Логопед эшчәнлегендә балаларның сөйләме кул чукларының вак моторикасы үстерелү белән беррәттән эмоциональ, психологик, интеллектуаль  халәте дә яхшыртыла, камилләштерелә.

                    Тәрбияче!

Кирәк чакта җитез дә син, тапкыр да син,
Кирәк чакта сабыр да син, батыр да син.
Бик җаваплы, авыр синең хезмәтең дә,
Тиешенчә күрсәң иде хөрмәтен дә.

Янгын куркынычсызлыгы декадасын йомгаклап, район Янгын сүндерү бүлегенә зурлар һәм мәктәпкә хәзерлек төркемнәре белән экскурциягә бардык.

Бакчабызда тормыш иминлеген , янгын куркынычсызлыгы кагыйдәләрен  саклау буенча чаралар башланып китте. Атналыкны логопед -укытучыларыбыз Халиуллина А.К., Сафиуллина А.А. "Уттан саклан"  ачык эшчәнлек белән башлап җибәрделәр. Чара күтәренке рухта үтте. Балаларга медаль һәм истәлекле бүләкләр тапшырылды.

Бүген бакчабызда "Сәламәт тәндә-сәламәт рух" девизы астында сәламәтлек көне үтте. Бакчабыз кунагы булып, районыбызның атаклы чаңгычысы, спорт мастеры кандидаты Галимзянов Ленур Газимҗан улы булды.Кунагыбыз балаларны спорт серләренә төшендереп, күңелле зарядка ясатты, балаларны кызыксындырган сорауларга җавап бирде.

1 сентябрь- Белем көне! Мәктәп, бакча бусагаларын атлап, яңа уку елына керү барыбыз өчен дә зур шатлык булып калсын. Алган белемнәрнең, аларны өләшкән педагогларның, белем алу өчен мөмкинлекләр  тудырылган биналарыбызның кадерен белеп  яшик. Яңа уку елында барчабызга да сәламәтлек, зур уңышлар, балаларыбызга күңелле балачак, һәк көн хәтеребездә иң яхшы  истәлек булып гомерлеккә калсын. Яңа уку елы белән!

Әйдә, уйнап калыйк әле,

Җәйнең  соңгы ае бит.

Кояш нурында кызынып ,

Җәйне истә калдырыйк!

Бакчабызда балалар һәр көнне чәчәкләрнең ничек үсеп, чәчәк атуын күзәтәләр, төпләрен йомшарталар, су сибәләр.Шау чәчәктә утырган үсемлекләрнең матурлыгын  күреп сокланалар. Әгәр даими тәрбияләмәсәң, аларның шулай үсмәячәген, чәчәкләрнең дә тере табигать икәнен, аларның үсешенә кояш нурлары, су сибеп тору, төпләрен йомшарту кирәк икәнен үз күзләре белән күреп торалар. Чәчәкләрнең төренә, нинди табигать шартларына яраклашып үсүенә  карап, тәрбияләү ысуллары да төрле икәнен үзләштерәләр.

Пәрәмәчләр пешердем

Бик тәмле итеп.

Сез дә кунакка килегез,

Китерсез авыз итеп.

Үзебез үстергән чәчәкләргә карап күңелләр шатлана!