Муниципальное бюджетное общеобразовательное учреждение «Кушманская основная общеобразовательная школа имени Абрара Сагиди Кайбицкого муниципального района Республики Татарстан» ***«Татарстан Республикасы Кайбыч муниципаль районы Әбрар Сәгыйди исемендәге Кошман төп гомуми белем бирү учреждениесе» МБГББУ
Визитная карточка
Адрес: | 422328, РТ, Кайбицкий район, с. Кушманы, ул. Школьная, д. 31 |
Телефон: | +7(843)-703-26-35 |
E-Mail: | sch736k@rambler.ru, Sku.Kbc@tatar.ru |
Министерство: | Министерство образования и науки Республики Татарстан |
Короткое название: | МБОУ "Кушманская ООШ" |
Руководитель: | Гафарова Равиля Рахимулловна |
Год основания учреждения: | 1997 |
У нас учатся: | 87 учащихся / укучы |
У нас учат: | 16 учителей / укытучы |
Муниципальное бюджетное общеобразовательное учреждение «Кушманская основная общеобразовательная школа имени Абрара Сагиди Кайбицкого муниципального района Республики Татарстан» ***«Татарстан Республикасы Кайбыч муниципаль районы Әбрар Сәгыйди исемендәге Кошман төп гомуми белем бирү учреждениесе» МБГББУ - новости
Страницы: << 171 172 173 174 175 176 177 178 179 ( 180 ) >>
-
Балаларыбыз имин булсын!
30.04.2014
30 нчы майда мәктәптә балаларны төрле аяныч хәлләрдән яклау көне булып узды. Балаларны төрле юл һаләкәтеннән кисәтү буенча фильмнар күрсәтелде. Урамда очраган этләрдән саклану кагыйдәләре турында әңгәмә үткәрелде, эвакуация булды.
-
Кайбычта Тукай бәйрәме
28.04.2014
Һәр милләттә йөзек кашы булырдай кешеләр бар. Татар тарихында да андыйлар аз түгел. Шуларның берсе бөек шагыйребез Габдулла Тукай. Аны барчабыз да беләбез. Шигырьләрен, әкитяләрен яттан өйрәнгәнебез әле дә хәтердә.
Кайбычның Галия Кайбицкая исемендәге музеенда Габдулла Тукайга багышланган шигырь бәйрәме булды. Анда безнең мәктәп укучылары да катнашты.
-
Кызыклы очрашу
27.04.2014
Чаллыда яшәп иҗат итүче, "Сагынырсың-мин булмам" , "Язмыш сынавы", "Көтеп узган гомер", "Бәхеткә юл кайдан?" повестьләре авторы Зифа Кадыйрова белән очрашу турында күптән хыялланган идек. Менә бүген безгә автор белән күрешергә насыйп булды. Зифа Кадыйрова бик аралашучан, һәрбер гамәлгә аның үз карашы, үз фикере бар. Очрашу вакытында Зифа Әбделвәлиевна, кыскача гына булса да үзенең һәрбер әсәре белән һәм аларның тарихы белән таныштырып, кунакларның бик күп сорауларына җавап биреп, яңа әсәрләрен укып, тамашачының күңелен рухи байлык белән тулыландырды.
8 нче сыйныф укучысы Гарифуллина Чулпан
-
День защиты детей
27.04.2014
В соответствии с Планом основных мероприятий отдела образования Кайбицкого муниципального района Республики Татарстан по вопросам гражданской обороны, предупреждения и ликвидации чрезвычайных ситуаций, обеспечения пожарной безопасности и безопасности людей на водных объектах на 2014 год 26 апреля в школе прошёл День защиты детей. День начался с эвакуации школы. В течении дня учителя проводили уроки, посвящённые правилам дорожного движения, оказанию первой помощи, автономному существованию человека в природе, правилам поведения при пожарах и т.д. Учитель ОБЖ Насрутдинов Айдар провёл среди мальчиков 7,8,9 классов военизированную эстафету.
-
Строй һәм җыр смотры
26.04.2014
Бүген мәктәбебездә укучыларда гражданлык һәм ватанпәрвәрлек тәрбияләү, сәламәт яшәү рәвешен пропагандалау һәм Россиянең кораллы көчләрендә хезмәт итүне популярлаштыру максатыннан Бөек Ватан сугышында Җиңүнең 70 еллыгына багышланган строй һәм җыр смотры булып узды. Барлык сыйныфларда смотрга тырышып хәзерләнгән. Алар арасында пионерлар да, моряклар да, солдатлар да бар иде. Бу ярышта 1 нче урынны 9 нчы сыйныф, 2 нче урынны 5 нче сыйныф, 3 нче урынны 4нче һәм 8 нче сыйныфлар алдылар.
