Тукайның туган көне!
Үткән атнада Габдулла Тукай иҗаты белән танышып, аның әсәрләре аша балаларга телебезнең матур, татлы, аһәңле, моңлы икәнлеген аңлаттык. Габдулла Тукай әсәрләрендә туган җиргә, аның табигатенә, кешеләренә тирән мәхәббәт сугарылган. Аның әсәрләре аша бала әйләнә-тирә дөньяны танырга, татар халкының гореф-гадәтләрен, өлкәннәрне хөрмәт итәргә, игелекле, мәрхәмәтле, миһербанлы һәм тыйнак булырга өйрәнә. Балаларыбыз -шигырь, җыр-бию, әкиятләр аша туган телебезнең байлыгын, матурлыгын күрергә өйрәнделәр. Ә бүген зурлар төркеме балалары тәрбияче апалары Салахова И.Г. белән музыка укытучысы Кадыйрова А.С. Габдулла Тукайның туган көне уңаеннан матур бәйрәм оештырдылар.
 

Урман җиребез матурлыгы, байлыгы Балаларда урманга һәм аның байлыкларына сак караш тәрбияләү; кешеләр тарафыннан табигатьне сакларга кирәклеге турында нәтиҗә чыгара белү, логик фикер йөртә белү сәләтен үстерү; урман андагы тереклек турындагы белемнәрен тирәнәйтү, мул табигатьнең кеше тормышына әһәмиятен аңлату; сирәк калган һәм югалып бара торган хайваннар, үсемлекләр турындагы китап белән таныштыру, аның әһәмиятен аңлату. Кызыл китапка кертелгән хайван һәм үсемлекләрне кызгану, алар өчен борчылу хисләре уяту, сирәк калган һәм югалып бара торган,җәнлекләр, үсемлекләр турындагы китап белән таныштыру аның әһәмиятен аңлату. Балаларда игътибарлылык сыйфатлары, экологик культура тәрбияләү, тәбигатьтәге үзара мөнәсәбәтләрне күрә белү сәләтен үстерү. Татарстан җирелегендә үсә торган урман үсемлекләре турында белемнәрен камилләштерү максатыннан 17 – 21 апрель көннәрендә “Урман – җиребезнең матурлыгы, байлыгы” атнасы үткәрелә. 

Галәм киңлекләрендә!
Балаларда беренче очучы Ю.Гагарин белән танышу аша илебезгә карата горурлык хисләре тәрбияләү; галәм турындагы белемнәрен системалаштыру; Кояш системасы, планеталар турында элементар белешмә бирү, алар турында күбрәк беләсе килү теләге уяту; Космонавтика көне турында белемнәрен формалаштыру; тирә-юньне, табигатьне аңларга һәм сакларга сәләтле актив, иҗади шәхес тәрбияләү максатыннан 10-14 апрель көннәрендә "Галәм киңлекләре" атналыгы үткәрелде.
 

Кара каргалар килде
Килдек, килдек очып ерак җирдән.
Курыкмыйча ачы салкын җилдән.
Яз хәбәрен сезгә китердек без.
Гафу, дуслар, озак көттердек без.
Хәзер менә оя ясап тизерәк
Бала-чага үрчетергә кирәк.
Саф һавга чыккач Ильхамия Галимовна балалар белән җылы яклардан кайткан кара каргаларны күзәттеләр. Каргаларның коелган агач ботакларын җыеп агач башына оя коруларын, тиздән йомырка салып балалар үстерәчәкләрен аңлатты. Кошларны рәнҗетмичә сакларга кирәклеген төшендерде.
 

7 апрель - Бөтендөнья сәламәтлек көне
Балаларның сәламәтлекләрен үстерү, ныгыту, чыныктыру буенча балалар бакчаларында даими, системалы эш алып барыла. Физкультура эшчәнлеге залда гына түгел атнага бер тапкыр саф һавада үткәрелә. Саф һавада физкультура белән шөгыльләнү балаларның сулыш юлларын чистарта, хәрәкәт активлыгы үстерә, иммунитетын күтәрә.
 

