2018 нче елның 12 нче ноябреннан 16 нчы ноябрена кадәр мәктәбебездә ата - аналар җыелышлары узды. Җыелышта күтәрелгән төп темалар: икенче чирек нәтиҗәләре, укучы балаларда җаваплылык тәрбияләүдә ата-ананың эшчәнлеге, укучыларның буш вакытын үткәрүдә өстәмә белем бирү һәм дәрестән тыш эшчәнлекнең роле  турында һәм төрлеләрдән  торды. Ата -аналарга  һәр фән укытучысы белән очрашып сөйләшү мөмкинлеге тудырылды, җыелышлар һәр сыйныфта аерым үтте. 

2018 нче елның 15 нче ноябренда 8,10 нчы сыйныф укучыларыбыз Казанда оештырылган "Яшь талантлар" фестиваль -  күргәзмәсендә булып кайттылар. Алар бу күргәзмәдә үзләрен кызыксындырган бик күп сорауларга җаваплар  таптылар. Үзләре дә талантларын күрсәтү мөмкинлеге бар икәнен белделәр. Бик оригиналь эшләр белән танышып, үзләре дә эшләп карадылар. Практикада кулланып карау аларда бик зур кызыксыну уятты. Һөнәр сайлауга да зур этәргеч бирде.

1 чирек тәмамланды.  3 нче ноябрь көнне чираттагы педсовет утырышы үтте. Анда  алга куелган мәсьәләләр, чирек нәтиҗәләре һәм төрлеләр каралды.

29 нчы октябрь көнне мәктәбебездә зур чара үтте. 5-11 нче сыйныфлар белән берлектә, элеккеге комсомолларыбыз Хәбибуллина А.М. һәм Төхфәтуллина Ф.Р. очрашу үткәрделәр. Тарих укытучысы  Хәкимҗанов Ф.Х. укучыларны комсомол тарихы белән таныштырды. Фәрдия Римхәт кызы комсомол секретаре булып эшләгән чорда комсомол аңа нәрсәгә ирешергә мөмкинлек биргәне турында сөйләде, Айсылу Мөбәрәкҗан кызы үзенең комсомол билеты белән горурлануын һәм ул комсомолга бик рәхмәтле булуын әйтте.