Мөхәммәтҗанова Ләлә Бәзгетдин кызы! Сезне 50 яшьлек алтын юбилеегыз белән ихлас күңелдән кайнар котлыйбыз. Сезгә озын гомер, бәхет-шатлыклар, җан тынычлыгы, тән сихәте, саулык-сәламәтлек телибез. Кайгы-хәсрәткә бирешми, һаман шулай көчле рухлы һәм ярдәмчел, изге күңелле, балаларыңның игелеген күреп озак яшәргә насыйп булсын. Рәхмәтләргә һәм рәхәтләргә төренеп яшәгез. Иң изге теләкләр белән Олы Арташ мәктәбе коллективы

Мәктәбебезнең сәламәтлекләре буенча төп физкультура

группасына караучы 11-15 яшьлек укучылары ГТОның

официаль порталына регистрация үттеләр. Хәзер 24-25нче

май көннәрендә районда узарга тиешле ГТО фестиваленә

әзерләнәбез.

Бадминтончы егетләребез Рәис белән Фаяз

Азнакайга ярышка бардылар.

Рәис 2нче һәм ике 3нче урынны, Фаяз 1 һәм 3нче

урыннарны алды.

Егетләр,молодцы!

Яу кырыннан күпләр кайтмады.

Җир-суларны таптап, изеп

Басып керде дошман җиребезгә.

Тирә-якта туплар шартлады,

Яу кырыннан күпләр кайтмады

. Кайталмады алар сугыштан

Туган илен яклап көрәште.

Батырларны данлап җирдә

Ак каеннар бергә серләште.

Яу кырына киткән әтиләрен

Балалары өзелеп көттеләр.

Айлар үтте, еллар үтте...

Күз яшьләре инде киптеләр.

70 дистә вакыт үтсә дә,

Өзелә һаман безнең йөрәкләр.

Тыныч җирдә генә яшик әле,

Кабул булсын иде теләкләр.

Хөрмәтле хезмәттәшләр! Бөек Җиңү көне уңаеннан, иң җылы теләкләрне кабул итеп алыгыз. Бу бәйрәм һәрберебез өчен бик кадерле. Һәр кеше күңелендә ул хәтер, дан һәм милли горурлык билгесе булып саклана. 9 Май – Ватаныбызга тугрылык саклап, илебезне фашизмнан саклап калганнарны искә алу көне. Быел Җиңү язы илебезгә 70 нче тапкыр килә. Җиңү көне күңелләрегездә якты бәйрәм, батырлык һәм кыюлык үрнәге булып саклансын. Һәрбарчагызга тыныч тормыш, нык сәламәтлек ак бәхетләр телибез.

8нче сыйныф укучысы Гайсина Инзилә район күләмендә үткәрелгән фәнни конференциядә уңышлы чыгыш ясап кайтты.