Мәктәпкә әзерлек төркемендә "Солдат сакта" темасына әвәләү эшчәнлеге узды.  Ватанны саклаучылар көне бәйрәме турында балаларның белемнәрен киңәйттек, кеше фигурасын ясау техникасын ныгыттык.

Беренче кечкенәләр төркемендә "Карлы урам" исемле уртак эш башкарылды. Шөгыль барышында балаларның буяулар белән эш итү күнекмәләре ныгыды. Эшчәнлек шулай ук кечкенәләрнең кыш темасына сүз байлыгын баетырга ярдәм итте.

Мәктәпкә әзерлек төркем балалары бүген шәфкать туташының бүлмәсенә экскурсиягә керделәр. Шәфкать туташына кирәкле кораллар белән таныштылар.

Уртанчылар төркемендә режим моментларында төрле, кызыклы  өстәл-басма уеннарына, табигать материалларыннан кул эшләре ясарга өйрәнүгә зур игътибар бирелә. Әлеге эшчәнлекләр балаларның уйлау, фикерләү сәләтләрен һәм фантазияләрен үстерүгә ярдәм итә.

IV Халыкара "Җәлил укулары" әдәби бәйгесенең муниципаль этабында катнашып балаларыбыз төрле урыннарга лаек булдылар. Котлыйбыз аларны! Әзерләгән тәрбиячеләргә уңышлар телибез!

Зурлар төркемендә "Велосипед - минем дустым" дигән темага интегральләшкән эшчәнлек узды. Балалар велосипед төрләре белән таныштылар, велосипедта йөргәндә куруынычсызлык кагыйдәләрен сакларга кирәклегенә төшенделәр. 

Уртанчылар төркемендә "Без китаплар яратабыз" исеме астында күргәзмә үтте. Балалар кызыклы китаплар карадылар, әкиятләр тыңладылар.

Мәктәпкә әзерлек төркемендә "Чаңгычы" дигән темага әвәләү эшчәнлеге узды. Эш барышында балалар  кеше  гәүдәсен әвәләргә өйрәнделәр, шөгыль балаларда  мөстәкыйльлек, пөхтәлек сыйфатлары тәрбияләргә ярдәм итә.

Уртанчылар төркем балалары бик яратып курчаклар ярдәмендә зур булмаган спектакльләр уйнарга яраталар. Уенга кереп китеп, алар курчакларның сорауларына җавап бирәләр,аларның сораганнарын үтиләр, киңәшләр бирәләр, теге яки бу образга керәләр.Театральләшкән эшчәнлек балаларның сөйләмен активлаштыра, аларның эчке дөньясын баета.  Курчак балаларны диалог алып барырга этәрә, бу үз чиратында диалогик сөйләмне үстерү өчен стимул булып тора.

Бүген зурлар төркем балалары районның мәдәният йортына бардылар.  Андагы хезмәткәрләр һәм аларның эшчәнлекләре белән таныштылар. Бүлмәләр буйлап сәяхәт иттеләр. Экскурсия бик кызыклы үтте.