Укучыларыбыз өчен көтеп алынган бәйрәмнәрнең  берсе  - студентлар белән очрашу. 20 нче гыйнвар көнне 11 нче сыйныф укучылары, сыйныф җитәкчеләре Садриева А.Г. җитәкчелегендә, студентлар белән очрашу оештырдылар. Очрашуга узган уку елында мәктәпне тәмамлап, төрле уку йортларына кергән студентлар килде. Укучылар уку йортлары белән кызыксындылар, студентларга сораулар яудырдылар. Кичәге укучылар студент тормышы турында, дәресләр, яшәү шартлары хакында,беренче көннәрдә дулкынланулары, мәктәпне сагынулары турында сөйләделәр. Очрашу күңелле итеп, чәй табыны артында үтте.

18 нче гыйнвар көнне мәктәбебездә физкультура укытучыларының райокүләм семинары үтте. Семинарда физкультура укытучысы Зарипов Б.А. 6 нчы сыйныф укучылары белән "Чаңгы шуу буенча теория һәм практик яктан аны күрсәтү" дигән темага ачык дәрес күрсәтте. Мәктәпкүләмендә 2-6 нчы сыйныф укучылары арасында шорт - трэк буенча ярыш булды. Укучылар бу ярышта чын күңелдән тырышып, конькида шудылар.

2018 елның 16 нчы гыйнваренда  "Ел укытучысы - 2018" конкурсының район турында башлангыч сыйныфлар укытучысы Гатауллина Г.Р. мастер -класс күрсәтеп, лауреат исеменә лаек булды. Котлыйбыз!

10 нчы гыйнвар көнне чираттагы педсовет утырышы булды. Педсоветның темасы:   ФДБССның төп нигезе булган системалы- эшчәнлекле юнәлеш куллану үзенчәлекләре. Көн  тәртибендә түбәндәгеләр каралды:

1.“ФДББС шартларында укучыларның  дәрестән тыш эшчәнлеген файдалы итеп үткәрү”  

2) II чирек йомгаклары, алда торган бурычлар.  

3 нче чирек тәмамланды. Нәтиҗә ясау өчен ата -аналар җыелышы башланып китте. Көн тәртибендә:  Укучыга укуга карата уңай караш формалаштыру.  Укучы баланың уку эшчәнлегендә дәрес хәзерләүнең  мөһим роле.2. II чирек нәтиҗәләре. Беренче ата -аналар җыелышы 9нчы сыйныф укучылары һәм әти -әниләр катнашында үзды. Сыйныфта имтиханнар турында сүз барды. Алда торган мәсьәләләр һәм нәтиҗәләр турында сөйләшенде.

2018 нче елның 12 нче гыйнваренда  "Ел укытучысы" конкурсының дебют номинациясе конкурсында тарих һәм җәмгыять белеме укытучысы Хәкимҗанов Ф.Х. уңышлы чыгыш ясап, лауреат исеменә лаек булды. Котлыйбыз!

Яңа ел якынлашкан саен укучыларны яшел чыршы, мәктәп каршында кар сыннары ясау, матур бәйрәмнәргә хәзерләнү  кебек мәшәкатьләр биләп ала. Быел да укучыларыбыз бик тырышып кар сыннар ясадылар. Аларны матур итеп буядылар, киендерделәр. Мәктәп каршыбыз  кар бабайлар парады белән тагын да ямьләнде, яңа ел атмосферасы тудырды. 

Яңа елда Кыш бабай алып килгән бүләкләр һәр укучы өчен дә көтелгән һәм кадерле. Быел Кыш бабай бүләкләре бик мулдан булды. Һәр укучы бүләкне шатланып кабул итте. Икенче яңа елларга да укучылар Кыш бабайның килүен , бүләк алып килүен көтеп калулары турында әйттеләр.

Кыш бабай бүләкләреннән соң, Яңа ел бәйрәмнәре башланып китте. 23 нче декабрь көнне мәктәбебездә чыршы бәйрәме, яңа ел тамашасы, балмаскарад үтте.  Һәр сыйныф буу бәйрәмгә зур тырышлык белән хәзерләнде. Биюләр , җырлар, конкурслар, төрле уеннар бәйрәмне тагун да җанландырып җибәрде. Тамашачыны шһәйран калдырганы балмаскарад булды. 8 нче сыйныфларның скетчы, 9 нчы сыйныфларның биюләре, 10 -11 нче сыйныф укучыларының вальсы залны алкышларга күмде. Укучылар да, тамашачылар да ял итте, күңел ачты.

25 нче декабрьда  мәктәп каршында оештырылган "Бәхетле балачак" кышкы лагере  үз эшен башлап җибәрде. Лагерьга йөрүче укучыларны  беренче көннән  кызыклы сәяхәтләр каршы алды. Алар Г.Тукай исемендәге  Әтнә халык театрына культпоход ясады. Укучылар бу сәяхәттән бик канәгать калдылар.