Муниципальное бюджетное общеобразовательное учреждение «Кушманская основная общеобразовательная школа имени Абрара Сагиди Кайбицкого муниципального района Республики Татарстан» ***«Татарстан Республикасы Кайбыч муниципаль районы Әбрар Сәгыйди исемендәге Кошман төп гомуми белем бирү учреждениесе» МБГББУ
Визитная карточка
Адрес: | 422328, РТ, Кайбицкий район, с. Кушманы, ул. Школьная, д. 31 |
Телефон: | +7(843)-703-26-35 |
E-Mail: | sch736k@rambler.ru, Sku.Kbc@tatar.ru |
Министерство: | Министерство образования и науки Республики Татарстан |
Короткое название: | МБОУ "Кушманская ООШ" |
Руководитель: | Гафарова Равиля Рахимулловна |
Год основания учреждения: | 1997 |
У нас учатся: | 87 учащихся / укучы |
У нас учат: | 16 учителей / укытучы |
Муниципальное бюджетное общеобразовательное учреждение «Кушманская основная общеобразовательная школа имени Абрара Сагиди Кайбицкого муниципального района Республики Татарстан» ***«Татарстан Республикасы Кайбыч муниципаль районы Әбрар Сәгыйди исемендәге Кошман төп гомуми белем бирү учреждениесе» МБГББУ - новости
Страницы: << ( 181 ) 182 183 184 185 186 187 188 189 190 >>
-
Районыбызның туган көне
19.04.2014
Кайбыч районы оешуга 23 ел. Шушы еллар эчендә ул танымаслык булып үзгәрде. Районда бу дата зурлап билгеләп үтелде. Бәйрәм чараларында Кошман авыл җирлеге составында безнең мәктәп коллективы да актив катнашты. Мәктәп укытучыларыннан торган фольклор ансамбль, “Егетләр” вокал ансамбле, музыка мәктәбендә укучы Шәрәфиев Айрат администрация каршында үткән бәйрәм концертында да чыгыш ясадылар.
-
Әбрар Сәгыйди атналыгы
18.04.2014
Без талантлы авылдашыбыз 20 нче гасыр башының күренекле әдибе, журналисты, мәгариф хезмәткәре Әбрар Сәгыйди белән чиксез горурланабыз.
2005 нче елның маенда безнең мәктәбебезгә Кайбыч муниципаль районы администрациясе башлыгы карары нигезендә Әбрар Сәгыйди исеме бирелде. Әдип ямьле яз аенда – 1895 нче елның 14 нче апрелендә якты дөньяга аваз сала. Иртә язда – 1939 нчы елның 1 нче апрелендә аның тынгы бетмәс йөрәге тибүдән туктый.
Мәктәбебездә апрель аенда Әбрар Сәгыйдигә багышланган атналык уздырылды. Әдипнең туган көнендә аның иҗатына багышланган әдәби кичә үткәрдек. Укучылар шагыйрь әсәрләренә иллюстрацияләр ясадылар. “Көмеш каләм” түгәрәге әгъзалары Ә.Сәгыйдигә багышланган стенгазета чыгардылар, сыйныфларда тәрбия сәгатьләре һәм класстан тыш уку дәресләре үткәрелде, мәктәп музеенда Ә. Сәгыйдигә багышланган бүлек яңартылды, укучылар музейдагы материаллар белән таныштылар.
2015 нче елда Ә.Сәгыйдинең 120 еллык юбилеен үткәрү өчен хәзерлек эшләрен башлауга старт бирелде.
-
9 нчы сыйныфта ата-аналар җыелышы
15.04.2014
Бүген, 15 нче апрель көнне, 9 нчы сыйныфта ата-аналар җыелышы уздырылды. Җыелышта төп дәүләт имтиханнарына әзерлек мәсьәләсе күтәрелде. Татар теле, рус теле, математика укытучылары һәрбер укучының имтиханнарга әзерлекләрен анализладылар. Мәктәп директоры имтиханнарны үткәрү тәртибен, имтиханда булачак кагыйдәләр белән тагын бер кат таныштырды.
-
Гагарин белән 108 минут
12.04.2014
12 апрель –Халыкара Космонавтика көне. 1961 нче елның 12 апрелендә, дөньяда беренче буларак, бортына кеше утырган “Восток” космик корабле җир тирәли орбитага чыгарылды. Бу кеше-очучы космонавты Юрий Алексеевич Гагарин. Ул илебез хөкүмәте тапшырган эшне үтәде.Узган гасырны галимнәр,язучылар һәм журналистлар төрлечә атадылар: атом гасыры, генетика гасыры, кибернитика гасыры һ.б. Иң еш кулланыла торган торган атама “Космос гасыры”булгандыр.
