Сезне якынлашып килүче
Әниләр бәйрәме белән тәбрик итәбез.
Сез-безнең яклаучыбыз, саклаучыбыз,
барыр юлыбызны яктыртып торучы
мәңге сүрелмәс кояшыбыз.
Сез булган җирдә ризык бар,
җылы бар.
Бердәнбер иң кадерле, иң хөрмәтле,
иң якын кешеләребез - әниләр!
Бәйрәм шатлыгын уртак итәр өчен Сезне 25 ноябрь көнне
балалар бакчасында 11.00 сәгатьтә
көтеп калабыз.

“Тиенкәй” балалар бакчасы коллективы:
 

Суны төрле савытларга салып карау, су үтә күренмәле һәм савытның формасын ала. Суны икенче савытка агызып карап аның тавышын тыңлау.
Кешеләр үсемлекләр, хайваннар сусыз яши алалармы? Су булмаса ни була? (җаваплар тыңлау).
Әйе, су безгә яшәеш, сәламәтлек бирә, арыганны бетерә, суны сакларга кирәк. Чишмәләрне, елгаларны пычратырга ярамый , чөнки ул су безнең өйләргә килә.

 

Машиналарга юл.
Бүген зурлар төркеменең (Халикова С.Г.) рәсем белем бирү эшчәнлегенә, балалар янына кунакка бик күп төрле машиналар кунакка килделәр. Алар балаларга юлда ничек йорергә кирәклекне күрсәттеләр. Ахырдан балалар машиналарга ияреп, руль тотып үзләре дә зур, озын юлдан йөреп күрсәттеләр. Бу белем бирү эшчәнлеге балаларда кызыксынучанлык уятты, алар үзләренә бик күп мәгьлүмат алдылар.
 

Сюжетлы-рольле уен "Кунак чакыру"Безнең "Тиенкәй"балалар бакчасында әдәп-әхлак тәрбиясе даими алып барыла.Әгәр бала тәрбияне уен аша алса,ул-тәрбия ныклы була. Ә менә зурлар төркеме балалары яратып уйный торган уеннарының берсе,"Кунак чакыру".Бу уен барышында балалар кунакны каршы алырга,табын янында матур утыру кагыйдәләренә өйрәнәләр. (Тәрбияче:Салахова И.Г.)
 

Зурлар төркеме әйтелгән табышмакка җавап табып геометрик фигуралар төзеделәр.Ел фасылларын өйрәнүне дәвам итәләр,бияләйләрне парлап ничә балага җитәсен санап,серле рәсемнәр арасыннан эйтелгән санны эзләп таптылар һәм янәшә торган саннарны чагыштырырга өйрәнделәр.







 

Сөмбелә бәйрәме
Бүген безнең бакчада көз бәйрәме булып узды. Балаларны сөендереп, бәйрәмгә Сөмбелә үзе килеп, көз турында табышмаклар, төрле-төрле уеннар, конкурслар алып килде. Балалар Көз кызына өйрәнгән шигырьләрен сөйләп, җырларын җырлап, биюләрен биеп күрсәттеләр. Бәйрәм бик күңелле узды!

 

Көз аеның икенче ае гына булса да көннәр салкынаеп, градусниклар минус тамгасын күрсәтә, Ләкин бакчабызга салкыннан куркучы балалар йөрми! Тәрбиячеләр белән берлектә һәр төркемнең , саф һавада физкультура эшчәнлекләре үткәрелә. төрле уеннар уйнала, ирекле уеннанрга да вакыт кала. Балаларның йөзләре алсуланып, күңелләре шатланып керә .


 

Урман атналыгы
Бу атнада бакчабызда урман атналыгы үтте. Мәктәп бакчасына, агачлыкка экскурсиягә бардык.Балалар көзге табигатьнең матурлыгына сокландылар.Урманны сакларга кирәклеген тагын бер кат искә төшерделәр. 

Түгәрәк формадагы җисемнәр"
Бүген икенче кечкенәләр төркеме балалары рәсем шөгелендә түгәрәк формадагы җисемнәр күзаллап ясарга өйрәнделәр.Пумала белән пөхтә эшләүне ныгытып,балаларга үз эшләренә сөенү хисе уятырга булышлык иттем. (Асадуллина Д.Р.)
 

Кошман төп гомуми белем бирү мәктәбе үзенең 100 еллык юбилеен бәйрәм итте.
Белем учагын төрле елларда тәмамлаучылар, ветеран укытучылар, мәктәптә укытып киткән мөгаллимнәр, хезмәткәрләр! Сезнең барыгызны да Бәйрәм белән котлыйбыз!
Концерт вакытында зур куаныч һәм соклану хисләре булды. Ә иң дулкынландыргыч мизгелләр – ветераннарны котлау. Чәчәк бәйләмнәре, җылы сүзләр һәм җырлар – барысы да алар өчен.
Бәйрәм котлау-бүләкләр белән генә үрелеп бармады, әлбәттә. Мәктәптә канат чыгарган күренекле шәхесләребез – истәлекләре белән дә, инде бәйрәмгә килә алмаучы бик өлкән яшьтәге чыгарылыш укучылары белән әңгәмә видеоязмалары, район һәм мәктәп тарихын яктырткан , пионер-комсомол елларын күңелдә яңарткан укучылар чыгышлары, мәктәп укытучылары җыр-биюләре, белән кушылып, бөрбөтен тарих бәйрәме, бүгенге һәм киләчәк очрашуы булып күңелгә кереп калды ул.
Мәктәп булса, авыл яши, диләр. Мәктәбем, озын гомерле булып, авылыбызның киләчәк буыннарына да белем учагы булсаң иде.