Балаларда әйләнә- тирә мохиткә ,табигатькә сакчыл караш булдыру, экологик культуралылыгыгын күтәрү, күңелләрендә туган җиребезгә, Ватаныбызга мәхәббәт хисе тәрбияләү.

Туган як, туган җир,туган авыл-һәрбер кеше өчен иң кадерле сүзләр.

Безнең туган җиребез-гүзәл Кайбыч ягы. Яраткан районыбызның  бүген туган көне.Бәйрәм белән котлыйбыз! Барыгызга да ныклы сәламәтлек, хезмәттә зур уңышлар насыйп булсын.

Яшел үзән шәһәрендә узган “Без тарихта эзлебез”  республика бәйгесенең  зона этабында  безнең “ Тиенкәй” Балалар бакчасында тәрбияләнүче Ләбибә, Нәзиля  Багавиевалар Әти-әниләре белән катнашып  икенче урынны алдылар. Кызлар узләрен бик иркен тоттылар, алар  әби- бабаларының шәҗәрәләрен, гаилә архивында  җыелган риваятьләрен тәкъдим иттеләр һәм матур итеп татар халык җыры җырладылар.

Безнең бакчабызда бүген- космонавтика көне билгеләп үтелде. Безнең җир шары-зур түгәрәк формада. Анда елга-күлләргә, диңгез- океаннарга,тауларга, болыннарга, урман- кырларга бик күп урын җиткән. 1961 нче елның 12 нче апрелендә совет космонавты Юрий Гагарин “Восток-1” Космик  корабында “Байконур” космодромыннан старт алган һәм дөньяда беренче булып Җир шарын урап очкан.

Күчмә кошлар безгә яз алып килде.

Кошлар безнең табигатьнең состав өлеше булып тора. Кая гына барсак та, без һәрвакыт кошларны күрербез. Алар-безнең тугры ярдәмчеләребез, урманнарны, кырларны, бакчаларны саклаучылар. Кошлар-шатлык хәбәрләре. Безнең тәрбияләнүчеләр кечкенә канатлы дусларга нәрсә белән ярдәм итәргә мөмкин соң? Барысы да бердәм фикергә килде: кошларны сакларга һәм ашатырга кирәк.

Үскәндә яфрагын ашыйлар,

Үсеп җиткәч,тамырын ашыйлар.

Кечкенә төркем балалары тырышып суган утырттылар.

Нәүрүз әйттек без сезгә,

Хакын бирдегез безгә,

Яшегез җитсен йөзгә

Малыгыз артсын көзгә

“Тиенкәй” бакчабызда язны каршылау “Нәүрүз” бәйрәме узды.Балалар төрле уенннарда бик теләп катнаштылар. Бәйрәм җыр-биюгә , шигырьләргә төренеп барды.

 Районыбыз  “Халыкларның мәдәни мирасын саклау елы” на багышланган Кайбыч мунципаль районы балалар бакчаларында тәрбияләнүче 6-7 яшьлек балалар арасында “Татар малае  2022 ” ,”Татар кызы 2022” бәйгесе уздырды. Безнең “Тиенкәй” балалар бакчасы да читтә калмады. Әхмәтшин Илсаф  “Иң оста сүзле малай”, Баһавиева Ләбибә “Иң матур тавышлы кыз” исеменә лаек булдылар. Алар башта үзләре белән таныштырдылар, шигырьләр , җыр-биюләр башкардылар, такмаклар әйттеләр, Әти-әниләре,тәрбияче апалары белән бергә гореф-гадәтләр, йолаларыбызны да күрсәттеләр. Балалар бер дә югалып калмадылар, яхшы чыгыш ясадылар.

Бакчабызда “ Бүген әни бәйрәме” дип исемләнгән бәйрәм кичәсе  булып үтте. Кичә күңелле җырлар дәртле биюләр, матур сүзләр белән үрелеп барды.  Бәйрәм һәркемнең күңеленә хуш килде.

Хөрмәтле әниләр, дәү әниләр, әбиләр, апалар,кызлар балалар бакчасы коллективы!  8 – март – халыкара хатын –кызлар бәйрәме  белән котлыйбыз!!!Барыгызны да бәйрәм белән тәбрик итәбез. Сәламәтлек,озын гомер, куанычлы көннәр, изге ниятләр, гамәлләр, бәхетле тормыш телибез!