Уңыш мул: бик яхшы үскән

Кишере, чөгендере.

6-9 нчы сыйныф укучылары мәктәп бакчасында үскән уңышны җыялар.

Чиста булсын, пөхтә булсын,

Безнең мәктәп!

Безгә булыша елмаеп

Кояш хәтта.

Бүген, 24 нче сентябрь көнне мәктәпкүләм йөгереш - "Милләтләр кроссы - 2016" үткәрелде.

Арбор урта мәктәбенең "Мирас" балалар оешмасы Татарстан Варислар Берлегенең туган көнен билгеләп үтте. Укучыларга пионер оешмасына һәм ТВБенә багышланган презентацияләр күрсәтелде. Варисларның законнары, эзтабар кагыйдәләре, эш юнәлешләре искә төшерелде. Әлеге җыенда "Мирас" балалар оешмасының 2016-2017 уку елына эш планы кабул ителде.

17 нче сентябрь көнне ООО "Арбор" призына үткәрелгән көрәш бәйгесе быелгы сезонны ачып җибәрде. Бәйгегә 100 дән артык көрәшче килде. Мәктәбебезнең 8 нче сыйныф укучысы Аскаров Нияз  - беренче, 7 нче сыйныфтан Галләмов Алмаз һәм Зиннәтуллин Рәйхан - икенче, өченче призлы урыннарны яуладылар. Афәрин, егетләр! Сезгә алга таба да уңышлар телибез.

Бүген мәктәп спорт залында ООО "Арбор" призына көрәш бәйгесе үтә. Ярышка көрәшчеләр бик күп - 14 мәктәптән килгәннәр.

"Игелек кыл!" акиясе кысаларында сыйныфлар үзләренә беркетелгән әбиләрнең өйләрендә булдылар, эшләрендә булыштылар. 

Уку елы башлану уңаеннан башкарыласы эшләрне планлаштыру өчен әти-әниләр җыелышы уздырылды. Әти-әниләрне узган уку елы гомуммәктәп нәтиҗәләре белән Хасанов Х.М., Мифтахова Р.Б., Кәбирова Р.М. таныштырдылар. Быелгы уку елына бурыч-максатлар турында тәрбия эшләре буенча директор урынбасары Аухадиев И.Ф. чыгыш ясады. Соңыннан сөйләшү сыйныфларда дәвам итте. 

ГТО нормаларын тапшыруның көзге сессиясе башланды. Бүген 2 нче сыйныфлар 3*10 м га йөгерделәр.

Полиция хезмәткәрләре 9 нчы сыйныф укучылары белән кич йөрү, үз-үзеңне тоту кагыйдәләре турында сөйләшү үткәрделәр.