Мәктәбебез “Гагарин белән 108 минут” акциясенә бик теләп кушылды. Укучылыр сыйныф җитәкчеләре белән берлектә космос, аны өйрәнү тарихы,бу өлкәдә эшләгән галимнәр, беренче очучы-хайваннар, беренче космонавт Ю.А.Гагарин, беренче хатын-кыз космонавт В.Терешкова, космонавтлар, космик очышлар тарихы турында документаль фильмнар, презентацияләр карадылар .
Алдагы көннәрдә дә КОСМОС безгә бары шатлыклы хәбәрләр генә алып килсен!
Киләчәгебез тыныч, имин булсын!
-
Көрәшчеләребезне котлыйбыз!
12.04.2014
Бүген Кече Мәмедә Николай Фомин истәлеге призына милли көрәш буенча ачык Турнир булды.Бу Турнирда безнең мәктәптән физкультура укытучысы Насретдинов Айдар җитәкчелегендә, составында Саттаров Айназ, Шәрәфиев Айрат, Волков Руслан, Мотыйгуллин Фәнил, Мотыйгуллин Булат, Фәйзуллин Шәфкать, Фәйзуллин Нәфкать, Насретдинов Динар, Какаев Айдарлар кергән, команда катнашты һәм почётлы 2 нче урынны алды. Бу уңышка ирешүдә, үзләреннән бигрәк тә 32 кг га кадәргә үлчәмдә 2 нче урын алган Саттаров Айназ, 40 кг га кадәрге үлчәмдә 1 нче урынны алган Фәйзуллин Шәфкать, шул ук үлчәмдә 2нче урынны алган Фәйзуллин Нәфкать, 50 кг га кадәрге үлчәмдә 3 нче урынны алган Какаев Айдар зур өлеш керттеләр. Әфарин! Алар барысы да Грамоталар, медальләр һәм кыйммәтле бүләкләр алып кайттылар. Тренер Насретдинов Айдар исә Грамота белән бүләкләнде. Барлык көрәшчеләребезне һәм тренерны бу уңышлары белән котлыйбыз, киләсе ярышларда да җиңүләр телибез!
-
Укытучылар киңәшә
10.04.2014
10 нчы апрельдә мәктәптә педагогик киңәшмә утырышы уздырылды. Укыту эшләре буенча директор урынбасары Садриева Р.З. 3 нче чирек нәтиҗәләренә тукталды һәм алда торган бурычларны билгеләде. Һәрбер сыйныф җитәкчесе үз сыйныфына характеристика бирде, укуның сыйфатын күтәрү буенча фикерләр тыңланды.
Икенче көн тәртибе буенча “Бала Һәм компьютер”дигән темага укытучы Насретдинова А.А.чыгышы тыңланды.
Өченче көн тәртибе буенча мәктәп яны тәҗрибә кишәрлеге мөдире Сабирова Г.Х. мәктәп яны тәҗрибә кишәрлегендә эш планы белән таныштырды.
Соңыннан мәктәп директоры Хамидуллин И.И. мәктәп буенча 3 нче чиректә булган планның үтәлешенә тукталды, кимчелекләрне анализлады. Шулай ук, һәр дәресне югары дәрәҗәдә уздырырга кирәклегенә басым ясады, Сингапур методикасына нигезләнеп эшләргә кирәклеге турында ассызыклады.
-
“Сәхнә көзгесе” җиңү китерде
03.04.2014
Бүген “ЭКО” мәктәптән тыш эшләр” үзәге өстәмә белем бирү муниципаль бюджет учреждениесе мәктәпләрнең театр коллективлары арасында “Сәхнә көзгесе” конкурсы уздырды. Безнең мәктәптән бу конкурста башлангыч сыйныфлар һәм татар теле укытучысы Сайранова Р.Т. җитәкчелегендәге коллектив катнашып татар халкының “Өч кыз” әкиятен сәхнәләштерде. Җитәкченең дә укытучының да тырышлыклары бушка китмәде коллектив 1 нче урынны алды һәм 1 нче дәрәҗә диплом белән бүләкләнде. Спектакльне хәзерләгән укытучыга исә сәнгатькә кызыксыну һәм шәхестә культуралылык сыйфатлары, рухи кыйммәтләр булдырган өчен Грамота тапшырылды. Укучыларны да укытучыны да бу җиңүләре белән котлыйбыз. Әфарин!
