. Һава торышы да чаңгы шуар өчен менә дигән булды. Халыкны спортка тарту, көчле чаңгычыларны ачыклау максатыннан оештырылган бу чарада безнең “Әллүки” балалар бакчасы да ел саен актив катнаша. Менә быелгы ярышларга да бердәм булып җыелып килдек. Ярышлар мәктәпкәчә яшьтәге балаларга старт бирелү белән башланып китте. Бакчабыздан  25 бала ярышта катнашып, үзләренең җитезлекләрен күрсәттеләр, һәрберсе бүләккә ия булды. Әлеге киң колачлы чарада актив катнашкан балаларга, аларның әти-әниләренә зур рәхмәтебезне җиткерәбез.Саулык-сәламәтлек, спорт белән гел шулай дус булып калуларын телибез!

Бүген коллективыбызда зур ихтирам казанган, хезмәтен җиренә җиткереп башкаручы, үзе белән эшли торган хезмәткәрләргә дә, әти-әниләр, балалар белән дә һәрвакыт игътибарлы һәм мәрхәмәтле, тырыш, киң күңелле тәрбиячебез Абубакирова Райлә Габделәхәт кызының туган көне -  50 яшьлек юбилее. Коллектив тәбрик иткәннән соң, район мәгариф бүлегенең профсоюз комитеты рәисе Шамсевалиева А.М.да Абубакирова Р.Г.ны юбилее белән котлап,  грамота һәм истәлекле бүләк тапшырды.            Хөрмәтле Райлә Габделәхәтовна!                                                                                                                                                                                                                                            

Сезгә булган чиксез хөрмәтебез

Урын алсын йөрәк түрендә.

Шатлык-куанычлар, зур бәхетләр

Юлдаш булсын гомер-гомергә!

Иң изге теләкләр, ихтирам белән коллектив.

Февраль аенда туган көннәре булган хезмәттәшләребез Абубакирова Раилә Габдулахатовна, Хайрутдинова Гөлнур Махмутовна, Шарипова Алсу Равилевна!!! Сезне туган көнегез белән котлыйбыз. Сезгә нык сәламәтлек, күңел тынычлыгы, гаилә шатлыгы, ак бәхетләр, уңышлар телибез.

Котлап сезне туган көнегез белән,

Якты кояш сипсен җылысын.

Сезнең өчен алып килсен һәркөн

Бәхетләрнең иң-иң олысын.

Якты өмет, олы шатлыклар

Һәрчак сезгә юлдаш булсыннар.

Уңышлардан килгән куанычлар,

Күңелегез күген бизәп торсыннар.