Бакчада балалар өчен бәйрәм – Сабантуй оештырдык. Анда әти-әниләр дә чакырылган иде. Балалар бик теләп төрле уеннарда катнаштылар, үзләренең осталыкларын, җитезлекләрен сынадылар.

Бәйрәм көнне бакчада тәрбияләнүче балалар белән төрле уеннар оештырдык. Спорт бәйгеләреннән, җыр-биюләрдән дә беркем читтә калмады.

Балалар бакчасында тәрбияләнүче 2 бала 1 сентябрь – Белем көнендә мәктәпкә укырга барачак. Алар өчен бакчада “Чыгарылыш кичәсе” уздырдык. Бәйрәмгә әти-әниләр дә килгән иде. Кичә җыр-биюләр белән үрелеп барды.

Бөек Җиңү бәйрәме алдыннан бакчада тәрбияләнүче балалар белән бергә яу кырында ятып калган батыр сугышчыларны искә алдык, һәйкәлгә чәчәкләр салдык. Сугышлар кабат була күрмәсен, тынычлыкта яшик!

1 май бәйрәме белән котлыйбыз. Һәркемгә саулык-сәламәтлек, озын гомер, тыныч, имин көннәр телибез.

Габдулла Тукайның тууына 132 ел тулу уңаеннан Кукмараның “Чулпан” балалар бакчасында шигырь бәйгесе узды. Әлеге чарада бакчада тәрбияләнүче Бикбова Динара һәм Никоноров Адельләр катнашты. Динара – беренче, Адель икенче урыннарны алдылар. Котлыйбыз!!! 

Бөек татар шагыйре Габдулла Тукайның туган көне уңаеннан бакчада шигырь кичәсе уздырдык. Бәйрәмдә балалар шагыйрьнең шигырьләрен сөйләделәр. 

Елмаеп, бер-беребезгә елмаю бүләк итеп яшик. Ил-көннәребез тыныч, табыннарыбыз мул булсын.

Бакчада узган “Әкияттә – кунакта” дигән чарада рус һәм татар халык әкиятләрен искә төшердек. Театральләштерелгән тамаша да бик матур булды.

Бакчада “Әнием, күз нурым” дигән чара оештырдык. Әниләр һәм балалар катнашында КВН бик күңелле узды. Бәйрәм чәй өстәле артында төгәлләнде.