Мәктәбебездә "Туган як моңнары" дип исемләнгән музыка һәм рәсем укытучыларының район семинары үткәрелде. Гарипов Айдар Моталлап улы Шыңар төбәгенең күренекле шәхесләре турында сөйләде, мәктәп музее белән таныштырды.  Рәсем түгәрәге җитәкчесе Маликова Гөлназ Илшат кызы туган якка багышланган күргәзмә белән таныштырды һәм мастер класс үздырды. Музыка укытучысы Галимов Фәннүр Әхсән улы ачык дәрес һәм шулай ук укытучыларга мастер класс үткәрде. Рәсем укытучысы Хөсәенова Зәмирә Миңнегаян кызы ачык дәрес уздырды. Семинар "Туган як моңнары" дип аталган әдәҗи - музыкаль кичә белән тәмамланды.

3 декабрьдән 9 декабрьгә кадәр мәктәбебездә "Халыкара коррупция белән көрәшү көне" уңаеннан "Һәрвакытта да намуслы булу җиңелме?", "Ришвәтчелек белән ничек көрәшергә"  темаларына сыйныф сәгатьләре үткәрелде. Шулай ук  балалар рәсемнәр ясадылар, газетлар чыгардылар.

Мәктәбебез активистлары 6 декабрьдән 8 декабрьгә кадәр уздырылучы "С.О.К. Стань одной командой" бәйгесендә уңышлы гына катнашып кайттылар. 11 сыйныф укучысы Мөхәммәтова Зилә "Ел ачышы" ("Открытие года") номинациясендә җиңүче булды. Аларга алга таба да уңышлар телибез!

Мәктәбебездә "СТОП ВИЧ/СПИД" акциясе бара.  Акция кысаларында укучыларыбызны авыл фельдшеры Р.А. Мөхәммәтова файдалы мәгълүматлар белән таныштырды. Сәламәт тормыш рәвеше алып баруның әһәмиятен аңлатты. 

Һәр елны ноябрь аеның соңгы якшәмбесендә илебездә Әниләр бәйрәме билгеләр үтелә. Шул уңайдан, бүген мәдәният йортында укучылар көче белән концерт куелды. 

Бүген сыйныф сәгатенә укучылар белән очрашуга Олы Шыңар урта мәктәбен тәмамлап, әле генә армия сафларында хезмәт итеп кайткан укучыбыз Шәйдуллин Алмаз килде. Ул укучыларга солдат тормышы турында сөйләде, шулай ук балаларның сорауларына да җавап бирде. 

Бүген мәктәбебездә озак еллар башлангыч сыйныф укучыларына белем бирүче, олы хөрмәткә лаек укытучыбыз - Мөхәммәтгалиева Гөлсинә Зариф кызының 55 яшьлек юбилеена багышлап портрет кичә үткәрелде. Үзләренең беренче укытучыларына изге теләкләрен, рәхмәт сүзләрен әйтергә мәктәбебезне төрле елларда тәмамлап киткән укучыларыбыз да килгән иде.

20 ноябрь- Балаларга хокукый ярдәм бирү көне. Шул уңайдан мәктәбебездә укучылар белән әңгәмә үткәрелде. Хокуклар һәм бурычлар турында  мәгълүмат бирелде. Шулай ук,  укучылар үзләрен кызыксындырган сорауларга җаваплар алдылар.

Бүген без олы хөрмәткә лаеклы, изге күңелле, тырыш һәм сабыр йөрәкле укытучыбыз Гөлзәмия Фидәил кызын 50 яшьлек юбилее белән тәбрикләп уздык.

Бүген 5, 6, 7 нче сыйныф укучылары "Нарат" боз сараенда ял итеп кайттылар.