Консультационный Центр "ПроСВЕТи" (читать новость)

Җәй-төгәлләнгән уку елы һәм алдагысы арасындагы үзенә күрә бер күперчек ул. 
Әлбәттә, "Яңгыравыклы җәй"нең әзер рецепты юк, шулай да безнең бакча хезмәткәрләре яхшы кәеф һәм үзара аңлашуның шатлыклы җәйнең нигезе икәненә инанып эш итәләр.Яшелчәләргә су сибү, чүп утау кебек көндәлек эшләргә балаларга сюрпризлы минутлар оештыру, әкренләп бүлмәләрдә ремонт эшләрен башлау, урын- җирләрне киптерү кебек эшләр өстәлә.

Җәйнең беренче көне – балачак иленең иң матур бәйрәме. Шуңа да балалар бу көнне зур түземсезлек белән көтеп ала. Әлеге бәйрәм безгә, өлкәннәргә, һәр баланың яклауга, кайгыртуга мохтаҗ икәнен искәртеп, җаваплыгыбызны барлап тора. Чөнки үсеп килүче буын – ул безнең киләчәгебез, илебезнең киләчәге. Без алар хакына яшибез. Балаларыбызны мәрхәмәтле һәм кешелекле булырга өйрәтү – изге бурычыбыз.

Ра­йо­ны­быз тор­гы­зы­лу­га бү­ген 28 ел тул­ды. Нәкъ бү­ген­ге­се көн­не- 1991 нче ел­ның 19 ап­ре­лен­дә Юга­ры Со­ве­ты Пре­зи­диу­мы­ның Кайбыч ра­йо­нын оеш­ты­ру ту­рын­да­гы Ука­зы дөнья күр­де.
Шул уңайдан бакчабызда бик күңелле һәм файдалы чара үтте. Бергәләшеп район тарихына багышланган презентация карадык, күренекле якташларыбызны искә алдык, Кайбычыбызның гимнын бергәләп җырладык.
Ра­йо­ны­быз­ның юби­лее кө­нен­дә барыбызга да имин­лек һәм ты­ныч­лык, сә­ла­мәт­лек һәм уңыш, ир­тә­гә­се көн­гә ыша­ныч, эш­ебездә уңыш­лар, шәх­си тор­мы­шы­быз­да бә­хет те­либез. Бәй­рәм бе­лән сез­не, ка­дер­ле дус­лар!

Экология дөньякүләм әһәмятле, мөһим мәсьәләләрнең берсе булып тора. Бүгенге көндә табигатьне саклау, балаларга экологик тәрбия бирү иң зур проблемаларның берсе. Чөнки сулаган һавабыз, эчәр суыбыз пычрак, үстергән җиләк-җимешләребез төрле авырулар китереп чыгара башлады. Менә шуның өчен бөтен көчебезне табигатьне саклауга, экологик хәлне яхшыртуга юнәлдерергә тиешбез. Экология проблемасының үзебез яши торган җирдә тирәлектә дә чагылуы без- тәрбиячеләрдә борчылу тудыра һәм төрле педагогик эшчәнлеккә этәрә.

Бүген Космонавтика көне уңаеннан "Космонавт булыр идем" дип аталган чара оештырылды. Максат: галәм турында балаларның белемнәрен киңәйтү һәм тирәнәйтү, шатлык хисләре, яхшы кәеф булдыру. Бурычлар: балаларга галәм турында күзаллау бирү, галәмгә кызыксыну уяту, балаларның сүз байлыгын активлаштыру, иҗади фикерләү мөмкинлекләрен, активлыкларын үстерү. 

1 апрельдән Татарстанда "ЭКО яз-2019" санитар-экологик икеайлыгы старт алды..Бүген без дә, балалар бакчасы һәм мәктәп коллективы, укучылар, санитар чисталыкны тәэмин итү максатыннан, өмә оештырдык. Тирә-юньдәге чүп- чарларны җыештырдык, карлар тараттык.

Уважаемые родители! Обращаем Ваше внимание на необходимость подтверждения льготы до начала комплектования детских садов в случае окончания срока ее действия. Если Ваша заявка находится в статусе "Подтверждение льгот", необходимо подтвердить льготу в районном отделе образования по месту жительства до 01.05.2019 г.

Яз җитүгә, һава торышы үзгәрү белән бәйле булган бәхетсезлек очраклары аеруча арта. Сулыклар янында куркынычсызлык кагыйдәләрен үтәмәү кеше тормышында зур бәхетсезлекләр китереп чыгарырга мөмкин .Балалар белән бәхетсезлек очраклары булдырмау йөзеннән  балалар бакчасында “Язгы чорда куркынычсызлык кагыйдәләре” дигән темага әңгәмә үткәрелде.  Тәрбияче балаларга су буйларына төшмәскә, бозның бик калын булуына ышанып, боз өстенә кермәскә кирәклеге турында сөйләде.

Яз көне бозның ныклыгы кими, ул кояш җылысында йомшара-шуңа күрә боз өстенә керү тыела.  Язгы чорда елга буйларында үзләре генә йөрмәскә, әти-әниләренең рөхсәтеннән башка өйдән чыгып китмәскә кирәклеге төшендерелде.

Сөйләм кимчелеге булган балалар белән белгечләр-логопедлар шөгыльләнергә тиеш. Кызганыч, логопедик ярдәм таләп ителгән балалар саны елдан-ел арта бара. Белгечләр, баланың сөйләм зонасы 9 яшенә ябылуы турында кисәтә, шунлыктан кадерле вакытны кулдан ычкындырмыйча, барлык мөмкинлекне ата-аналарның үзләренә эзләргә кала.

Бүген балалар белән логопед Алефтина Александровна шөгыльләнде.Ул баланың сөйләмен төзәтү өчен өй шартларында шөгыльләр оештырырга ярдәм итүче киңәшләр бирде.

Хөрмәтле ата-аналар!

"Дөрес түгел" дигән сүзне онытыгыз. Теләсә нинди кечкенә генә уңышы өчен баланы мактагыз, үсендерегез. Нәтиҗә сез көткәнчә булмаса, күңелегезне төшермәгез, шөгыльләнүне дәвам итегез. Бүгенге эшне иртәгәгә калдырмагыз. Сабыр төбе - сары алтын, нәтиҗә барыбер булачак. Ул сез көткәннән дә яхшырак булачак, бары тик балага һәм үзегезгә ышанырга гына кирәк.