Олы бәйрәм бүген бездә,

Зурлар инде күбебез.

Бакча белән хушлашабыз,

Бүген соңгы көнебез.

Бакча белән саубуллашу көне.

Ул гаҗәеп моңсу, сагышлы.

Шундый көн бу – олы бәйрәм үзе.

Үзгәртә дә куя язмышны.

15 май- Халыкара гаилэ коне. 
ГАИЛЭ-ул доньяда яшэуче парларга бердэнбер, кабатланмый торган ышаныч, терэк урыны. Кош канаты- пар белэн, ир канаты- яр белэн. 
Гаилэ- ул җан тынычлыгы таба торган урын. 
Гаилэ- ул бик нык яраткан эшенне эшлэп арыганнан сон, йорәгенә тынычлык, шифа бирэ торган бик изге бер урын. 
Гаилэ- ул менэ шушы донья мэшэкатьлэреннән, борчуларыннан, донья тигезсезлеге, гаделсезлек, хэсрэтлэнүлэрдэн ял итэ торган урын. 
Гаилэ... 5 хэрефтэн генэ торган шушы суздэ нинди тирэн мэгънэ ята. Гаилэ ул- эти,эни, балалар, баш остендэ бер тубэ, бер ук фамилиялэр, озын, буыннан- буынга озелмичэ дэвам итуче тирэн тамырлы нэсел жебе. 
Барыгызны да гаилэ коне белэн кайнар котлыйбыз, гаилэлэрегезгэ иминлек, татулык, ныклы сэламэтлек 
телибез, балалар куанычын, игелеген куреп яшэргэ язсын! Бэйрэм белэн! 

Бабайларның, әтиләрнең

Дан юлыннан атлыйбыз.

Өлкән буын батырлыгын

Йөрәкләрдә саклыйбыз.

Балалар бакчасы һәм мәктәп коллективы хезмәткәрләре белән бергәләшеп түтәлләр ясадык, кишер, чөгендер, суган утырттык.

Бүген бездә"ачык ишекләр" көне. Әти-әниләрне , башлангыч сыйныф укытучысы Бикбов И.М. балалар бакчасына чакырдык. Алар 1 сыйныфка укырга китүче балаларның шөгыльләрендә катнаштылар. Тәрбияче Бикбова З.Ф. "1 сыйныф укучысы нинди булырга тиеш" темасына чыгыш ясады. Соңыннан балалар бакчасы мөдире Гибадеева Г.Р. әти-әниләр һәм балалар белән терроризм буенча куркынычсызлык кагыйдәләре белән таныштырды, инструктаж үткәрде.

Соңгы елларда тормышыбызда, яшәешебездә бара торган үзгәрешләрнең берсе — туган халкыбызның милли мәдәниятенә, рухи дѳньясына игътибар итү. Шуны искэ алып, без дә балалар бакчасында халкыбызның матур сәнгате — театр белән балаларны таныштыруны, шул матурлыкны тудырырга омтылыш уятуны тѳп бурычыбыз итеп куябыз.

Театр нәниләрне сихри дѳньяга алып керә, аларның сәләтен ачарга ярдәм итә, иҗади фикерләү сәләтен , сѳйләм телен үстерә, актерлык осталыгына ѳйрәтә, эстетик һэм әхлакый тәрбия бирә. Театраль педагогика ысулларын куллану балаларның хәтерен, игътибарын, күзаллау сәләтен, сѳйләм чисталыгын, үзләренең тавышлары белән идарә итү мѳмкинлекләрен , шулай ук коллективта үз үзләрен тоту  күнекмәләрен үстерергә ярдәм итә.

Космоста булып төштеләр

Маймыл, эт һәм кешеләр.

Җирне кайчан урап чыгар

Икән безнең ишеләр.

Маймыл яки этне генә

Мин алыштырыр идем.

Космоска менү эләксә,

Юл ялгыштырыр идем.

2 апрель – Балалар китабы көне. Әлеге көннең нәкъ шул датада билгеләнүе дә очраклы түгел. Ул балалар яратып укый торган эчтәлекле дә, кызыклы да булган бик күп китаплар авторы, әкиятче Г.Х.Андерсен белән бәйле.

Бүген безнең балалар бакчасы тәрбиячесе Гибадеева Г."Иң матур милли почмак" конкурсында катнашып, район балалар бакчасы арасында 3 урын алды һәм Мәгариф бүлеге җитәкчесенең грамотасы белән бүләкләнде. Сезгә һәм хезмәттәшләрегезгә алдагы эшләрендә уңышлар телибез!

Без яшәгән заман- тирән үзгәрешләр һәм үзгәртеп корулар чорына туры килә. Заманнан артка калмас өчен мәктәпләрдә һәм балалар бакчасында белем һәм тәрбия бирү эшен федераль дәүләт таләпләренә туры килерлек итеп, балаларны белемле, акыллы, сәләтле итеп тәрбияләүгә зур игътибар сорала. Бүгенге көндә балаларда туган телебезгә, милләткә һәм аның гореф-гадәтләренә, йолаларына мәхәббәт тәрбияләү- иң мөһим бурычларның берсе. Бала үзен чын кеше итеп тойсын өчен , аңарда туган телгә мәхәббәт, татар халкының тарихы һәм сәнгатенә кызыксынучанлык, милли горурлык хисе тәрбияләргә, халкыбызның борынгы гореф-гадәтләрен, йолаларын, бәйрәмнәре турында өйрәтергә кирәк.

Иң беренче булып төркемебездә милли үзәк булдырдык. Бу үзәк "Халкым хәзинәсе" дип атала. Анда  балаларга Татарстан турында  мәгълүмат бирү өчен төрле тематик һәм информацион материаллар тупладык: Татарстан символикасы, ил башлыкларының фотографияләре, Татарстан республикасының башкаласы Казан һәм Татарстандагы   башка шәһәрләр, чиктәш республикалар  турында күргәзмә материал, язучылары, композиторлары турында мәгълүмат, татар халык милли бизәкләре , татар халык әкиятләре һәм аларга иллюстрцияләр, борынгы татар киемнәре үрнәкләре: түбәтәй, калфак, алъяпкыч, камзул, читек, чүәк; милли бизәк рәсемнәре төшерелгән савыт-саба, төрле төстәге җепләр кулланып чигелгән урын-җир кирәк-яраклары һ.б.