Бүген сыйныфларда тәрбия сәгатьләре сәламәтлек темасына багышланды.

Бүген мәктәбебездә Биология-хими,география атналыгы башланды. 8нче сыйныф укучылары арасында "Беренчел химик төшенчәләр"дигән темага КВН үткәрелде. "Кислород"һәм"Водород"командалары катнашты. Җиңү "Кислород"командасына елмайды.

14 нче март көнне мәктәбебездә Фәләхов Рифат Мәүлит улы истәлегенә татарча көрәш бәйгесе үткәрелде. Анда 9мәктәптән 100гә якын көрәшче катнашты. Безнең мәктәптән Каюмов Нияз һәм Галимуллин Фаяз - 1нче, Әхмәдуллин Рифат - 2нче, Сәетов Булат, Мөхәммәт- җанов Самат һәм Гаянов Илүс 3нче урынны алдылар. Уңышларыгыз белән котлыйбыз!!!

7нче март көнне Олы Арташ төп мәктәбендә авылыбызда яшәүче сугыш чоры балаларына, ягъни Бөек Җиңү язын якынайтуда үзләренең фидакарь хезмәтләрен һәм гомерләрен кызганмый, ач-ялангач килеш тылда батырлыклар күрсәткән ветераннарга “1941– 1945нче еллардагы Бөек Ватан сугышында Җиңүнең 70 еллыгы” юбилей медальләрен тапшыру тантанасы булды. Район мәгариф идарәсе җитәкчесе Илфат Фоат улы ветераннарны якынлашып килүче бәйрәм белән тәбрикләп, сәламәтлек, озын, бәрәкәтле гомер, шатлык-куанычлар һәм аяз, тыныч күк йөзе теләде:

– Сез, бүгенге көннең ак яулыклы әбиләре, түбәтәйле мөлаем бабайлары, дәһшәтле сугыш чорында япь-яшь егет-кызлар булгансыз. Сез ул елларның авырлыгын үз җилкәгездә татып, Ил өчен, Җиңү өчен бар көчегезне биргәнсез, сынатмагансыз! Сезнең батырлыгыгыз алдында баш иябез! Рәхмәт, Сезгә, ветераннар! – диде.

Бәйрәм мәктәп укучылары көче белән  әзерләгән концерт программасы белән үрелеп барды. Соңыннан тыл ветераннары чәй эчте.

5,6нчы март көннәрне е барлык  сыйныф укучылары Әниләр бәйрәме үткәрде. Балалары куйган матур концерт, үз куллары белән ясалган бүләкләр әниләр өчен зур бәхет булды. Бәйрәм белән,Әниләр!

Хөрмәтле хатын-кызлар! Кояш нурларына, тамчылар чыңына төренеп март ае да килеп җитте. Табигатьнең язгы үзгәреш кичергән бер мәлендә без гүзәл затларыбызның иң күркәм бәйрәмен – 8 Март Халыкара хатын-кызлар көнен билгеләп үтәбез. Язгы кояш нурына күмелгән әлеге бәйрәмдә мәхәббәт, матурлык, ана назы, ягымлылык, мәрхәмәтлелек, шәфкатьлелек, сабырлык, хатын-кызга ихтирам кебек мәңгелек кыйммәтләр чагылыш таба. Бу матур бәйрәм көнендә безнең ихлас котлауларыбызны кабул итегез.Язгы гөрләвекләр сезнең тормышыгызга җылылык, саулык-сәламәтлек, эшегездә уңышлар, күңел тынычлыгы, күтәренке кәеф, бәхет алып килсен!