Мияубикә, Мияубикә,

Бигрәк инде чиста син.

Ашап туйгач битләреңне

Юарга бик оста син.

 Тик һаман да сүзләремне

Колагыңа элмисең.

Ашаганчы да юыну

Кирәклеген белмисең.

Дамир Гарифуллин шигыре

Барлык укучыларны, укытучыларны, әти-әниләрне Белем бәйрәме белән котлыйбыз, саулык-сәламәтлек, тыныч, имин тормыш, бәхет-шатлыклар телибез.  

Балаларда спортка мәхәббәт уяту максатында “Спорт ул – сәламәтлек” дигән чара үткәрдек. Анда малайлар һәм кызлар ике төркемгә бүленеп ярыштылар, хәрәкәтле уеннар уйнадылар.

Балалар бакчасына йөрүче сабыйлар белән “Әкияттә – кунакта” дигән кичә уздырдык. Анда әти-әниләрне дә чакырдык. Балалар татар һәм рус халык әкиятләрен сәхнәләштерделәр, сорауларга җавап бирделәр. 

Сабантуймы, Сабантуй –

Уеннар туе бит ул,

Тәм-томнар сые бит ул,

Җиңүләр уе бит ул.

 Чаптар өстендә чабып,

Катыктан тәңкә табып,

Колга башына менеп,

Узышлыга йөгереп

 Һәм татарча көрәшеп,

Аркан белән сөйрәшеп,

Ватмый йомырка ташып,

Тапкырлыкта сынашып

 Җиңсәң әгәр,

Сабантуй –

Эчкә шатлык сыймас туй!

Эльмира Шәрифуллина

Район халкын, авылдашларны, кайткан кунакларны якынлашып килүче милли бәйрәм – Сабан туе белән котлыйбыз. Нык сәламәтлек, гаилә иминлеге, бәхет-шатлык телибез.

Балаларны Халыкара яклау көне уңаеннан бакчада “И күңелле балачак” дигән бәйрәм уздырдык. Клуб ишегалдында балалар рәхәтләнеп төрле уеннарда катнаштылар, җырладылар, биеделәр. Чарага әти-әниләр дә чакырылган иде. Бәйрәм күңелле узды.

Балалар бакчасында Гаилә көнен билгеләп үттек. Гаиләнең ныклыгы, күп бала тәрбияләп үстерүчеләр хакында әниләр белән әңгәмә кордык. Балалар гаилә турында шигырьләр сөйләделәр.

Бөек Җиңү бәйрәмен бакчада зурлап билгеләп үттек. Китапханәсе Любовь Дмитриева балаларга сугыш чоры балалары турында хикәяләрдән өзекләр укыды. Батыр сугышчылар исәтелегенә куелган һәйкәлгә чәчәкләр салдык.

Авылдашларны Яз һәм хезмәт бәйрәме белән котлыйбыз. Һәркемгә саулык-сәламәтлек, тынычлык, гаилә иминлеге телибез.