Зурлар төркемендә "Транспорт" темасына әңгәмә уткәрелде. Балалар юлда үзеңне ничек тотарга икәненә төшенделәр. Әңгәмә беткәч балалар конструктордан  төрле транспортлар төзеделәр.

Мәктәпкә әзерлек төркемендә Хәтер һәм кайгы көнен искә алып уздылар. балалар 1941 елның 22 июне көнне Бөек Ватан сугышы башланганын белделәр. Дүрт ел дәвам иткән сугыш Җиңү белән тәмамланса да, сугыш башланган көн илебездә Хәтер һәм кайгы көне буларак ел саен билгеләп үтелгәнен аңладылар. Әңгәмәдән соң элеге көнгә багышланган плакат ясадылар.

Икенчн кечкенәләр төркеме "Кояшлы Ык" ял итү зонасына сәяхәткә бардылар. Алар анда төрле уеннар уйнадылар, алып килгән ризыклары белән сыйландылар. Экскурсияне бик күңелле үткәрделәр.

Икенче кечкенәләр төркемендә "Светофор - безнең дустыбыз" темасына әңгәмә үтте. Балалар светофорның вазифасы һәм сигналлары белән таныштылар.

Уртанчылар төркемендә ,, Юл билгеләрен өйрәнәм" дигән исем астында интеллектуаль уен эшчәнлеге оештырылды.

Икенче кечкенәләр төркеме балалары Җиңү паркына тәүге тапкыр сәяхәткә бардылар.

Уртанчылар төркемендә "Табигать һәм бал кортлары" дигән исем астында иҗади сюжетлы-рольле уен оештырылды. Балалар җәйнең үзенә генә хас үзенчәлекләрен өйрәнделәр, рольгә кереп уйнау осталыкларын арттырдылар.

Гөрләп үткән милли бәйрәмебез - Сабантуйда бакчабызның өлеше дә керде. Мәктәпкә әзерлек төркемендә тәрбияләнүче Муллагалиева Илвина узган елдагыча быел да бәйрәмгә килгән зур кунакларны каршы алуда ныклы әзерлек белән катнашты. 

Кичә бакчабыз белән милли бәйрәм Сабантуйны каршы алу йолаларының берсе-бүләк җыюда катнаштык. Күркәм гадәт буенча йортларга кереп төрледән-төрле бүләкләр җыйдык. Әлеге йола бик күңелле үтте.

Икенче кечкенәләр төркеме балалары "Кызыл Калфак", "Теремкәй" әкиятләрен сәхнәләштерделәр. Театр уйнау балаларның игътибарын,  хәтерен үстерүгә; танып белү активлыкларын формалаштыруга, аваз ияртемнәрен  кабатлау юлы белән авазларны дөрес итеп әйтү күнекмәләрен үстерүгә ярдәм итә.