Күңелле каникуллар дәвам итә. Бүген 1,2,3нче сыйныф укучылары мәдәният йортына сәяхәт ясадылар. Татар халык уеннары, гореф-гадәтләре, йолалары белән таныштылар.

Мәктәбебездә 1 чирек нәтиҗәләре буенча индивидуаль формада ата-аналар җыелышы булып узды.

Бүген мәктәбебездә "Халыкара бердәмлек көне" уңаеннан сыйныф сәгатьләре үткәрелде. 

Симет авылы мәдәният йортында әти-әниләр комитетлары арасында уздырыла торган "Тату сыйныф серләре" республикакүләм бәйгесенең муниципаль этабы һәм әти - әниләр Форумы кысаларында "Иҗади гаилә" конкурсы үткәрелде. Әлеге бәйгедә мәктәбебезнең әти-әниләр комитеты һәм Әхмәтовлар гаиләсе катнашты. Аларга олы рәхмәтебезне җиткерәбез.

Бүген мәктәбебезнең 7нче сыйныф укучысы Мөхәммәтова Иллария, 8нче сыйныф укучылары Йосыпова Динә, Сөләйманова Динә "Тамчы-шоу" интеллектуаль уенында катнашып, Әлмәт районы командасы белән ярышта 24:16 исәбе белән отып, 1 урын яуладылар.

Бүген, 19 октябрь көнне, сәгать 13.00дә бөтен дөнья "Татарча диктант" акциясе уздырылды. 

Уртанчы сыйныф укучылары көз бәйрәменә ныклап әзерләнгәннәр. Алар төрле  уеннарда катнаштылар, кызыклы күренешләр, концерт номерлары әзерләгәннәр.

Югары сыйныф укучылары да көз бәйрәмен үз иттеләр. Бик теләп төрле бәйгеләрдә катнаштылар. Укучыларның берсеннән - берсе матур чыгышлары бәйрәмгә тагын да ямь өстәде.

Бүген башлангыч сыйныф укучылары өчен "Алтын көз" бәйрәме үткәрелде. Укучылар җырлап - биеп, уеннар уйнап күңел ачтылар.

19 нчы октябрь сәг.13.00 да Олы Шыңар урта гомуми белем бирү мәктәбендә татарча диктант язарга рәхим итегез!