Уртанчылар төркемендә әтиләргә багышланган бәйрәм саф һавада үтте. Ир-егетләребез чаңгыда шуу, чанада узышу, капкага туп кертү, кәрҗингә туп җыю кебек спорт уеннарында үзләренең көчләрен сынаштылар. Бәйрәм барышында әти-әниләр, килгән кунаклар  кайнар коймак һәм чәй белән сыйландылар. 

I категорияле тәрбияче Габдулхакова Лилия Рәисовна нәниләр төркемендә әйләнә-тирәдә ориентлашу һәм сөйләм телен үстерү буенча  ачык шөгыль күрсәтте.

Мәктәпкә хәзерлек төркемендә Муса Җәлилне искә алу кичәсе булып узды. Кичә бик кунелле узды.

 Зурлар һәм мәктәпкә хәзерлек логопед төркемнәре балалары белән "Йорт һәм кыргый хаваннар " проектын йомгаклау.

Хөрмәтле хезмәттәшебез Гарипова Наилә Нәҗип кызының бүген туган көне - 55 яшьлек юбилее Күп еллар эшләү дәверендә яшь буынның күңелендә җырга – моңга мәхәббәт тәрбияләгән, моң сәнгатенә юл табарга тырышкан музыка җитәкчебезнең дә ап – ак кар шикелле күңелләре ак һәм саф бүген. Хөрмәтлебез, Сезгә алдагы тормышыгызда зур уңышлар, нык сәламәтлек, балалар игелеге телибез. Алдагы көннәрегез дә сәнгатьле ноталар кебек матур булып яңгырасын.

55 яшь әллә ни  күп түгел,

Тырышыгыз 100 гә җитәргә.

Язсын иде йөзгә җитеп,

Шатлык белән гомер итәргә.

i категорияле тәрбияче Рафикова Рәмзидә Габдулхаевеа II кечкенәләр төркемендә "Ачык ишекләр" көнендә әти-әниләргә "Алсуда өй туе" темасына конструкцияләү эшчәнлеге күрсәтте.

"Сәрдек башлангыч мәктәп-балалар бакчасы"комплексында 29 гыйнвар көнне тәрбиячеләр өчен семинар булды."ФДТ рамкасында тәрбия-белем бирү процессының үзенчәлекләре"темасы астында узган семинарда тәрбиячебез Габделхакова Лилия Рәис кызы да катнашты.

I категорияле тәрбияче Хадиева Чулпан Мансуровна уртанчылар  төркемендә  әти-әниләр игътибарына сөйләм телен үстерү эшчәнлеген тәкъдим итте.

Iкатегорияле тәрбияче Валиулина Фәридә Нурзадовна ачык ишекләр көнендә нәфасәти сәнгать белем бирү өлкәсе буенча конструкцияләү эшчәнлеген күрсәтте.