Илебез буенча 1 октябрьдә "Өлкәннәр көне" билгеләп үтелә. Әлеге бәйрәмдә өлкәннәрне котлау мәктәбебезнең традициясенә әйләнеп бара. Хөрмәтле өлкәннәребез! Сезгә ныклы сәламәтлек, чиксез шатлык, балаларыгызның кадер - хөрмәтендә, оныкларыгызның игелеген күреп яшәвегезне теләп калабыз.

Бүген мәктәбебездә чыгарылыш сыйныф укучыларының әти-әниләре өчен җыелыш үткәрелде. Укытучылар  ЕГЭ, ОГЭның тәртибе, булган үзгәрешләр белән таныштырдылар. Әти-әниләр узләрен  кызыксындырган сорауларга җаваплар алдылар.

Мәктәбебезнең 10нчы сыйныф укучысы Галимова Нәзирә (укытучысы Мөхетдинова Алия Рафаэлевна) Арча шәһәрендә үткәрелгән "Абилимпикс" һөнәри осталык буенча Милли чемпионатның төбәк этабында укучылар арасында 1 урын алып кайтты. Бүгенге көндә ул  20-22 ноябрь көннәрендә Мәскәү шәһәрендә үтәчәк  Аблимпикс чемпионатының  "Вязание крючком" номинациясе буенча Татарстан данын яклап чыгыш ясарга әзерләнә. Афәрин, Нәзирә! Сиңа алга таба да  уңышлар теләп калабыз!

Бүген "Хуҗабикә" түгәрәгенә йөрүче кызларыбыз өчен Алия Рафаэлевна көзге табигатькә экскурсия оештырды. 

15 сентябрь - СНТ туган көн. Шул уңайдан 2нче  сыйныф укучыларын "Эзтабар"лар, 5 нче сыйныф укучыларын "Варис"лар сафына алу тантанасы булып узды.

Мәктәбебез һәр эштә актив. Тирә-ягыбызны яшелләндерү, тагын да матурлау, җиңү яулаган әби-бабаларыбызга хөрмәт йөзеннән "Җиңү урманы" ("Лес Победы") акциясендә катнашты.

 Табигать кочагында укучылар арасында көймәләр йөздерү ярышы уздырылды. Шул форсаттан файдаланып, укучылар күңелле экскурсия оештырып, ял итеп тә кайттылар.

Бүген укучыларыбыз өлкән яшьтәге әби-бабайларга хуҗалык эшләрендә зур ярдәм күрсәттеләр.

"Көзге мәрхәмәтлелек атналыгы" кысаларында укучыларыбыз Шыңар авылы халкы өчен хәйрия концерты оештырды. 

Мәрхәмәтлелек атналыгы дәвам итә. Бүген мәктәбебез укучылары авылыбызның хөрмәткә лаек пенсионер укытучысы Гайнанова Факихә Әхәт кызында очрашуда булып кайттылар. Ул үзе белән булган кызыклы вакыйгалар белән уртаклашты, укучылар исә иҗади сәләтләрен күрсәтеп очрашуга ямь өстәделәр.