Үскәндә яфрагын ашыйлар,

Үсеп җиткәч,тамырын ашыйлар.

Кечкенә төркем балалары тырышып суган утырттылар.

Нәүрүз әйттек без сезгә,

Хакын бирдегез безгә,

Яшегез җитсен йөзгә

Малыгыз артсын көзгә

“Тиенкәй” бакчабызда язны каршылау “Нәүрүз” бәйрәме узды.Балалар төрле уенннарда бик теләп катнаштылар. Бәйрәм җыр-биюгә , шигырьләргә төренеп барды.

 Районыбыз  “Халыкларның мәдәни мирасын саклау елы” на багышланган Кайбыч мунципаль районы балалар бакчаларында тәрбияләнүче 6-7 яшьлек балалар арасында “Татар малае  2022 ” ,”Татар кызы 2022” бәйгесе уздырды. Безнең “Тиенкәй” балалар бакчасы да читтә калмады. Әхмәтшин Илсаф  “Иң оста сүзле малай”, Баһавиева Ләбибә “Иң матур тавышлы кыз” исеменә лаек булдылар. Алар башта үзләре белән таныштырдылар, шигырьләр , җыр-биюләр башкардылар, такмаклар әйттеләр, Әти-әниләре,тәрбияче апалары белән бергә гореф-гадәтләр, йолаларыбызны да күрсәттеләр. Балалар бер дә югалып калмадылар, яхшы чыгыш ясадылар.

Бакчабызда “ Бүген әни бәйрәме” дип исемләнгән бәйрәм кичәсе  булып үтте. Кичә күңелле җырлар дәртле биюләр, матур сүзләр белән үрелеп барды.  Бәйрәм һәркемнең күңеленә хуш килде.

Хөрмәтле әниләр, дәү әниләр, әбиләр, апалар,кызлар балалар бакчасы коллективы!  8 – март – халыкара хатын –кызлар бәйрәме  белән котлыйбыз!!!Барыгызны да бәйрәм белән тәбрик итәбез. Сәламәтлек,озын гомер, куанычлы көннәр, изге ниятләр, гамәлләр, бәхетле тормыш телибез!

Кадерле әтиләрне, дәү әтиләрне һәм дә малайларны бәйрәм белән котлыйбыз! Безнең кисеп ябыштыру эшчәнлегендә ясалган кечкенә  бүләгебез сезгә бәйрәм котлавы булсын.

 Кадерле әтиләребезне, ир-егетләребезне Ватанны саклаучылар көне белән котлыйбыз. Исән- сау булыгыз, гаиләләрегездә иминлек, җан тынычлыгы, илләребез тыныч, күкләребез аяз булсын!

И туган тел, и матур тел, әткәм-әнкәмнең теле!
Дөньяда күп нәрсә белдем син туган тел аркылы.

Барлык илләрдә дә   21 февраль - туган тел көне буларак билгеләп үтелә.

Ана телебезгә булган мөнәсәбәтебезне, олы ихтирам хисебезне җыр - биюләр, шигырьләр аша белдерәбез. Туган телне ничек яратуыбызны да дәлиллибез. Халыкара туган тел көне уңаеннан, безнең “Тиенкәй” балалар бакчасында

“ Әбиемнең күнел сандыгы” дигән әңгәмә узды.

Гражданлык һәм патриотик айлык кысаларында,мәктәпкә хәзерлек төркемендә "Муса Җәлил- герой шәхес" - дип исемләнгән әңгәмә узды.

Кадерлебез Суфия апа! Бәйрәмең белән ихлас котлап, сиңа нык сәламәтлек, гаилә шатлыгы, күңел тынычлыгы, бәхет-куанычлар белән тулы озын гомер, тигезлек телибез. Әрнү-сагыш белмә, һәрвакыт шулай мөлаем, олы йөрәкле, ярдәмчел бул. Изге дөньяның барлык рәхәтләрен күреп, балаларыңның, оныкларыңның ихтирамын, күңел җылысын тоеп бергә-бергә күңелле итеп яшәргә Ходай насыйп итсен.