муниципальное бюджетное общеобразовательное учреждение «Нижне-Наратбашская основная общеобразовательная школа Буинского муниципального района Республики Татарстан»
Решаем вместе
Есть предложения по организации учебного процесса или знаете, как сделать школу лучше?
Визитная карточка
| Адрес: | 422410, РТ, Буинский район, с.Нижний Наратбаш, ул.Советская, 1А |
| Телефон: | +7(843)-744-22-54 |
| E-Mail: | sch669@list.ru,Snn.Bui@tatar.ru |
| Министерство: | Министерство образования и науки Республики Татарстан |
| Короткое название: | МБОУ "Нижне-Наратбашская ООШ Буинского муниципального района РТ" |
| Руководитель: | Гарипов Раиф Рашатович |
| Год основания учреждения: | 1975 |
| У нас учатся: | 40 |
| У нас учат: | 18 |
муниципальное бюджетное общеобразовательное учреждение «Нижне-Наратбашская основная общеобразовательная школа Буинского муниципального района Республики Татарстан» - новости
Страницы: << 251 252 253 254 255 256 257 258 ( 259 ) 260 >>
-
Башкалабыз Казанның “Уникс” комплексында республика мәктәпләренең тәрбия эшләре буенча директор урынбасарлары катнашында семинар – киңәшмә булып узды.Семинарның төп темасы “Татарстан Республикасында 2015-2025 елллар өчен кабул ителгән тәрбия эшчәнлегенең үсеш стратегиясе. Балалар һәм яшүсмерләрне гражданин булып тәрбияләүдә заман программалары” итеп алынган. Аның барышында ТР Президенты ярдәмчесе Фазлыева Л.Р, Мәгариф һәм Фән министры Фаттахов Э.Н, Министрның урынбасары Сулима Л.О, педагогик фәннәр кандидаты Дергунов В.А. чыгышлары булды. Барлык республика мәктәпләренең Варислар балалар оешмалары өчен “ФГОС шартларында сыйныф сәгатьләре уздыруда интерактив программалар куллану мөмкинлеге” дип аталган яңа методик кулланма тәкъдим ителде.(“СЕКРЕТЫ ДРУЖНОГО КЛАССА”, “КЛАССНОЕ СОДРУЖЕСТВО”). Бу республикакүләм чараның кабул ителгән карарлары белән танышу якын көннәрдә сыйныф җитәкчеләренең МБ һәм тәрбия буенча урынбасар каршындагы утырышларда каралачак. Бала чакта алган тәрбия чын дәрәҗәдә уңышлы булсын өчен балалар оешмалары эшчәнлеген тагын да активлаштыру – безнең төп һәм уртак бурыч! 28.09.2015
-
Сентябрь ае дәвамында уку йорты “Экстремизмга- Юк!” дигән айлык эш планы нигезендә эшләде. Айлыкның ахырында эшләнгән эшләргә йомгак ясалды, нәтиҗәләр тупланды. Аеруча күп фотоотчётны тарих һәм җәмгыять фәннәре укытучылары Галиуллина З.Ф, Исланова Г.Г. әзерләп тапшырды. Шушы көннәрдә барлык йомгаклар ясалып, берләштерелеп, район мәгариф бүлегенә тапшырылачак. 28.09.2015
-
25, 26 нчы сентябрь көннәрендә мәктәптә Россия тимер юлларында (РЖД) соңгы вакытта укучы балалар тарафыннан кылган тәртип бозуларны кисәтүгә багышланган махсус сыйныф сәгатьләре булып узды. Бөтен кисәтүләргә карамыйча кайбер мәктәп укучылары тимер юл транспортында куркыныч уеннар оештыралар, аларның нәтиҗәләре булып үлем тора. Бу күңелсез һәм куркыныч тәртипсезлекләрне кисәтү йөзеннән сыйныф җитәкчеләре әңгәмәләр, сәхнәләштерелгән тамашалар, сорауларга җаваплар эзләү кебек эш төрләрен оештырдылар. 3,4 сыйныфларда бу профилактик тәрбия чарасы тимер юл транспорты макетлары кулланып оештырылган тамаша төрендә уздырылды. 27.09.2015
