3 нче чирек нәтиҗәләрен, имтиханнарга әзерлек дәрәҗәсен анализлау һәм агымдагы сорауларны хәл итү буенча укытучыларның чираттагы киңәшмәсе үткәрелде.

9 нчы сыйныф укучысы Гарипова Гөлсөя физика буенча үткәрелгән Курчатов олимпиадасының икенче турында  катнашты.

Бүгеннән мәктәпләрдә язгы каникуллар башлана. Укучыларга китаплар укырга, файдалы итеп ял итәргә тәкъдим итәбез, яңа көчләр туплап , "Укырга!" дигән теләкләр белән килүләрен көтәбез.

7 нче сыйныфта әти-әниләр катнашында математикадан ачык дәрес үткәрелде.

Бөрбаш авылында Фидәил Шакиров истәлегенә үткәрелгән көрәш бәйгесендә җиңүчеләребез: Галләмов Алмаз  һәм Аскаров Нияз.

1 нче сыйныфлар әти-әниләр катнашында "Әлифба" бәйрәмен уздырдылар. 

Бүген бездә зур тантана

Моңсу да ул, ямьле дә,

Әлифбабыз китә бездән,

Бу көн калыр хәтердә.

5-9 сыйныф егетләре кызлар өчен кичә оештырдылар һәм кызларны интеллектуаль яктан да, булганлык ягыннан да сынап карадылар.

5-7 сыйныф укучылары, әниләрне бәйрәм белән котлап, концерт куйдылар. Җыр-биюләр, матур шигырьләрне әниләр алкышлап карадылар. 7 нче сыйныфлар бәйрәм бүләге итеп  Г.Камалның "Беренче театр" әсәрен  уйнап күрсәттеләр.

5-9 сыйныф кызлары өчен "Замана кызлары" бәйгесе уздырылды. Кызлар спорт ярышларында да, интеллектуаль яктан да көч сынаштылар.