-
Кошлар көне
02.04.2014
Беренче апрель – Халыкара кошлар көне. Безнең канатлы дусларыбыз урманнарны, болыннарны, бакчаларны, басуларны һәм башка күп җирләрне бизәп кенә калмыйлар, ә аларны саклауга зур өлеш кертәләр. Ел саен бу көнгә багышлап без кичә оештырабыз. Быел бу кичә әдәби-музыкаль монтаж формасында булды, кошларның әһәмияте турында презентация күрсәтелде. Укучылар ясаган кош рәсемнәреннән күргәзмә оештырылды.
Безнең канатлы дусларыбыз туган якларына язны сагынып очып кайталар һәм үзләренә оя кора башлыйлар. Сыерчыклар өчен без һәр елны оялар ясыйбыз. Кошлар үзләренчә мондый бүләккә шатланадыр дип уйлыйм. Ә соңыннан инде калган канатлы дусларыбыз: сандугачлар, карлыгачлар, тургайлар туган якларга кайтып җитәрләр. Җиребез моңга күмелер.
Кошларны саклыйк, яратыйк, дуслар! Бу матурлыкка югалырга юл куймыйк!
-
1 апрель-көлке көне
01.04.2014
Көлү кешегә көч-куәт, дәрт өсти, оптимист булырга этәрә. Әгәр бу көнне сездән көләләр, сезне алдыйлар икән, бигайбә! Үпкәләштән булмасын. Мондый күңелләрне шатлык хисләре белән тулыландырган көн елга бер генә ул. Шуңа да бу мөмкинлекне кулдан ычкындырмый елмаегыз-көлегез һәм аның сәламәтлек өчен файдасы күп булуы хакында да онытмагыз.
Сәламәтлекне саклау өчен кызыклы спектакльләр, кинокомедияләр карарга, юмористик китаплар укырга кирәк. Һәрчак ерык авызлы булыгыз, башкаларга да күтәренке кәеф белән елмаеп эндәшегез.
Шуңа да укучылар бүген мәктәптә үткәрелгән көлке кичәсендә төрле уеннар уйнап, көлеп шаярдылар. “Мәзәкчеләр мәҗлесе” дигән плакатка үзләре белгән мәзәкләр яздылар.Ә көне буе бер-берләрен һәм укытучыларны алдалап, мәзәкләп кинәнделәр.
-
Сингапурча укыта башлыйбыз
26.03.2014
Мәктәбебез укытучылары Колангы төп мәктәбендә сингапурча укыту буенча 2 көнлек тренинг үттеләр. Тренингны тренерлар Петрова С.Т. һәм Мөхетдинова М.А. бик кызыклы, файдалы, мавыктыргыч итеп үткәрделәр. Бу системада төп максат – балада тәнкыйди караш формалаштыру икән.Бөтен нәрсәгә тәнкыйть күзлегеннән карарга кирәк, дип аңлый күрмәгез тагын. Проблеманы тирәнтен өйрәнеп хәл итү дигәнне аңлата бу. Төгәлрәге, нинди дә булса проблеманы алабыз да аны чишү юлларын бергәләп эзлибез. Ул уен формасында үткәрелә.
Сингапурча дәрес исә болайрак үтә: балаларны иң әүвәл дүртәр кеше итеп төркемнәргә бүлеп утырталар. Укытучы нинди тема үтәчәкләрен әйтә. Балалар шуңа әзерләнә. Бездә, гадәттә, төркемдә бер-ике лидер була, шулар бөтен сорауларга җавапны таба, башкалар сүлпән генә аның янында утырып тора. Кайберәүләр сорауга җавапны белергә дә мөмкин, тик ул дөрес булмаса, дип шикләнә, ягъни үзенә ышанычы булмый һәм кеше алдында оятка калмас өчен дәшми калуны кулай күрә. Ә Сингапур методикасы буенча, баланың берсе дә уеннан читтә калырга тиеш түгел.
Бу методика үзенә күрә тәрбия чарасы да икән бит. Бала бер-береңә ярдәмләшеп яшәргә кирәк, дигән төшенчәне кечкенәдән күңеленә сеңдереп үсә. Сингапурда тегенди бул, мондый бул, дип коры сүз сөйләмиләр, ә моңа укыту системасы аша ирешәләр булып чыга. Баланың психикасы да, фикерләү сәләте дә исәпкә алына. "Икеле"гә, "өчле"гә укыган баланың фикерләре "бишле"гә укыганныкы кебек төгәл булмаска да мөмкин. Тик аның әйткәннәре дә хупланырга тиеш. Укучы шуннан соң гына курыкмыйча үз белгәннәрен сөйли ала. Укытучыларыбыз бу методика буенча да дәресләрне уңышлы үкәрерлек белемнәр алып кайттылар.