Шушы көннәрдә хезмәттәшебез Шәрипова Фәридә Миннислам кызының 50 яшьлек олы юбилее булып узды.Аны шушы бәйрәме белән чын күңелдән котлыйбыз.Озын гомер,сәламәтлек,кайгы-хәсрәтсез көннәр,кызының игелеген күреп яшәвен теләп калабыз.

Буген, 24 нче август көнне Саба №2 "Эллуки" балалар бакчасының зурлар төркеме белән Әбрар Каримуллин исемендәге район китапханәсенә экскурсиягә бардык. Китапханәче Эльмира Васильевна балаларны китапханәнең уку залында төрле әдәби жанрлар белән таныштырды. Балаларга табышмаклар чишәргә бирде, тизәйткечләр кабатлатты, әкиятләр җыентыгы белән таныштырды. Әкиятләргә карата сораулар биреп,  балалардан җаваплар алды.Китапханәченең максаты -  балаларга икмәк турында мәгълүмат бирү иде. Шуңа карата балаларга икмәк турында презентация тәкъдим ителде. Соңыннан балалар төрледән-төрле, кызыклы, мавыктыргыч журналлар карадылар. Китапханәче апага рәхмәт әйтеп, кайтып киттеләр.

Менюда үз уңышыбыз.

Зурлар төркемендә йөрүче Назмутдинов Камилнең әтисе ясаган кораблик белән сәяхәткә чакырабыз. Аларга зур рәхмәтләребезне җиткерәбез. Сәламәтлек, гаилә иминлеге телибез.

Җәй буе яшел суган белән балаларга витамин ашаттык.

Мәктәпкә хәзерлек төркемендә йөрүче Гатиятуллин Алимнең әтисе ясаган самолет  "Эллүки"дә сезне көтә. Аларга олы рәхмәтебез. Сәламәтлек, гаилә иминлеге телибез. 

Уртанчылар төркемендә Закиров Ранисның әтисе ясаган машина бакчабызның матурлыгы. Аңа зур рәхмәтләребезне җиткерәбез. Уңышлар, сәламәтлек, гаилә бәхете телибез.

Август аенда туган көннәре булган  Гараева Мәдинә Мансур кызы, Шакирова Эльвира Альфред кызы, Шарипова Фәридә Миннислам кызы! Сезне туган көннәрегез белән чын күңелдән тәбриклибез. Сезгә озын гомер, сәламәтлек, зур уңышлар телибез.

Котлы булсын бәйрәмегез, 

Тыныч булсын күңелегез, 

Шатлык, сөенечләр белән

Тулы булсын гомерегез!

Гамьле еллар, гамьле көннәр

Телибез чын йөрәктән!

Һич кичекми чынга ашсын

Безнең күркәм теләкләр!

Беренче кечкенәләр төркеменндә Хабибуллин Зөлфәтнең әтисе ясаган арба бакчаның яшелчәсен ташырга бик ярдәм итә. Олы рәхмәтебез аңа, сау-сәламәт булсыннар, улларының шатлыгы белән яшәсеннәр, гаилә иминлеге телибез.