-
26 - нчы сентябрь көнне мәктәпнең иң яхшы йөгерүче укучылары районда уздырылган “Татарстан кроссы” дип аталган спорт бәйгесендә катнаштылар. Бу юлы мәктәп данын 7 сыйныфтан Ахатова Энҗе, Вәлиев Әлфис, Вәлиев Инсаф, 8 сыйныфтан Шәрәфетдинова Зөлфияләр яклады. Укучылар бу ярышны булачак көзге ориентлашу буенча бәйгеләргә әзерлек итеп кабул итте, бик тырышып катнаштылар. Алар – Молодцы! 26.09.2015
-
Яңа уку елының спорт ярышлары календаре нигезендә районда укучылар Спартакиадасына старт бирелде. Көзге кросс буенча бу ярышларда безнең мәктәп данын Галиуллина Гөлназ, Гадиев Булат, Вәлиев Инсаф, Шәрәфетдинова Розана, Шакурова Айгөл, Асадуллин Алмаз, Вәлиуллина Альбина, Җамалетдинов Илшатлар яклады. Команда ярышларда бик тырышып катнашты, хәзер инде өмет белән нәтиҗәләр көтәбез. 22.09.2015
-
Мәктәпең җыелма спорт командасы әгъзасы , 9 сыйныф укучысы Җамалетдинов Илшат Апас районында уздырылган футбол буенча ярышларда район данын яклады.Нәтиҗәле һәм оста уенчы буларак ул уен ахырында “Иң нәтиҗәле футболист” номинациясендә 2 урынга лаек булды.Яшь чемпионыбызга алда да уңышлар телибез! 22.09.2015
-
Мәктәптә гөрләп Балаларны яклау көне узды. Айлык кысасында бу көнгә әзерлек күптән алып барылды. План нигезендә бу көн җәяүле поход белән башланып китте. Юлда ориентлашу буенча биремнәр үтәлеп барылды. Барып җиткәч , тамак ялгап ял иткәч , мәктәп тантаналы Варислар туган көненә багышланган җыенга тезелде. Җыен барышында 3-9 сыйныфлар рапорт тапшырды; 2 сыйныфларны – эзтабарга, 5 сыйныфны – варисларга кабул итү оештырылды. Җыен балалар оешмасы тарихы белән якыннан танышу, туристлар күнекмәләре (речёвкалар) булдыру белән дәвам итте. ГО штабы җитәкчесе һәрбер сыйныф өчен аеруча мавыктыргыч һәм кызыклы сорау- биремнәр уздырды; укучылар тормыш иминлеге нигезләре буенча имтихан тапшырдылар. Төшке аш вакытында бары тик походка яраклы азык – төлек исемлеге барланды. Чираттагы ялдан соң 1-4, 5-9 сыйныфлар өчен хәрби-кыр спорт ярышлары уздырылды. Һәр сыйныф һәм баланың үзенчәлекләрен исәпкә алып, бу уеннар чыннан да оста оештырылган иде. Ярыш рухы бик көчле булды! Планның соңгы тукталышы буенча аптечкалар буенча викторина сорауларына җаваплар алынды; походка кирәкле әйберләр исемлегенә аптечкаларда булырга тиешле дарулар исемлеге өстәлде. Йомгаклау өлеше сыйныфларда уеннар белән аралаштырылып, бердәм линейка рәвешендә узды. Поход аеруча беренче сыйныф укучыларына ошады: мондый тәрбия чараларының мәктәптә бик күп икәнен алар белеп шатланды. Чара куелган бурычларны югары сыйфатта үтәде дип ышанасы килә! 18.09.2015
-
Балаларны яклау көнендә оештырылган тормыш иминлеге нигезләре буенча имтихан тапшыру мизгелләре! 18.09.2015
-
Иң күп "авыручы" спорт ярышлары вакытында башлангыч сыйныфларда булды! 18.09.2015
-
Абый-апалардан калышмаска!!!!!!!!!!!!!!! 18.09.2015
