Барлык өлкәннәрне, әби-бабайларны, авылдашларны бәйрәм белән котлыйбыз. Саулык-сәламәтлек, бәхетле, тыныч тормыш, иминлек телибез.

Бакчада “Көзге уңыш” бәйрәме оештырылды. Анда балалар үзләренең бакчаларында үстерелгән яшелчә, җиләк-җимешләрне алып килделәр. Чарада әти-әниләр дә катнашты. Кемдер тәмле бәлеш, ә кемдер коймак, пирог пешереп алып килгән иде. Бәйрәм соңында бергәләп чәй эчтек.

Балалар әкиятләрне бик яраталар. Бакчада узган әкият кичәсендә дә һәркем актив катнашты. Татар халык әкиятләрен балалар аеруча яраттылар. “Сертотмас үрдәк”, “Сарык белән кәҗә”, “Үги кыз”, Өч кыз” әкиятләрен балаларга кычкырып укыдык. “Шалкан” әкияте сәхнәләштерелде. 

Бакчада “Спорт-сәламәтлек” дигән чара уздырдык. Анда әти-әниләр һәм балалар катнашты. Чарада спорт уеннары оештырылды. Бәйге соңында һәркем тәмле чәй белән сыйланды. 

1 сентябрь – Белем көне. Барлык укучыларны, укытучыларны, мәгариф ветераннарын бәйрәм белән котлыйбыз!

Район Мәдәният йортында район мәгариф хезмәткәрләренең август киңәшмәсе үтте. Әлеге чарада бакча мөдире Любовь Павлова катнашты. Киңәшмәдә чыгышлар тыңланды, алдынгыларга бүләкләр тапшырылды.

Аланнарда — җиләк исе,

Басуларда — иген исе,

Җәйләүләрдә — сөт исе...

 Тагын аллы-гөлле чәчәк,

Кайнар кояш өстисе —

Шушы булыр җәй төсе!

Шәүкәт Галиев шигыре

Кукмарада мәгариф хезмәткәрләренең республикакүләм киңәшмәсе узды. Әлеге киңәшмәдә бакча мөдире Любовь Павлова, тәрбияче Надежда Гавриловалар шәһәрнең “Кыңгырау” балалар бакчасында оештырылган “Керән базары”нда күргәзмә белән катнашты.

Балалар бакчасында “Чәчәк бәйрәме” узды. Һәр әти-әни үзләренең бакчаларында балалар белән бергә үстергән чәчәкләрне алып килде. Әлеге чәчәкләрдән күргәзмә ясалды. Иң матур чәчәк бәйләме ясаучыга бүләк бирелде. Бәйрәм җыр-биюләр белән аралашып барды, бик күңелле узды. 

Бакчада балалар өчен бәйрәм – Сабантуй оештырдык. Анда әти-әниләр дә чакырылган иде. Балалар бик теләп төрле уеннарда катнаштылар, үзләренең осталыкларын, җитезлекләрен сынадылар.