Бүген мәктәбебездә 10-11 сыйныфлар катнашында математика атналыгы уңаеннан "Математик марафон" бәйгесе уздырылды. Бәйгедә 10 нчы сыйныф укучылары җиңеп чыкты. Үткәрүче - Ахметов А.Р.

Бүген "Дуслык" лагерына йөрүче кызлар белән малайлар ярышып "Оста куллар" түгәрәгендә тозлы камырдан сувенирлар ясадылар. Нәтиҗәдә ике команданыңда эшләре бик матур килеп чыкты.

Төшке аштан соң тимераякта шудылар, саф һавада уеннар уйнадылар.

Бүгенге көнебез бик күңелле узды. Иртәнге аштан соң "Хуш киләсең Яңа ел!" исемле бәйрәм тамашасы башланып китте. Балалар  җырда- биюдә, нәфис сүздә үз осталыкларын күрсәттеләр.

Көннең икенче яртысында үзләрен шахмат уенында да сынап карадылар.

Көнебез иртәнге линейка һәм зарядкадан башланды.  Аннан соң балалар "Мастерилка" түгәрәгендә "Яңа ел" темасына аппликацияләр, сувенирлар ясадылар.

Төшке аштан соң балалар белән очрашуга Р.А.Садриев килде.  Ул  "Юл йөрү кагыйдәләре", "Бәйрәм чорында куркынычсызлык кагыйдәләре" темасына әңгәмә үткәрде.

Бүген лагерьда көн бик күңелле һәм файдалы узды. Балалар мәдәният хезмәткәрләре белән берлектә оештырылган чарада катнаштылар һәм Лесхозда урнашкан "Нарат" боз сараена тимераякта шуарга бардылар. 

Мәктәбебездә "Дуслык" лагеры үз эшен башлап җибәрде. Бүген укучылар газета чыгардылар, исем, девиз уйладылар. Кагыйдәләр белән таныштылар. Шулай ук төрле уеннар да оештырылды.

"Кеше хокуклары" темасына бердәм тәрбия сәгате.

Ана-

Бөек исем,

Нәрсә җитә ана булуга;

Хатыннарның бөтен матурлыгы,

Бөтен күрке - ана булуда. (Һ.Такташ)

Барлык әниләрне бәйрәм белән тәбрик итәбез! Сезгә сәламәтлек, озын гомер, тормышыгызда гаилә бәхете, балаларыгызга ана назы биреп, аларны аңлап, туры юл күрсәтеп яшәвегезне теләп калабыз. 

7-8 сыйныф укучылары район күләмендә һөнәри юнәлеш бирү максатыннан оештырылган "Без сайлыйсы юл" дип исемләнгән чарада катнаштылар. Алар Лесхоздагы агач эшкәртү комплексы, урман музее, чәй йорты хәм башка оешмалар эшчәнлеге белән танышып кайттылар.