Ватанпәрвәрлек тәрбияләү - мәктәпнең төп бурычларының берсе. Бу сыйфатны тәрбияләүдә төрле истәлекле даталарны билгеләп үтү дә зур роль уйный. Ноябрь аенда булып узган Бердәмлек көне һәм Татарстан Конституциясе көннәре шундый әһәмиятле даталардан. Һәр сыйныфта бу истәлекле даталар уңаеннан сыйныф сәгатьләре булып узды. Сыйныф сәгатьләрендә Конституциянең мөһимлеге, Бердәмлек көненең тарихы, бердәмлекнең гаилә, сыйныф, мәктәп, авыл, район, республика, ил тормышындагы әһәмияте, бердәмлек һәм толерантлыкның берлеге турында сөйләшенде, презентацияләр күрсәтелде.

Бүген мәктәптә “Наркотикларсыз тормыш” акциясен йомгаклау линейкасы булды. Линейкада Кайбыч районы прокуроры ярдәмчесе  Гәрәфетдинов Илмас Фәрит улы катнашты. Ул үзенең чыгышында бу акциянең әһәмияте, балигъ булмаган балалар катнашында наркотиклар әйләнеше буенча җинаятьләр, бу җинаятьләр өчен җаваплылык турында сөйләде. Шәхес булып формалашуда наркотикларның тискәре йогынтысына аеруча басым ясады.

Линейкада шулай ук акция кысаларында үкәрелгән плакатлар конкурсына йомгак ясалды.

Соңыннан наркотикларның зыяны турында фильм күрсәтелде.

ГТО нормаларын тапшыруга хәзерлек максатыннан укытучы Гатауллин Динар

ир балалар арасында турникта тартылу, кызлар арасында гәүдәне күтәрү буенча рейтинг таблицасы эшләде. Һәр дүшәмбе көнне укучылар бу күнегүләр буенча үзләренең күпмегә алга китүләрен сынап норма тапшыралар. Нәтиҗәләр таблицага язылып барыла.

Бүген мәктәптә сыйныф сәгатьләре Мәдәният елына багышлап үткәрелде. Башлангыч сыйныфларда "Мәдәният нәрсә ул", "Аралашу культурасы", өлкән сыйныфларда "Кайбыч районы халкы мәдәнияты", "Безнең районнан мәдәният өлкәсендәге билгеле кешеләр", "Россия һәм Татарстанның мәдәният мирасы" темаларына сөйләштеләр. Дәресләр үткәргәндә мәктәп музее ресурслары, мультимедиа һәм китапханә фонды файдаланылды.

Бүген яңа гына төзелеп беткән Югары Кошман мәдрәсәсендә мәчеткә йөрүче укучылар өчен Корбан ашы уздырылды. Мәҗлес Коръән уку белән башланып китте. Төрле тәм-томнардан, корбан итеннән авыз итеннән иткәннән соң, Мөслимә абыстай, балаларны 3 төркемгә бүлеп, ярыш үткәрде. Мәҗлестән беркем дә бүләксез китмәде. Үткәргән ашлар кабул булсын, балаларыбыз иманлы булып үссен, әмин!

Кәбестә – кешеләр тарафыннан кулланыла торган иң борынгы яшелчәләрнең берсе.  Кәбестә В, Р, К төркеменә керүче витаминнарга, минераль матдәләргә, аминокислота һәм органик кислоталарга бай. Анда С витамины да күп.  Файдалы матдәләр һәм витаминнар саклану буенча беренче урында тозлы кәбестә тора.  Шуны истә тотып бүген без күп итеп кәбестә тозладык. Витаминлы ризык кыш буена җитәр, алла боерса.

Мәктәбебездз шахмат уены популярлаша бара. Бу уенның файдасы күптөрле. Шахмат уены балаларның акыл көчен генә арттырып калмый, иҗади яктан да үстерә. Күп кенә балалар бик тынгысыз була, шахмат уены уйнап, алар үзләрен тыныч тотарга, авыр мәсьәләләрне уйлап хәл итәргә өйрәнәләр. Көндәшеңнең адымнарын күзәтеп бару, ясаячак адымын алдан күрә белергә өйрәнү дә балаларда сиземләү көчен арттыра, игътибарлы булырга өйрәтә. Бу уенны популярлаштыруда тренер-физкультура укытучысы Насретдинов Айдарның да роле зур. Шуңа укучыларыбыз - шахмат буенча үткәрелгән ярышларда бүләкләнүчеләр арасында. Соңгы ярыш та искәрмә булмады. 2003 нче елгы һәм алардан яшьрәк балалар арасында үткәрелгән шахмат буенча район турнирында безнең мәктәп командасы (Хикмәтуллина Кадрия, Сабиров Сәйдәш, Саттаров Айназ) 3 нче урынны яулады. Әфарин, яшь шахматчылар!

Наркотиклар темасын "чәйнәлгән" дисәң, ялгыш булмас. Тик алар турында әйтми дә булмый бит: нинди генә чаралар күрелсә дә, наркотиклар проблемасы кимеми.

 Кайбер мәгълүматларга караганда, безнең илдә 4 миллионга якын кеше наркотиклар куллана. Шуларның 76%ы – 14-30 яшьлекләр.

“Наркотикларсыз тормыш” акциясе дәвам итә. Бу атнада мәктәптә бу темага плакатлар конкурсы булып узды. Һәр сыйныф конкурска үз плакатын  тәкъдим итте. Чынлап та,  балаларыбызның алдагы тормышы бу афәттән азат булсын иде!

28 нче октябрьдә мәктәптә Батырлык дәресләре үтте. Дәреләрдә 1941 нче елда узган һәм 2014 нче елда узачак хәрби парадлар, Советлар Союзы Геройлары турында презентацияләр, Бөек Ватан сугышы турында документаль фильмнардан өзекләр күрсәтелде, әңгәмәләр үткәрелде. Батырлар онытылмасын!

Узган шимбәдә Олы Кайбычта укучылар арасында шахмат буенча командалар һәм шәхси беренчелеккә ярышлар булып узды. Әхмәтшин Илнур, Сабиров Ислам, Әхмәтшина Алия һәм Хәйруллина Әлфияләрдән тупланган команда беренчелеккә чыкты һәм мәктәбебезгә күчмә кубок алып кайтып куандырды. Узган ел алган икенче урын белән генә чикләнмичә, ел дәвамында даими рәвештә шахмат уйнау  шундый нәтиҗәләргә китергәндер, мөгаен. Кубокны алу - бер нәрсә, аны саклап калу киләчәккә максат булып кала. Тырыш хезмәт - уңыш нигезе. Әфәрин, кошманлылар!!!