26 нчы мый көнне 4 нче сыйныф укучылары өчен башлангыч мәктәп белән саубуллашу кичәсе булды. Укучылар яңа баскычка менделәр. Сыйныф җитәкчесе Римма Нурмухаметовна тарафыннан укучыларга, әти-әниләргә матур бәйрәм үткәрелде.

23 нче май көнне чыгарылыш сыйныф укучылары өчен соңгы кыңгырау яңгырады. Күәм урта мәктәбенең 15 укучысы балачак белән саубуллашты. Алда имтиханнар көтә. Укучыларга уңышлар, киләчәктә үз юлларын табуларын теләп калабыз!

Мәктәбебезнең күркәм гадәтенә кергән "Әйшияз ханлыгы" изгеләр зиратын җыештыру эшләрен быел да башкардык. 20 нче май көнне чыгарылыш сыйныф укучылары зират әйләнә-тирәсен чистарттылар.

20 нче май көнне 3 нче сыйныф укучылары Габдулла Тукай эзләре буйлап Кушлауч авылына сәяхәт тоттылар. Алар шагыйрьнең туган нигезендә музейда булып кайттылар. 

19 нчы май көнне 6, 7 нче сыйныф укучылары тәрбияви экскурсияда булдылар. Иң элек Комыргуҗа урта мәктәбендә урнашкан якташыбыз Шиһабедтин Мәрҗәни музеенда, шуннан соң Бәрәскә авылының Ак мәчетендә булдылар. 

16 нчы май көнне 8-11 нче сыйныф укучылары Габдулла Тукай исемендәге Әтнә дәүләт драма театрында "Наташаның хыялы" дип аталган спектакль карадылар.

8 нче май көнне Күәм авылында һәйкзл янында Бөек Ватан сугышы каһарманнарын искә алып бәйрәм чарасы оештырдык. Укучыларыбыз авылдашларыбыз истәлегенә шигырьләр, җырлар башкардылар. 

26 нчы апрель Бөек шагыйребез Габдулла Тукайның тууына 137 ел тулды. Шул уңайдан мәктәбебездә шигырь кичәсе үткәрдек, шагыйрьнең тормыш юлын искә төшердек. 

22-26 нчы апрель көннәрендә Казан шәһәрендә Татар теленнән халыкара олимпиада булып үтте. Әлеге олимпиадада 11 нче сыйныф укучысы Гатауллина Зәринә уңышлы чыгыш ясап, комиссия әгъзалары тарафыннан югары бәяләнде.

19 апреля в 3 классе учитель английского языка Гайнутдинова Алия Рустамовна провела открытый урок.