Бүген "Балалар китабы" атналыгының беренче көне. 

Китапханәчебез китап турында табышмаклар,

мәкальләр, шигырьләр, язучы фикерләреннән

күргәзмә оештырды.

Бүген мәктәбебездә 6 мәктәп: Икшермә урта мәктәбе, Кибәче урта мәктәбе,

Сатыш урта мәктәбе, Шытсу төп мәктәбе, Нырты урта мәктәбе һәм безнең мәктәп 

командалары арасында баскетбол ярышының зона этабы булды. 

Мәктәбебезнең малайлар командасы 2 урынны алды. Афәрин, егетләр!!!

13 март көнне Шытсуда үткән көрәш ярышында мәктәбебездән 5 укучы катнашты.

Шулар арасыннан Каюмов Нияз 2 урынны алып кайтты. Молодец, Нияз!

10 март көнне 2 сыйныф укучысы Гасимуллина Әдилә, 6 сыйныф укучылары Валиева Алсу һәм 

Закирова Ләйләләр "Дулкыннар" конкурсының республика этабында катнашып кайттылар.

12 март көнне Гасимуллина Әдилә Гала-концертта катнашып кайтты.

Бүген мәктәбебездә "Балалар китабы" атналыгы башланып китте. 

Китапханәчебез Ләйлә Вагыйз кызы укучыларны атналык

планы белән таныштырды.

Бүген 9 сыйныф укучылары татар теленнән  БРТ эшләделәр.

Мәктәптә 8нче март бәйрәменә багышлап "Ягез әле,кызлар!" ярышы үткәрелде. Әлеге чарада кызлар 3 командага бүленеп көч сынашты.Алар һәр уенда үзләренең уңганлыкларын,җитезлекләрен күрсәттеләр. Бәйрәм һәммә кешегә дә бик ошады.

Мәктәбебез изге эшкә тотынды. Укучыларыбызга тыл ветераннары, сугыш чоры балалары турында мәгълүмат тупларга кушылды. 28нче февраль көнне 6нчы сыйныфта "Сугыш һәм тыл ветераннары янәшә" темасына җыен үткәрелде. Укучыларның һәр чыгышы зур дулкынлану белән тыңланды.

Безнең Олы Арташ төп мәктәбендә «Дуслык» исемендәге дружинада шефлык, тимурчылык эшләре планлы рәвештә алып барыла. Бу атнада 5нче сыйныф укучылары авылыбыздагы Бөек Ватан сугышында катнашучылар хөрмәтенә куелган обелиск янын чистарттылар.