Зурлар төркеме балалары сәяхәткә чыккач җәй турында белемнәрен арттырдылар.Җәй көне табигатьтә нинди  үзгәрешләр  булганлыгы турында сөйләштеләр: кояш елмая,бөтен җир ямь-яшел, кошлар сайрый, чәчәкләр үсә, күбәләкләр оча, бал кортлары безелди, җиләкләр пешә, яшен –яшенли - яңгыр ява.

Сәламәтлек безгә табигать тарафыннан бирелгән зур байлык.  Аны саклау бик мөһим. Кечкенәдән үк спорт белән шөгыльләнү кирәк. Шуңа күрә бакчабызда спортка зур әһәмият бирелә. Бүген бездә футбол көне.

Бүген бакчабызның мәктәпкә әзерлек төркемендә бантиклар көне узды. Балалар тасмаларның төрлесе белән таныштылар. Мультиклардагы тасмалы геройларны атадылар. Төрле конкурсларда белемнәрен сынадылар.

Икенче кечкенәләр төркеме балалары хайваннар һәм аларның балаларын танып әйтергә өйрәнәләр. Төрле уеннар балаларда җәнлекләргә карата мәхәббәт, кайгыртучанлык хисе тәрбияләргә ярдәм итәләр.

Балаларның хайваннар дөньясының төрлелеге, кеше табигатьнең бер өлеше булуы турында күзаллауларын киңәйтү, аларга табигатьне сакларга һәм якларга икәнлеген төшендерү, балаларның танып-белү кызыксынучанлыгын үстерү. Хайваннарга карата кайгыртучан мөнәсәбәт тәрбияләү.

Мәктәпкәчә яшьтәге балалар өчен музей бербөтен шәхес формалаштыру, балаларны мәдәни кыйммәтләргә һәм гореф-гадәтләргә тарту чарасы булып тора. Музей буенча экскурсияләр мәктәпкәчә яшьтәге балаларның танып-белү кызыксынуын, сөйләмен үстерүгә ярдәм итә. Шулай ук балалар патриотик тәрбия ала, аның асылы балалар күңелендә туган табигатькә, туган йортка һәм гаиләгә, үз иленең тарихына һәм мәдәниятенә, туганнарының һәм якыннарының хезмәте белән барлыкка килгән бөтен нәрсәгә мәхәббәт орлыкларын үстерүдән гыйбарәт.

Зурлар төркеме балалары бүген "Кояшлы Ык" ял паркына экскурсиягә барды. Ык буенда балалар табигатьнең матурлыгына сокландылар, төрле үләннәр белән таныштылар. Су буенда үзеңне тоту кагыйдәләренә төшенделәр. Балаларның  ялы мавыктыргыч һәм файдалы булды.

Кичә Мөслимдә яшьләр көне уңаеннан велойөгереш узды. Бакчабыз коллективы да әлеге чарадан читтә калмады. Бәйрәм бик мавыктыргыч һәм кызыклы булды, ярыштан уңай тәэсирләр алып кайттык.

Бакчабызның мәктәпкә әзерлек төркеме балалары һәм музыка җитәкчесе Алсу Сагдиева 24 июнь көнне район мәдәният йортында медицина хезмәткәре көненә багышланган тантаналы чарада чыгыш ясадылар. Алар бәйрәмне үзләренең талантлы чыгышлары белән бизәделәр.

Мәктәпкә әзерлек төркемендә авыл хуҗалыгы транспортлары турында әңгәмә узды. Балалар аларның һәркайсының да мөһим икәнлегенә төшенделәр. Кайсының нинди эш башкарганын белделәр.