Куркынычсызлык. Уттан саклан.
Бу атнада бакчабызда балаларны б/бакчасында үз-үзләрен тотуның иң гади кагыйдәләре белән таныштыру; тормышта була торган куркыныч чыганаклары турында беренчел күзаллаулар булдыру, балаларны тормышта яңа, алар өчен гадәти булмаган очракларда, таныш булмаган кешеләр белән очрашканда үз-үзләрен дөрес тотарга өйрәтү; балаларның б/бакчасында, өйдә, җәмәгать урын-нарында үз-үзләрен әдәпле тоту кагыйдәләрен үти белүләрен ныгыту; башкалардан да бу кагыйдәләрнең үтәлүен таләп итәргә өйрәтү; кирәк булган очракта, мөстәкыйль рәвештә ашыгыч ярдәм чакыру телефоны номерын җыярга өйрәтү. Ут чыгу куркынычы булган әйберләр белән сак булу сыйфаты тәрбияләү; янгын куркынычсызлыгы кагыйдәләре белән танышуны дәвам итү, янгын чыгу очрагында үзләрен дөрес тоту күнекмәләрен ныгыту өстендә эш алып бары
 

Хуш киләсең, Нәүрүз!
Борын-борын заманнан,
Болгар белән Казаннан,
Җаек белән Иделдән
Бу бәйрәм безгә килгән.
Нәүрүз мөбарәк булсын!
Балаларны Нәүрүз бәйрәме, язгы табигать, андагы булган үзгәрешләрбелән таныштыруны дәвам итү, халкыбызның милли гореф- гадәтләрен искә төшерү максатыннан бүген мәдинят йортында язны каршылау - Нәүрүз бәйрәме үткәрелде. Икенче кечкенәләр, уртанчылар, зурлар, мәктәпкә әзерлек төркеме балалары Кыш бабайны озатып, Яз кызын каршы алдылар. Язга багышлап җырлар, биюләр башкардылар, шигырьләр сөйләделәр. Бәйрәм ярыш, уеннар белән үрелеп барды. Балалар шат, күтәренке рухта төркемнәргә карга боткасы ашарга таралыштылар.
 

Балалар, яз җитүен барыбыз да көтеп алабыз. Без генә түгел, канатлы дусларыбыз да язын сагынып кайталар.

Язлар килә туган ягыма,
Җиргә алтын нур ява.
Алтын нурларга коенып
Тибрәнеп тора һава.
Яз килә шул, яз гына
Күңелләрдә наз гына.
Язлар килә, кошлар килә
Минем туган ягыма!

Кем дөньяга кеше бүләк итә?
Ә кешегә якты дөньяны?
Тойгылары кояш кебек кайнар
Эретерлек гранит кыяны?
Кемнең күңеле тулган айдай серле,
Язлар сыман назлы, ягымлы.
Шатлыкларын башкаларга бүлә
Кайгыларга түзем һәм сабыр.
Кем елмая җәйге таң аткандай
Балкып китә шундук тирә-як.
Нәфислеге гөлләр сокланырлык
Көләчлектә аңа тиңнәр юк.
Кем куллары өйне, җирне ямьли,
Изгелеге үлчәү тапкысыз
Ул, әлбәттә, яшәү чыганагы,
Тормыш яме-әни, хатын-кыз!

Бүген безнең балалар бакчасында “8-нче март” бәйрәменә багышланган бәйрәм кичәләре башланып китте. Балалар әниләрне, әбиләрне, дәү әниләрне, апаларны, сеңелләрне ихластан бәйрәм белән котладылар, алар белән кызыклы уеннар уйнадылар, үз куллары белән эшләгән бүләкләрен кадерле кешеләренә тапшырдылар. Кадерле әниләр, әбиләр, апалар, сеңелләр! Көннең яктылыгы кояшта,күкнең матурлыгы йолдызларда,җир йөзенең гүзәллеге хатын-кызларда. Сезне шул җир йөзен бизәген халыкара хатын-кызлар көне белән тәбриклибез!