-
Белем сыйфатлы булсын!
25.04.2014
Татарстан Республикасында белем бирүнең сыйфатын камилләштерү максатыннан Сингапур методикасын тормышка ашыру буенча киң кырлы эш алып барыла. Безнең мәктәп укытучылары да март аенда әлеге система буенча белем алып үзләренә кулай булган структураларны дәресләрдә куллана башладылар. 25 нче апрельдә әлеге методларның ничек кулланылышын тикшерү максатыннан район мәгариф бүлеге белгечләре: Петрова С.Т., Зыядиева Л.Р., Мөхетдинова М.А., Русова М.М.лар мәктәбебездә булдылар. Һәр укытучының дәресен карап, киңәшләрен бирделәр.
-
Татарнын Тукае бар эле!
24.04.2014
Ел саен апрель аенда дөньяның милләттәшләребез яшәгән һәр почмагында сөекле шагыйребезгә багышланган чаралар үткәрелә.Бүген безнең мәктәптә дә татар әдәбияты күгендә янган иң якты йолдызларның берсе – халкыбызның яраткан шагыйре Габдулла Тукайга багышланган әдәби-музыкаль кичә үтте. Кичәне татар теле укытучылары Нәфыйкова Р.М. һәм Сайранова Р.Т. оештырдылар.
Сөекле шагыйребезгә багышланган кичәдә укучылар аның шигырьләрен сөйләделәр, Г.Тукай сүзләренә язылган җырларны башкардылар һәм үзләре язган шигырьләрне укыдылар.
Башкалар алдында мактанып,
Фикерләр, уйларга гел чумып,
Китабым ачамын һәм укыйм:,
Тукаем- шагыйрем бар әле!
Яктылык, яхшылык турында
Тукайның әкияте, шигыре .
Патшасы шигырьнең татарда -
Габдулла Тукаем бар әле!
Шагыйрь- ул милләтнең көзгесе,
Девизы, язылган өлгесе.
Тукай бит - татарлык билгесе,
Татарнын Тукае бар эле!
Бу юллар исә 9 нчы сыйныф укучысы Шиһапова Алсу язган шигырьдән.
-
Санитар-экологик икеайлык бара.
23.04.2014
Районыбызда санитар-экологик икеайлык бара. Ул әйләнә-тирә мохитне саклау проблемаларына җәмәгатьчелек игътибарын җәлеп итү, экологик культура булдыру һәм җәелдерү, торак пунктларның торышын санитария-эпидемиология таләпләренә җавап бирердәй хәлгә китерү максатыннан үткәрелә. Бу икеайлыкта безнең мәктәп укчылары да актив катнаша. Бүген укучылар укытучылар белән бергәләп Түбән Кошман авылындагы урамнарны, зур күпер буен һәм су буйларын җыештырдылар. Урамнар башка елларга караганда быел күпкә чиста, ләкин су буйларына бик күп көнкүреш калдыклары атылган. Авылдашларыбызныж мондый начар эшләренә күңел әрни. Тирә-юнебезне чиста тотуны үзебезнең бурыччыбыз итеп санасак иде!
-
Мәктәп бакчасында “урак өсте”
22.04.2014
Яз көне, карлар эрегәч, үзең яшәгән тирәлекне чүп-чардан чистарту – гомер-гомергә килгән күркәм гадәт. Һәр йортта, хуҗалыкта, оешма-предприятиеләрдә башкарыла бу эш. Безнең мәктәп укучылары, укытучылары, хезмәткәрләре дә язгы өмәләрдән читтә калмадык: үз территориябезне тырмалап, корыган агач-ботаклардан, чүп- чардан чистарттык, кишер чәчтек.
Ялт итеп калган бакчабызны күргәч, күңелләргә шулкадәр рәхәт. Чүп-чардан арынгач, җир дә җиңел сулап куя кебек. Гел шулай матур итеп, табигатьне саклап, кадерләп яши алсак иде без! -
Әбрар Сәгыйди шигырьләрен яратабыз
21.04.2014
Бүген иртәнге линейкада Әбрар Сәгыйди әсәрләренә иллюстрацияләр конкурсына йомгак ясалды. Укучылар Ә.Сәгыйдинең “Кыш көне авыл”, “Кошларга”, “Таң” шигырьләренә аеруча яратып иллюстрацияләр ясаганнар. Жюри түбәндәге укучыларның эшләрен уңышлы дип тапты.
1 нче урын-Әхмәтшина Алия 5 кл
2 нче урын -Гыйниятуллина Камилә 5 кл
3 нче урын – Салаватуллина Айзилә 5 кл, Хәйретдинова Эльвира 6 кл