Бүген  районыбызның Балалар иҗат йортында Л.Н.Толстой иҗаты буенча "Живая классика" дип исемләнгән конкурс булып үтте. Чарада 6 сыйныф укучысы - Йосыпова Динә(Укытучысы:Хисаметдиовна Э.Н.),  7 сыйныф укучысы - Мөдәрисова Сөмбелә (Укытучысы: Касыймова Ә.Н.)  уңышлы гына чыгыш ясап кайттылар. Кызларга алдагы конкурсларда да уңышлар теләп калабыз.

Бүген мәктәбебездә 9 һәм 10-11 сыйныф укучылары арасында волейбол ярышы булып узды. 9 сыйныф командасы җиңү яулады. Котлыйбыз!

Бүген мәктәбебезнең кызлар командасы Килдебәк урта мәктәбендә волейбол буенча зона ярышында катнаштылар. Матур уен күрсәтеп, 2нче урынны яуладылар. Җитәкчесе: Мөхәммәтгалиев И.Ф. Кызлар командасын әлеге уңышлары белән котлыйбыз, киләсе ярышларда да уңышлар телибез!

23 нче февраль көнне драматург, прозаик, публицист, журналист, тәрҗемәче, педагог, җәмәгать эшлеклесе Гаяз Исхакыйның тууына 140 ел булды. Бу уңайдан мәктәбебездә күргәзмә оештырылды.

Бүген мәктәбебездә түбән сыйныф укучылары арасында хоккей ярышы булып үтте. Бәйгедә 3 команда көч сынашты. Укучылар сынатмадылар, бердәм, тату булып, матур уен күрсәттеләр. 

Туган тел көне уңаеннан, мәктәбебездә “И туган тел!” темасына радиотапшыру оештырылды. 6нчы сыйныф укучылары бу көн турында бай мәгълүмат җиткерделәр, тел турында шигырьләр, мәкальләр укыдылар. Тапшыру “Туган тел” җыры һәм түбәндәге шигъри юллар белән тәмамланды.

...Телләр өйрән, балам, дөнья күр.

Йөз чөермә, ләкин үз телеңнән:

Бу – Ватанны сату белән бер.

Син тугач та, ана сөте белән

Иренеңә тамган туган тел.

Туган телең җуйсаң, әнкәеңне

Онытуың булыр, балам, бел!

(С. Әхмәтҗанова)

Мәктәбебездә  Халыкара туган тел көне уңаеннан чаралар дәвам итә. Бүген 7-8 сыйныфлар арасында "Тел - белемнең ачкычы, акылның баскычы" дип исемләнгән грамматик КВН булып узды. "Ак җилкән" һәм "Бердәмлек" командалары үзара көч сынаштылар. КВН дуслык җиңүе белән тәмамланды.

21 февраль - Халыкара туган тел көне. Бу уңайдан мәктәбебездә “Әткәм - әнкәмнең теле”,“Ярдәмең берлән синең...”,“Туган тел – бер генә...”,“Җыр булырлык сүзләр биргән, Туган телем, рәхмәт сиңа!” темаларына сыйныф сәгатьләре үткәрелде.

Бүген мәктәбебезнең  1 нче сыйныф укучылары өчен зур бәйрәм - Әлифба бәйрәме булып  үтте. Укучылар бу бәйрәмгә бик тырышып һәм теләп әзерләнделәр.  Әти-әниләренә үз куллары белән ясалган открыткалар, берсеннән –берсе матур, күңелле җыр-биюләр, шигырьләр  бүләк иттеләр.  Беренчеләргә алга таба да укуларында уңышлар, тырышлык һәм сабырлык телибез!

Бүген Әфган сугышында һәлак булган якташыбыз Зиннәтуллин Илфат Якуп улын искә алып аның каберенә венок куелды. Зиннәтуллин Илфат Якуп улы 1963 нче елның 12 нче декабрендә Татарстанның Саба районы Чулпыч авылында туа.Саба районының “Авангард” колхозында эшли. Кораллы көчләргә 1982 нче елның 1 нче апрелендә Саба РХК тарафыннан алына, Әфганстан Республикасына 1984 нең гыйнварыннан. Сержант, мотоукчы отделениясе командиры.Берничә тапкыр сугышчан операцияләрдә катнаша, алар барышында отделение белән ышанычлы командалык итә.1984 нче елның 26 нчы июлендә сугышчан задание үтәгәндә һәлак була, соңыннан гына кызыл йолдыз ордены белән бүләкләнә.