13.02.2018 ел. " Ел сыйныф җитәкчесе" конкурсының район турында  5 нче сыйныф җитәкчесе Галиева Рәйсә Равил кызы үз тәҗрибәсен хезмәттәшләре белән уртаклашып,лауреат исеменә лаек булды.Без аны чын күңелдән котлыйбыз, уңышлар телибез.

Бүген Әтнә мәктәбе актлар залында "Замечательный вожатый" конкурсының район этабы узды. Безнең мәктәпнең  10 нчы сыйныф укучысы, активисты, әйдаманы, башлангыч сыйныф укучыларының яраткан вожатыйлары Газизова Зөхрә Илфар кызы да бәйгедә көч сынашты. Бәйге бик җанлы узды: әйдаманнар эссе яздылар, үз эшчәнлекләре белән таныштырдылар, тестлар эшләделәр, группалар белән чара оештырдылар. Һәм безнең Зөхрәбез 3 урынны яулады. Молодец!

Февраль-батырлык айлыгы. Шул максаттан мәктәбебездә төрле чаралар, сыйныф сәгатьләре үтә. Сыйныф җитәкчеләре укучыларны Афганистан сугышы, Муса Җәлил батырлыгы, онытылмас сугыш фаҗигаләре кебек темалар белән таныштырып, аларда ватанпәрвәрлек, туган якка мәхәббәт, батырлык сыйфатлары тәрбиялиләр. 

Мәктәптә спорт һәм сәламәтлек атналыгы бара. Атналык үз кысаларына укучыларның сәламәтлеген саклау, хәрәкәтчәнлекләрен арттыру, саф һавада күбрәк булу, төрле ярышларга хәзерлекне үз эченә ала. Шул максаттан чыгып, физкультура укытучысы Зарипов Б.А.  5-11 нче сыйныф укучылары арасында шортрэк бәйгесе уздырды. Бәйгегә укучылар бик теләп катнаштылар. һәм үзләренең конки шуу остасы икәнлекләрен күрсәттеләр.

2 нче февраль көнне ,Күәм урта мәктәбе базасындагы бозлавыкта, район мәктәпләре арасында Зарипов Илгизәр истәлегенә хоккей турниры оештырылды.  Һәм мәктәбебез хоккей командасы 1 нче урында. Алар күчмә кубок белән бүләкләнде. 2 нче урында Бәрәскә , 3 нче урынны Олы Мәңгәр мәктәбе яулады. Алар мактау грамоталарына лаек булдылар. Хоккейчыларыбызны чын күңелдән уңышлары белән  котлыйбыз, алда уңышлар телибез.

2018 нче елның 1 нче февраленда    районыбыз укучылары   тантаналы  хәрби - патриотик  сборга җыйналды. Бу укучылар арасында мәктәбебезнең 10 укучысы да катнашты. Алар балаларның хэрби - патриотик оешмасы Юнармия сафларына кабул ителде. Һәр укучыга таныклык бирелде. Укучыларыбыз сбордан зур горурлану хисе белән кайттылар. 

2018 нче елның 31 нче гыйнваренда математика укытучысы Хәбибуллина Айсылу Мөбәрәкҗан кызы 6 нчы сыйныф укучылары белән ачык дәрес күрсәтте. Дәрестә укучылар пропорция темасын өйрәнделәр. Парларда, группаларда эшләделәр. Төрле мисалларны  формулалар ярдәмендә чиштеләр, нәтиҗә ясадылар. Һәр эшләнгән эшкә үзбәя куйдылар.

Мәктәбебездә ачык чаралар гел үтеп тора. Бүген дә укучылар танылган әдибебез Ш.Мәрҗанинең 200 еллыгын билгеләп үтү максатыннан  мәктәпкүләм чарага җыелдылар. Укучылар, укытучылары Алия Садриева җитәкчелегендә, Ш.Мәрҗанинең тормыш юлы һәм иҗатын өйрәнеп, нәтиҗә ясадылар. Аның эшчәнлеге һәм аның турында бик күп мәгълүмат алдылар. Ш.Мәрҗанинең татар халкының  мәрҗәне икәнлегенә тагын бер кат инандылар. Кичә бик җылы һәм  файдалы булып үтте. 

29 нчы гыйнвар көнне  4 сыйныфлар, сыйныф җитәкчеләре Ганиева Люция Фәесхан кызы белән берлектә, "Якташ әдипләребез" дигән темага ачык тәрбия сәгате үткәрделәр. Үзләренә кунак итеп, 1-3 нче сыйныф укучыларын да чакырдылар. Тәрбия сәгатендә укучылар С.Шакир, С.Хәким, Х.Халиков, Нәҗип Мәдьяровның тормыш юлы һәм иҗаты белән таныштылар, әсәрләрен яттан сөйләделәр, китаплар күргәзмәсе белән таныштылар, кроссворд чиштеләр. Тәрбия сәгате укучылар өчен файдалы һәм кызыклы булып үтте.

22 нче гыйнвар көнне Дусым башлангыч мәктәбендә ачык дәресләр көне иде. 2 нче сыйныфта Фзылҗанова Р.И. татар теленнән " Кеше исемнәрен, фамилияләрен баш хәрефтән язу", шул ук сыйныфта Закирҗанова Э.Р. әдәби укудан  "Р . Миңнуллинның "Рәсем" шигырен уку" дигән темага ачык дәресләр  күрсәттеләр. Бу дәресләрдә укучылар сүзлек диктантлары яздылар, тестлар эшләделәр , мәсьәләләр чиштеләр. Дәресләр ФДБС шартларына туры китереп, әзерлекле  формада үтте.