Кайбыч муниципаль районы мәгариф хезмәткәрләре конференциясе кысларында бүген предмет секцияләре эше булып узды. Безнең мәктәптә технология (кызлар) укытучылары җыелды. Алар методик докладлар тыңладылар, үзләрен борчыган проблемалар, алда торган бурычлар турында сөйләштеләр.

Бүген Кайбыч мәдәният йортында Фәннәр фестивале булып узды. Бу фестивальдә безнең мәктәптән татар теле һәм әдәбияты укытучысы Нәфыйкова Рушания Мөхәммәтша кызы җитәкчелегендә үткәрелгән  фәнни-тикшеренү эше тәкъдим ителде. 

Бүген Кайбычта бу акциянең йомгаклау тантанасы булды. Акция кысаларында безнең мәктәптә укучы аз керемле һәм күп балалы гаиләләрдә тәрбияләнүче 5 балага ярдәм күрсәтелде. Алар  да бу тантанада катнашты.

Берничә көн  ир-ат укытучыларыбыз мәктәп тирәсен яңадан тоту өчен баганалар утырттылар, шулай ук капка баганаларын алыштырдылар. Алла ярдәм бирсен сезгә!

Мәктәптә кайбер ремонт эшләре дәвам итә. Бу атнада  спорт залындагы тәрәзәләр яңартылды. Иске агач тәрәзәләр урынына пластик тәрәзәләр куелды.

Бүген күп кенә хуҗабикәләр кыяр, помидор тозлау, салат ясау белән мәшгуль. Мәктәп ашханәсе дә кышка хәзерләнә.Пешекчеләребез, укучылар һәм укытучылар бик яратып ашый торган, тәмле итеп кыяр һәм помидорларны маринадлыйлар. 

4 августта район комиссиясе мәктәпләрдә булды. Комиссия мәктәбебездә бу уку елында бик күп эшләр башкарылганын билгеләп үтте. Чәчәклегебез дә комиссия членнарына бик ошады.  

“Яшәр өчен кояш, ирек һәм кечкенә чәчәк кирәк, - дигән бөек әкиятче Ганс Андерсен. Әйе, борын-борыннан ук чәчәкләр тормышыбызның аерылмас юлдашы.  Чәчәкләр дә тормышка ямь бирәләр, матурлык һәм шатлык чыганагы булып торалар. Чәчәкләр тормышка матурлык биреп кенә калмыйлар, кешеләр арасында эчкерсез дуслык билгесе булып та хезмәт итәләр. Алар илһам чыганагы да.Чәчәкләргә сокланып,шагыйрьләр шигырьләр иҗат итәләр, композиторлар җырлар язалар.

Июль-август айларында мәктәбебез төрледән-төрле чәчәкләргә, гөлләргә күмелде. Бу матурлык-укытучыларыбыз һәм укучыларыбызның тырыш хезмәте нәтиҗәсе.

Бүген бакчада график буенча эшләүче укучыларыбыз бәрәңге чүбе утадылар.

Бу көннәрдә мәктәбебез үзгәрешләр кичерә. Бүген тәрәзәләргә жалюзилар куелды. Жалюзилар алу өчен акчаны “Мәктәбеңә ярдәм ит” акциясенә кушылган ата-аналар һәм укытучылар  бирде.