Муниципальное бюджетное общеобразовательное учреждение «Кушманская основная общеобразовательная школа имени Абрара Сагиди Кайбицкого муниципального района Республики Татарстан» ***«Татарстан Республикасы Кайбыч муниципаль районы Әбрар Сәгыйди исемендәге Кошман төп гомуми белем бирү учреждениесе» МБГББУ
Визитная карточка
Адрес: | 422328, РТ, Кайбицкий район, с. Кушманы, ул. Школьная, д. 31 |
Телефон: | +7(843)-703-26-35 |
E-Mail: | sch736k@rambler.ru, Sku.Kbc@tatar.ru |
Министерство: | Министерство образования и науки Республики Татарстан |
Короткое название: | МБОУ "Кушманская ООШ" |
Руководитель: | Гафарова Равиля Рахимулловна |
Год основания учреждения: | 1997 |
У нас учатся: | 87 учащихся / укучы |
У нас учат: | 16 учителей / укытучы |
Муниципальное бюджетное общеобразовательное учреждение «Кушманская основная общеобразовательная школа имени Абрара Сагиди Кайбицкого муниципального района Республики Татарстан» ***«Татарстан Республикасы Кайбыч муниципаль районы Әбрар Сәгыйди исемендәге Кошман төп гомуми белем бирү учреждениесе» МБГББУ - новости
Страницы: << 181 182 183 184 185 186 ( 187 ) 188 189 190 >>
-
Педагогик киңәшмә утырышы
20.01.2014
Бүген мәктәптә укытучыларның чираттагы педагогик киңәшмә утырышы булды.Киңәшмәдә түбәндәге көн тәртибе каралды:
1.II чирек нәтиҗәләре белән танышу.
2 .“Дәрес.Заманча дәрескә куелган таләпләр”(методик чыгыш –Садриева Р.З.)
3. Дәүләт йомгаклау аттестациясенә әзерлек-түгәрәк өстәл.
4.Төрлеләр.
Хәзерге заман таләпләре укытучыларга кискен таләпләр куйганлыгы турында аңлатылды, һәр дәрескә иҗади якын килеп эшләргә кирәклеге турында фикер алышу уздырылды.
-
Бадминтон ярышлары
18.01.2014
Бүген мәктәбебездә бадминтон буенча 2002 нче елгы һәм аннан яшьрәк укучылар арасында район беренчелегенең зона ярышлары булды. Анда Кече Мәме, Надеждино, Ульянково, Бәрлебашы һәм Кошман мәктәбе укучылары катнашты. Безнең мәктәп укучылары да башка яшьтәшләре кебек ярышта актив булдылар. Тик кызганыч, аларга бу юлы уңыш елмаймады.Туган стеналары да укчыларыбызга ярдәм итә алмады.
-
Өлкәннәргә ярдәм итәбез
18.01.2014
Балалар оешмасының төп максатларының берсе - балаларыбызда шәфкатьлелек, мәрхәмәтлелек, тәүфыйк-миһербан, игелек-изгелек, ярдәм, киң күнеллелек, кадер-хөрмәт, наз-игътибар, юмартлык, сабырлык, итагатьлелек кебек сыйфатлар тәрбияләү. Шул максаттан мәктәбебездән тимурчылык хәрәкәте дәвам итә. Балаларыбыз атна саен үзләренә беркетелгән өлкәннәргә булышырга йөриләр, хәлләрен беләләр. Кичә исә көчле кар яуганнан соң балаларыбыз кар көрәргә бардылар, юллар салдылар, сукмаклар ачтылар. Балаларыбызның изге эшләре дәвамлы булсын!
-
Укытучылар спартакиадага хәзерләнә
16.01.2014
Укытучылар спартакиадасына хәзерләнү максатыннан безнең мәктәп укытучылары катнаша алырлык спорт төрләренә җаваплы кешеләр билгеләнде. Укытучылар дартс, чаңгы, шахмат, бадминтон, өстәл теннисы буенча Бәрлебашы мәктәбе укытучылары белән ярышырга уйлыйлар. Сынатмагыз, хөрмәтле коллегалар!
-
3 нче чирек башланды
13.01.2014
13 нче гыйнвардан мәктәптә укулар башланды. Яңа уку чирегендә укытучыларыбызга һәм укучыларыбызга ныклы сәламәтлек һәм уңышлар телибез! Уку елының икенче ярты еллыгы да төрле бәйгеләргә, кызыклы чараларга, игелекле эшләргә бай булсын!
-
Лагерьның соңгы көне
09.01.2014
9 нчы гыйнвар, 2014 нче ел. Лагерьның соңгы көне. Әле кайчан гына 20 бала белән “Кояшкай” лагеры үз эшен башлап җибәргән иде. Инде 7 көн шаулап-гөрләп узып та киткән.Бу көн аралыкларында балалар рәхәтләнеп ял иттеләр, экскурсияләргә бардылар, белемнәрен ныгыттылар, яңа ел маҗараларын күрделәр, чыршы тирәсендә әйлән-бәйлән уйнадылар... Кыскасы бик күңелле булды.
Ә бүген исә, алар, лагерьны ябу тантанасында, үз көчләре белән әзерләгән җырлы-биюле концерт күрсәттеләр, алар өчен бар көчләрен куйган тәрбияче апаларына, пешекчеләргә һәм мәктәп хезмәткәрләренә рәхмәтләрен җиткерделәр.
-
Ура! Кышкы лагерь ачылды!
03.01.2014
Бүгеннән мәктәбебездә кышкы лагерь эшли башлады. Тәрбиячеләр белән бергәлектә лагерьны ачу тантанасы бик күңелле узды. Балалар чыршы әйләнәсендә концерт куйдылар, рәхәтләнеп ял иттеләр, саф һавада хәрәкәтле уеннар уйнадылар. Балаларның йөзләрендә елмаю, күтәренке кәеф рухы чагылды.
-
Ура, кышкы каникуллар җитте!
27.12.2013
Бүген мәктәбебездә кышкы каникуллар башланды.Балалар 28 нче декабрьдән 12 нче январьга кадәр ял итәчәкләр. Бу чорда мәктәптә алар өчен төрле түгәрәкләр,кышкы лагерь эшләячәк.Каникуллар күңелле үтсен!
-
Яңа ел!!!
27.12.2013
Бүген мәктәбебездә башлангыч һәм уртанчы сыйныф укучыларының Яңа ел бәйрәмнәре булып узды. Һәр укучы матур-матур киемнәрдән,күңелләре шат. Әлбәттә, нинди Яңа ел Кыш бабайсыз!? Ә Кыш бабай булган җирдә төрле тылсымнар һәм маҗаралар була. Барысы да җырлап- биеп, күңел ачып Кыш бабайның бүләкләрен алып,җылы хисләр белән,киләсе Яңа елга зур өметләр баглап өйләренә таралышты.Бәйрәм бик кызык һәм күңелле узды!
-
Яңа ел белән тәбрик итәбез!
26.12.2013
Яңа ел белән тәбрик итәбез!
Бәйрәмнәрдә – бәхет тантанасы,
Җан сафлыгы, күңел яктысы.
Гомер буе озатып бара безне
Бәйрәмнәрнең керсез ак төсе.
Җир өстенә аклык-пакълек алып килгән Яңа ел бәйрәме котлы булсын!
Киләсе елның 365 көне дә бәхет-шатлык кына китерсен. Аткан таңнарның барысы да алсу булсын. Тормыш юлларында шатлыклы очрашулар, бәхетле елмаюлар, куанычлы мизгелләр күп булсын!