4 нче май көнне мәктәптә ярминкә гөрләде: укучылар әти-әниләргә киң ассортиментта пешкән ризыклар, үсентеләр, көнкүреш кирәк-яраклары тәкъдим иттеләр.

28 нче апрель көнне авыл мәдәният йортында мәктәп коллективының иҗат-отчет концерты булып узды. Бу чарада укучыларның барысы да актив катнашты. Ел буе ирешелгән уңышларга нәтиҗә ясалды, уку һәм спорт номинацияләре буенча "Ел укучысы" билгеләнде. Бу исемнәргә быел 5 нче сыйныф укучысы Шәйхиева Язгөл, 8 нче сыйныф укучылары Гарипова Гөлсөя, Гыйльметдинов Алмаз, 7 нче сыйныф укучысы Гаязединова Рәмзия  лаек булдылар.

Күктә – кояш, җирдә – кояш,

Йөздә – кояш, күздә – кояш,

Көндәгечә  балкый  кояш,

Әмма  бүген  үзгә  кояш.

Чынлап  та, бүген  бөтенләй  үзгә  көн. Чөнки  зур  бәйрәм - Тукай  туган  көне. Шагыйрьне   без  дә  мәктәптә  зурлап  “Шигырь  бәйрәме”  үткәреп искә  алдык. 

Туган тел айлыгы кысаларында 5-8 нче сыйныфлар өчен"Тукайны беләбезме" интеллектуаль уены үткәрелде. Уенның җиңүчесе - 7 нче сыйныф укучысы Гаязетдинова Рәмзия.

Район мәктәпләре буенча уздырылган спорт ярышларында (җиңел атлетика, сикерү) укучыларыбыз призлы урыннар яуладылар. Тренерлары: Галимов И.М.

Тукай исемендәге җәмгыять призына 1998 елда һәм аннан да соңрак туган яшүсмерләр арасында узган татарча көрәш ярышларында Зиннәтуллин Рәйхан, Галләмов Алмаз, Гыйльметдинов Алмаз  2 нче, Аухадиев Илдан 1 нче урынны  яулады. Тренерлары: Гобәйдуллин Д.Д.

“Тукай  дәресләре”  һәр  сыйныфта  гөрләп  үтте. Укучылар  бөек  шагыйребезнең  тормыш  һәм  иҗат    юлын  хәтерләрендә  яңарттылар, үзләре  төзегән  презентацияләрне  карадылар,  кул  эшләре  күргәзмәсен  бәяләделәр. Айлык  кысаларында  үткәрелүче  Тукай  белән  тулы, Тукай  рухы  сизелеп  торган  тагын  бер  сихри  көн  иде  бу.  

"Тукай укулары" фәнни гамәли конференциясендә 8 нче сыйныф укучылары Гөлсөя һәм Алсу 2 нче дәрәҗә диплом белән бүләкләнделәр.  Җитәкчеләре: Габделхакова Р.Г.

"Тукай укулары" фәнни гамәли конференциясендә 2 нче сыйныф укучыларына катнашучы сертификаты тапшырылды..  Җитәкчеләре: Гайфуллина Э.Г.

"Тукай укулары" фәнни гамәли конференциясендә иллюстрацияләр ясау буенча 6 нчы сыйныф укучылары Нияз һәм Рәйхан, 7 нче сыйныфтан Гөлшат  катнашучы сертификатына ия булдылар.